بدأت ببطحات وهلوم جرا

[hagagatc]

كنت من حوالي اربع ايام سالت عن سعر البطحات عشان كنت سامع زي صوت
دقدقه علي الطريق وانا ماشي وبرضه كان عندي رعشه في الطاره لما السرعه تزيد عن ١٢٠-١٤٠
المهم
فك يا عم الحاج عشان نغير البطحات وشيكلي علي العفشه
قايل يا سبدي
تيش الميزان مبوش و عايز يتغير ومعاها بيض الدركسيون
وكيزان الي بتبقي تحت البطاحه ٢ اتغيروا وقالي السوست عايزه تتغير لانهم انظغطوا لما اتعملهم علايات
قبل كده وصدادتين جداد برضوا والموساعدين في واحد منهم خفيف والتاني شغال المهم قلي خليهم نغيرهم بعدين ده غير البطاحات الي اتغيروا
بالمصنعيه كده بالصله علي النبي دخلتلي في ٩٠٠ جنيه
من ١٥٠ بطحات بس الي كنت عامل حسابه
اطلع جرب اطلع اجرب الدقدقه لسه موجوده اتخنقت خنقه ايه ياعم الحج الدقده لسه موجوده
قلي يبقي المساعدين هما الي فيهم المشكله شويه وغيرهم كام اتنين مساعدين يعملوا ٧٥٠ جنيه
او ٦٥٠ حسب النوع حاجه تقرف بعد كل ده ومفيش نتيجه وعطله طول اليوم
ظبط زوايا بعدها بعد العك ده ادام وورا ب ٥٠ جنيه قالي العجله اليمين مقدمه سنتي وعايزه زرجينه
كام ٨٠ جنيه ظبط زوايا بس عشان كنت فلست من الاخر اطلع علي الدائري اجرب الاقي الدقدقه زادت عن الاول والرعشه الي في الطاره لسه موجوده لما قرفت بجد وخايف اغير المساعدين الاقي نفس المشاكل دي اعمل ايه بقي في عك الصنايعيه

[hassanin_lada]

متابع ياباشا والله يكون في عونك

طب حضرتك رصصت العجل ؟؟ هل الكوتشات عندك نضيفه ؟؟ يعني ماتكونش ضاربه سلك مثلا ؟؟

[فادى محمد]

غير العفشجي وتغيير المساعدين مش هياثر في الدقدقه لانها من الاسكاترا

[hagagatc]

متابع ياباشا والله يكون في عونك

طب حضرتك رصصت العجل ؟؟ هل الكوتشات عندك نضيفه ؟؟ يعني ماتكونش ضاربه سلك مثلا ؟؟

انا مرصص الاربع عجلات من حوالي شهر ونص بس بعدها نفس المشكله والكوتشات عندي شكلها يوحي بانها سليمه بس هل في ناس بترصص اي كلام

[Hesham.H]

دقدقه الدريكسيون يا اما دراعات الاسكاترا او صليبه الدركسيون ... المساعدين مش بيعملوا كده حتى ولو خفاف .. روح لعفشجى كويس فاهم فى الاوبل

[moaaz]

لو رجرجة الطارة على سرعة عالية 90-100 و بتخبتفى مع الزيادة اكثر ..........ممكن تبقى كوبلن داخلى ...اكشف عند حد خبيييير ...علشان تقلل المصارييف ...ربنا يعينك ..و محاولة لرفع معنوياتك ....ان اللى انت غيرته دا كدا كدا كنت هتحتاجة ..وانشاء الله لما تصلح العيب الاساسى ..هتبقى مبسووط جدا من الادااااء ..ربنا يوفقك

[hagagatc]

لو رجرجة الطارة على سرعة عالية 90-100 و بتخبتفى مع الزيادة اكثر ..........ممكن تبقى كوبلن داخلى ...اكشف عند حد خبيييير ...علشان تقلل المصارييف ...ربنا يعينك ..و محاولة لرفع معنوياتك ....ان اللى انت غيرته دا كدا كدا كنت هتحتاجة ..وإن شاء الله لما تصلح العيب الاساسى ..هتبقى مبسووط جدا من الادااااء ..ربنا يوفقك

لا انا العكس معايا الرجرجه بعد ال ١٢٠ -١٤٠ طيب ارح لمين خبير

[mahmoudhanfe]

حليك من الاسهل للاصعب .. ومتصعبش عاى نفسك الموضوع من الاول ... دايما الرجة والرعشة بتاعت الدريكسيون ديه بيكون سببها اما ترصيص واما عجلة مش مظبوطة او معوجة مثلا ,,, ظبط زوايا تانى عند حد كويس وشيك ع الكوتش كويس الاول قبل ما تدخل فى متاهات العفشة

[moaaz]

لا انا العكس معايا الرجرجه بعد ال ١٢٠ -١٤٠ طيب ارح لمين خبير

والله يا باشا انا من طنطا ف معرفش حد ..استنى راى عمالقة القسم ..متقلقش هيوجهوك صح انشاء الله

[hagagatc]

دقدقه الدريكسيون يا اما دراعات الاسكاترا او صليبه الدركسيون ... المساعدين مش بيعملوا كده حتى ولو خفاف .. روح لعفشجى كويس فاهم فى الاوبل

الدقدقه مش بحسها في الطاره انا بحسها في العفشه علي طريق مكسر او لما يكون الاسفلت مش مستوي يمين وشمال

[Karim Ibiza]

اسكترا وترصيص

[hagagatc]

طيب يا شباب لو اسكاترا حتتغر ولا بتتصلح وايه الي ممكن الي يكون بايظ فيها

[zendo]

بتسمع الدقدقة دى فى انهو جنب علشان كان عندى دفدفة قبل كده فى الجنب اليمين كنت بسمعها مع المطبات والنقر اللى فى الطريق وطلع مسمار الميزان مكسور شيك عليه وخلى عفشجى يشوفة هو اللى بيعمل كده

[hagagatc]

بتسمع الدقدقة دى فى انهو جنب علشان كان عندى دفدفة قبل كده فى الجنب اليمين كنت بسمعها مع المطبات والنقر اللى فى الطريق وطلع مسمار الميزان مكسور شيك عليه وخلى عفشجى يشوفة هو اللى بيعمل كده

مسمار الميزان ده بيكون فين بالضبط

[فادى محمد]

-مسمار الميزان فوق تيش الدركسيون ولما يبوظ او يبوش تسمع صوت المطبات والنقر الصغيره
-الاسكاترا لما تبوش تحس بصوت المطبات والنقر في ايدك
-اسكاترا الفيكترا ايه بتتصلح ليها طقم اصلاح انما البي مابتتصلحش تتغير علطول وتمنها استيراد حدود 700ج