ال abs عايز اولع فيه بجااز

[creative_art]

السلام عليكم ورحمة الله ..

مشكلتي اليوم هي مشكلة اي اوبلاي راكب فيها ... عربيه ملهاش حل ... ثبات تراكشن هاندلنج جري فشخ اوبشن مريحه .. فيها كل حاجه ..

والابلاوي ده بيحب الفيكترا ...

بس فى نفس ذات الوقت الاوبلاوي ده لما يجي يدوس فرامل العربيه بتزحف بيه ... وبتعمل باليه بحيرة البجع عالطريق ..

دلوقتى انا شاري الفيكترا وفيها لمبة abs منوره ...


رحت لميكانيكي نص لبه قالى دى شغلانة كمبيوتر وبتاع .... جاب جهاز وطفالي اللمبه ... يادوب طلعت بيها لاول الشارع واللمبه نورت تانى ...


رحت لميكانيكي اخر .. قالى ده سيرفو الفرامل ... هات سيرفو ب 300 جنيه

طنشته ..

رحت لعبدالعزيز بتاع الاوبل الى جمب دوران السيوف ( الاسكندريه )

طلع جرب العربيه قالك بتزعف تزعيفه غلط من ورا ..

حتي لو مفيهاش abs مبتعملش كده ..

المهم يعني ... حطيناها عالجهاز

طلع الايرور ده

abs solenoid # circuit malfunction

على ما اتذكر يعني ..

المهم ... على حسب كلامه انه عايز يفتح ال 4 عجلات ينضفهم .. .. ولو منفعش هيجيب وحده عموميه



انا عايز حل ياجماعه .... انا لحد دلوقتى معرفش العيب منين ... هل هو سيرفو ولا وحدة اي بى اس ولا ايه ...


وهل وحدة ال abs دي ملهاش علاج ؟؟؟؟ العربيه ماشيه 130 الف وكل حاجه فيها بتاعت الفابريكه ..


انا عايز احل الموضوع ... باقل تكلفه ممكنه لانى لسه هجيب جنط وشغلانه ..


فيكترا بى 1997

[ashourashour]

الكود دا وحده اي بي اس

[MohammedAladel]

غلط جدا إنه يطفى اللمبة من غير ما يعرف العيب ومش أى عيب أعتقد إنه ينفع يطفى اللمبة بتاعته هو فعلا صنايعى نص لبة

[creative_art]

متابع

[alnmr79]

الحاج عبد العزيز فاهم قوى خليك معاه.
ممكن تجرب الفرامل بعد ماتفصل كهربة وحدةالايه بى اس وتجرب الفرامل وتشوف العيب من الجهاز والا الماستر لان الفيكترا بى من غير الايه بى اس فراملها محترمة جدا ما بالاك بقى والايه بى اس شغال..........
جرب الاسهل وهوتنضيف الحساسات وبعدين تغيير زيت الفرامل دوت 4

[ashourashour]

الحاج عبد العزيز فاهم قوى خليك معاه.
ممكن تجرب الفرامل بعد ماتفصل كهربة وحدةالايه بى اس وتجرب الفرامل وتشوف العيب من الجهاز والا الماستر لان الفيكترا بى من غير الايه بى اس فراملها محترمة جدا ما بالاك بقى والايه بى اس شغال..........
جرب الاسهل وهوتنضيف الحساسات وبعدين تغيير زيت الفرامل دوت 4

مع احترامي ليك . الفيكترا بدون اي بي اس خطيره جدا و ضهرها بيلف لو دست فرامل جامد على سرعه

والموضوع ملوش دعوه بالحساسات اللي على العجل كانت لازم تسجل كود

والكود بتاع السولينويد دا بداخل الوحده نفسها

[فادى محمد]

من الاخر ...
واحد بس بيصلح الايه بي اس وبيديك عليه ضمان
حسام اوبل -طنطا-شارع نايف عماد بجوار المطافي
بيتكلف 400ج بس حلال فيه الفلوس ويستاهل اكتر من كده
طبعا قصدي الايه بي اس مش حسام

[kar!m]

فعلا أسمع ان حسام أوبل شاطر في الحاجات دي.

أنا كان عندي نفس المشكلة و رحت لهيثم اللي في الحرفيين و رحت لصابر اللي في رابعه .. و الاتنين قالوا لي نفس الكلام بالضبط لدرجة اني حسيت اني بسمع رسالة مسجلة.

الكلام هو "دي مشكلة معروفة في الفيكترا و بتتصلح بس بترجع تاني .. الحل انك تشتري وحدة ايه بي اس استيراد بتاعة موديل مبينزلش في مصر و تجيبها لنا نبرمجهالك و تنسى بعد كده الايه بي اس للأبد .. و بتتكلف كلها 1000 جنية تقريبا"

[zomprakes]

السلام عليكم ورحمة الله ..

مشكلتي اليوم هي مشكلة اي اوبلاي راكب فيها ... عربيه ملهاش حل ... ثبات تراكشن هاندلنج جري فشخ اوبشن مريحه .. فيها كل حاجه ..

والابلاوي ده بيحب الفيكترا ...

بس فى نفس ذات الوقت الاوبلاوي ده لما يجي يدوس فرامل العربيه بتزحف بيه ... وبتعمل باليه بحيرة البجع عالطريق ..

دلوقتى انا شاري الفيكترا وفيها لمبة abs منوره ...


رحت لميكانيكي نص لبه قالى دى شغلانة كمبيوتر وبتاع .... جاب جهاز وطفالي اللمبه ... يادوب طلعت بيها لاول الشارع واللمبه نورت تانى ...


رحت لميكانيكي اخر .. قالى ده سيرفو الفرامل ... هات سيرفو ب 300 جنيه

طنشته ..

رحت لعبدالعزيز بتاع الاوبل الى جمب دوران السيوف ( الاسكندريه )

طلع جرب العربيه قالك بتزعف تزعيفه غلط من ورا ..

حتي لو مفيهاش abs مبتعملش كده ..

المهم يعني ... حطيناها عالجهاز

طلع الايرور ده

abs solenoid # circuit malfunction

على ما اتذكر يعني ..

المهم ... على حسب كلامه انه عايز يفتح ال 4 عجلات ينضفهم .. .. ولو منفعش هيجيب وحده عموميه



انا عايز حل ياجماعه .... انا لحد دلوقتى معرفش العيب منين ... هل هو سيرفو ولا وحدة اي بى اس ولا ايه ...


وهل وحدة ال abs دي ملهاش علاج ؟؟؟؟ العربيه ماشيه 130 الف وكل حاجه فيها بتاعت الفابريكه ..


انا عايز احل الموضوع ... باقل تكلفه ممكنه لانى لسه هجيب جنط وشغلانه ..


فيكترا بى 1997

باشا انا هالك علي حاجة شبة اللي حضرتك قولتو حصلت ليا انا معايا شوما خليجي فيها abs و روحت مرة اربط عفشة بعديها بساعة اللمبة نورت و بقيت لما ازود عن 80 و ادوس فرامل الاقي حجات بتخبط في بعضها روحت لي واحد عندو جهاز قالي دا الحساس اتكل و مسحلي ال error و اللمبة طفت و 5 دقائق و نورت روحت لي واحد ميكانيكي فاهم قالي صعب اوي الحساسا يبوظ مابتحصلش و بص و قالي العفشجي دق عالكبلن شرخ ترس ال abs فالحساس مش قاري الترس فاللمة بتنور و نزلت جبت الترسين و ركبت اللمبة طفت الحمد للة ماعلش انا عارف اني صدعتك بس ماكنتش هاتفهمني من غير اشرحلك بظبط

[creative_art]

اهو ال abs بتاع الشوما الخليجي ده الى خلانى اعمل حادثه ....

كانت معايا شوما خليجي فتحة سقف ايرباج abs والجهاز ده هنج او استهبل .. ( وات ايفر ) وفى مره بهدل الفرمله معايا وانا باخد غرزه وخلانى احودث ... الحمدلله ...


المهم نرجع للأوبل ..



دلوقتى انا شايف كل الحلول بتتجه لحسام بتاع طنطا ده ..

انا الاول بس عايز افصل فيشة ال abs واشوف ايه الكلام ... لان ممكن يكون الدنجل مش مظبوط ورا .. ممكن احتمالات كتير ..

بس فى حالة لو حبيت اصلح ال abs عند حسام ..

دلوقتى انا من اسكندريه ... عمري مارحت طنطا دى فى حياتى ... تعتقدو ايه الحل ... وهل الوصول ليه سهل .. ولا مدفون جوه البلد .. ولا ايه الكلام بالظبط

[MaaM]

و روحت مرة اربط عفشة بعديها بساعة اللمبة نورت

نفس الموضوع دا حصل معايا ، لما اشتريت العربية وقعدت بيها اسبوع كامل كانت طبيعية واول اما روحت غيرت العفشة الامامية وهي بقت تنور
ولما رجعت للميكانيكي ، كشف مرتين وقالي انها من فيشة أو سرة العجلة الامامية شمال ، هو بيقولي ان الكمبيوتر قاري كدا
هي بقالها كتير عندي مابتنورش بس ساعات كدا فين وفين بتنور وبتطفي لما بابطل العربية واشغلها تاني
يارب مايكونش حصل حاجة عندي في الترس

[ashourashour]

نفس الموضوع دا حصل معايا ، لما اشتريت العربية وقعدت بيها اسبوع كامل كانت طبيعية واول اما روحت غيرت العفشة الامامية وهي بقت تنور
ولما رجعت للميكانيكي ، كشف مرتين وقالي انها من فيشة أو سرة العجلة الامامية شمال ، هو بيقولي ان الكمبيوتر قاري كدا
هي بقالها كتير عندي مابتنورش بس ساعات كدا فين وفين بتنور وبتطفي لما بابطل العربية واشغلها تاني
يارب مايكونش حصل حاجة عندي في الترس

عربيتك استرا 1600 برازيلي

العيب اما كابل او صره (مفيش حساس )الصره بتتغير كلها

بدون مترمي فلوسك و تضرب اخماس في اسداس
بدل الكبلين اليمين والشمال قدام مع بعض
لو نفس الجنب سجل تاني يبفى للاسف صره
لو الجنب اتعكس يعني بدل ما كانت بتسجل يمين بقت بتسجل شمال مثلا يبقى كابل

اي خودعه

[فادى محمد]

اهو ال abs بتاع الشوما الخليجي ده الى خلانى اعمل حادثه ....

كانت معايا شوما خليجي فتحة سقف ايرباج abs والجهاز ده هنج او استهبل .. ( وات ايفر ) وفى مره بهدل الفرمله معايا وانا باخد غرزه وخلانى احودث ... الحمدلله ...


المهم نرجع للأوبل ..



دلوقتى انا شايف كل الحلول بتتجه لحسام بتاع طنطا ده ..

انا الاول بس عايز افصل فيشة ال abs واشوف ايه الكلام ... لان ممكن يكون الدنجل مش مظبوط ورا .. ممكن احتمالات كتير ..

بس فى حالة لو حبيت اصلح ال abs عند حسام ..

دلوقتى انا من اسكندريه ... عمري مارحت طنطا دى فى حياتى ... تعتقدو ايه الحل ... وهل الوصول ليه سهل .. ولا مدفون جوه البلد .. ولا ايه الكلام بالظبط

اول ماتوصل طنطا بالسلامه ..
وقف تاكسي وقوله ع العنوان واديله 5 جند
وامشي وراه بعربيتك ,بس كده

[MaaM]

بدل الكبلين اليمين والشمال قدام مع بعض
لو نفس الجنب سجل تاني يبفى للاسف صره
لو الجنب اتعكس يعني بدل ما كانت بتسجل يمين بقت بتسجل شمال مثلا يبقى كابل

اي خودعه

قشطة عليك , هاجربها باذن الله لما ارجع من السفر

Sent from my HTC

[Amrgamal1]

ا

مشكلتي اليوم هي مشكلة اي اوبلاي راكب فيها ...

بلاش تعميم والنبي
كلامك دا معناه ان دا عيب في الاوبل و ان الاوبل كله كدا