شوية استفسارات بخصوص الاوبل استرا الجديده

[hossam_elwani]

كنت عايز اعرف من حضراتكم اجاية بعض الاستفسارات بخصوص الاوبل استرا الجديده

فى فئة الكوزمو

1- ايه المقصود بــ راديو و مشغل اسطوانات 400

2- اسعار الصيانات كام ؟؟

3- هل العربيه فيها ebd ولا لا ؟؟ ولو مفيهاش هل esp يغنى عن ebd ؟؟

4- هل الفتيس اوتو عادى ولا استربترونيك (مانيوال واوتو معا) ؟؟

5- هل الفئه الكوزمو المقاعد فيها جلد بالكامل ولا جلد + قماش فى المنتصف؟؟

تحياتى لكل القائمين على القسم واعضاؤه

[MohammedAladel]

أعتقد إن العربية فيها ebd طبعا وهو لا يغنى عن ال esp لأن فيها Esp بس مش عارف فى كل افئات ولا إيه

وبينزل منها محركين

[egyptodentist]

اولا::: في فرق كبير بين esp و ال ebd ودي كلام عام في اي عربية مش الااسترا بس....
esp:::: و دي اختصار (electric steering power) اي عجلة قيادة كهربائية وليست هيدرولك وفي عربيات كتير الباور بتعاها كهرباء زي البونتو والميجان والانترا الشكل السابق والحالي والاربي والنيو اكسنت 2006-2008 ووحجات كتير وده عبارة عن موتور كهربائي هوا اللي بيقوم بدور الباور مش مضخة زيت هيدرولك متصلة بموتور السيارة...والنظام ده بيكون البرمجة بتعاته جزء من برمجة شريحة العربية عشان
الدريكسيون يتقل ويخف وفقا لسرعة العربية.....تمام كده يا باشا..
ebd:::::وده اختصار ( electronic break distribution) اي توزيع الفرامل الالكتروني وده بيعمل بالتناغم مع الabs حيث انه الabs يمنع التوقف التام للعجلة اثناء الضغط بقوة علي الفرامل والebd يعمل وفقا للحساسات بتاعت الabs حيث يشعر النظام بقوة تماسك كل عجلة بالا سفلت وحسب قوة التماسك يوزع قوة ضغط الباكم فمثلا لو عجلة في بقعة زيت او ماء الabs هيحس ببدء توقف العجلة وطبعا بيسمح بتقليل قوة ضغط الباكم للعجلة دي وهنا يجي دور ال ebd حيث يقوم بتقليل كمية الباكم اللي رايحة للعجلة ده ويزود الضغط للعجلة المتامسكة وده كله بيحصل في حوالي 0.3 من الثانية وطبعا بردو البرمجة بتكون جزء من برمجة شريحة العربية....
يا رب اكون قدرت اوضح لحضرتك الفرق بين الاثنين حيث لاتوجد علاقة بين الاتنين نهائي.....
بالنسبة لباقي الاسئلة لا استطيع ان افتي فيها لاني لا اعلم مواصفات مصر ايه بس اللي بتنزل بره فيها كل اللي بتسال عليه.....وموفق بأذن الله

[monamize4]

esp = electronic stability program

[hossam_elwani]

esp = electronic stability program

تمام هو ده المقصود

برنامج الاتزان الالكترونى

مش الباور ستيرنج

[dede_dodo88]

esp:::: و دي اختصار (electric steering power)

EPS: Electric Power Steering
ESP: Electronic Stability Program

[dede_dodo88]

كنت عايز اعرف من حضراتكم اجاية بعض الاستفسارات بخصوص الاوبل استرا الجديده

فى فئة الكوزمو

1- ايه المقصود بــ راديو و مشغل اسطوانات 400

400 ده موديل الـinfotaninment system

2- اسعار الصيانات كام ؟؟

أخر صيانة عملتها كانت الـ15k و دفعت في حدود 600 مش متذكر المبلغ بالظبط و كنت مغير فيها فلتر تكييف..

3- هل العربيه فيها ebd ولا لا ؟؟ ولو مفيهاش هل esp يغنى عن ebd ؟؟

غالباً أه فيها EBD
بس اللي متأكد منه أن فيها ESP, ABS, TC, EPS

4- هل الفتيس اوتو عادى ولا استربترونيك (مانيوال واوتو معا) ؟؟

ستيبترونيك 6 سرعات.. يعني أوتوماتيك و فيه +/-

5- هل الفئه الكوزمو المقاعد فيها جلد بالكامل ولا جلد + قماش فى المنتصف؟؟

بيبقى نص جلد و نص قماش و فرش الباب بيبقى جلد..

تحياتى لكل القائمين على القسم واعضاؤه

[hossam_elwani]

شكرا جزيلا لردك واهتمامك

طيب بما انك مالك للعربيه اخبار التكييف ايه فى الصيف وفى عز الحر هل زى الميجان والفلورانس ضعبف الاداء ولا ممتاز زى الكورى واليابانى تديله كام على عشره مثلا ؟؟

وكمان سؤال طماع انا صح ههه

هيا العربيه نازله بكاوتش نوعه ايه ؟؟

[dede_dodo88]

طيب بما انك مالك للعربيه اخبار التكييف ايه فى الصيف وفى عز الحر هل زى الميجان والفلورانس ضعبف الاداء ولا ممتاز زى الكورى واليابانى تديله كام على عشره مثلا ؟؟

وكمان سؤال طماع انا صح ههه

هيا العربيه نازله بكاوتش نوعه ايه ؟؟

بما أني بني أدم قطبي بفضل مصيف الأربع فصول lol.. فأقدر أقول ان التكييف ممتاز يعني أنا ظابط الناحيتيين (عشان dual-zone) على 20ْ و في معظم الأحيان المروحة على أول درجة إلا لو الجو سخن أوي بعليها درجة كمان ولا حاجة..

هو في عربيات بشوف راكب فيها كونتنينتال بس أنا عربيتي فيها هانكووك و كويس جداً..

[omar-saad]

راكب فيها ميشلان

[Mohyeldin1974]

متابع

[MohammedAladel]

شكرا جزيلا لردك واهتمامك

طيب بما انك مالك للعربيه اخبار التكييف ايه فى الصيف وفى عز الحر هل زى الميجان والفلورانس ضعبف الاداء ولا ممتاز زى الكورى واليابانى تديله كام على عشره مثلا ؟؟

وكمان سؤال طماع انا صح ههه

هيا العربيه نازله بكاوتش نوعه ايه ؟؟

تكييف ميجان مش ضعيف تصحيحا للمعلومة

وبالنسبة لليابانى تحديدا ممكن حضرتك تحدد عربية وتقول عليها تكييفها ممتاز جدا لأن بعض وليس كل اليابانى تكييفه ممتاز

أما ا لكورى فمعرفش عنه حاجة