100 جنيه تصليح كاوتش

[ashourashour]

يا جماعه حصل معايا موقف صعب جدا

العجله نامت وانا ماشي

ركنت عند اول واحد بتاع كاوتش

لقيت العجله فيها 15 خورم

الراجل اعد يدب في خوابير و في الاخر قالي 120 جنيه

انا كنت عايز اروح القسم بصراحه لكن كان معايا حريم مينفعش اصعد الموضوع و بعد شد في الكلام جامد رميتلو 100 جنيه و قلتله مش مسامحك و حسبنا الله و نعم الوكيل

انا بقولكم عشان يكون درس و عظه عشان محدش يحصل معاه الموقف دا

[ali_333]

معدش في ضمير ..... ولا يهمك ربنا حينتقم منه ان شاء الله عاجلا

[essam2z2]

يا باشا كنت رميتهالو فى وشه ومشيت دا بيستعبط يعنى هل يعقل الفردة يبقى فيها 15 خرم طب قولى ازززاى مستحيل

[Khaled Lanos]

حسبي الله ونعم الوكيل..أنا لو مكانك كنت روحت القسم واشتكيت النصاب ده..وبعدين ازاي 15 خرم دا بيستهبل أكيد!!!!!!

[misoalex]

يا باشا دى نصبايه وحصلت كتييييييييير مع ناس هنا فى المنتدى

والفرده دى كده بقت قنبله موقوته لازم ترميها لانهاممكن تضرب فى اى وقت من كتر الخوابير دى

[moh19227]

ياباشا لو حضرتك بصيت علي الف موضوع ف المنتدي بنفس الطريقه
مفيش حاجه اسمها 15 خرم ف الفرده مرة واحدة دي متحصلش ابدا
اللي بيحصل انه بيزود الفردة ع الاخر لحد ما المسام بتاعتها تفتح ويكبلك عليها الميه بصابون ويقولك شايف يا باشا
المهم استعوض ربنا ف الفلوس اللي دفعتها و غير الفردة في اقرب وقت علشان 15 خابور في فردة كتير اوي

[hagagatc]

يا جماعه حصل معايا موقف صعب جدا

العجله نامت وانا ماشي

ركنت عند اول واحد بتاع كاوتش

لقيت العجله فيها 15 خورم

الراجل اعد يدب في خوابير و في الاخر قالي 120 جنيه

انا كنت عايز اروح القسم بصراحه لكن كان معايا حريم مينفعش اصعد الموضوع و بعد شد في الكلام جامد رميتلو 100 جنيه و قلتله مش مسامحك و حسبنا الله و نعم الوكيل

انا بقولكم عشان يكون درس و عظه عشان محدش يحصل معاه الموقف دا

حصلت معايا بالفعل كان حوالي ١٢ اخرام وعشان عملتها عند واحد علي الكرنيش جمب الوكاله مضطر حاسبني علي الخرم ب ٧ جنيه وكان السبب اني دست علي ازاز عربيه عامله حدثه وده ممكن يحصل لو الكوتش تعبان او ضغط الهوا مش مظبوط

[ashourashour]

الصراحه انا مهمل في ظبط ضغط الهواء والعربيه بتتركن بالشهور عشان بسافر

[reallistic]

لو فرضان أن كلام الكاوتشجي سليم و كان فيها كل الأخرام دي يبقى
يا إما الفردة كانت مريّحة و مشيت على إزاز مكسّر
أو الفردة بقيت منملة -زي ما بيقولوا عليها- إللي هي بقى جسم الكاوتش نفسه منفس
و في الحالة دي لو أنا فلوسي جاهزة بأقوله سيبك منها
و أركب فردة جديدة أو لو متوفر مستعمل بحالة كويسة يبقى تمام
لو مش جاهز يبقى أركب شنبر داخلي لحد ما العملية تتظبط و أبقى أجيب غيره
و في الآخر ربنا يديله على قد نيته

[mesaharaty]

حسبنا الله ونعم الوكيل
راااااااااااااااااااااااح الضمير ومااااااااااااااااااات

[mifs]

ده نصاب مافيش حاجة اسمها 15 خرم ودوست في ازاز
مافيش ازاز عربيه متكسر يعمل كده في كاوتش لسه فيه ريحة نقشة
بيدي العجلة هوا
ازازة الميه والصبون عليها h2so4 مخفف جدا
هوا ده بيعمل فوران والصابون يدي فقاعات ودمتم
ده ابن متنا؟؟ حرامي الله يلعنه هو وامثاله

اعذروني على الانفعال بس بجد دمي اتحرق على فلوس اخونا صاحب الموضوع
100 جنيه تصليح + تمن فردة الكاوتش

[hamdy916]

حسبى الله ونعم الوكيل

[sanhory]

احمد ربنا
انا عديلي دفع 250 جنيه زي الباشا و كان مقتنع و بيقول لمراته انا شوفت ال25 خرم بيبقللوا بعيني
وبتاع الكاوتش يقوله دا انت شكلك عديت على ازاز ولا ايه و يدب في خوابير

دا بقى لبس 250 جنيه + فردتين كوتش واحدة 16 خابور وواحدة 9

الكلام ده في بنزينة عالصحراوي

[alking_2006]

احمد ربنا
انا عديلي دفع 250 جنيه زي الباشا و كان مقتنع و بيقول لمراته انا شوفت ال25 خرم بيبقللوا بعيني
وبتاع الكاوتش يقوله دا انت شكلك عديت على ازاز ولا ايه و يدب في خوابير

دا بقى لبس 250 جنيه + فردتين كوتش واحدة 16 خابور وواحدة 9

الكلام ده في بنزينة عالصحراوي

عديلك دا برنس الليالى بجد
:) :)

يا جماعه يا ريت علشان محدش فينا يتعرض للمواقف دى اتباع الاتى

1- الكشف الدورى على ضغط الهواء فى الاربع عجلات + الاستبن بصورة دورية
2- تغيير الكاوتش فى مواعيد تغييره الدورية يعنى مش لازم العجلة تجيب اخرها و تفرقع بينا علشان نغيرها (كيلوهات او فترة زمنية ايهما اقرب)
3-لازم يكون معانا كومبروسر هوا فى العربية باستمرار + كوريك + فردة استبن "كويسة" + مفتاح عجل
4-ممنوع الخوابير مطلقا (اللحام الصح يكون بالبادج)

و ربنا يستر طريقنا جميعا

[yaso12]

ربنا ينتقم منه ومن امثالة ، 99 % من بتوع الكاوتش حرامية ولا يهمة فلوس حرام ولا واحد مسافر ممكن حياته وحياة اللى معاه يروحوا ولا تفرق معاهم كلاب ولاد كلاب .
على العموم هذا درس ربنا ما يكتبوا لاى حد
اولا: النقطة الفنية هنا ان فعلا ما فيش حاجة اسمها دوست على زجاج مكسر الحاجة الوحيدة انه يديك الازاز اللى هو طلعوا من الفردة فى أيدك غير كدة مافيش واول حاجة تعملها قبل ما يشتغل انك تخليه يبعد الخوابير عن ايدة لانه بيحط الخوابير بسرعة عشان متخدش بالك (قوله مش عايز خوابير مهما حاول اقناعك) .
ولما تلاقى الفردة نايمة بص بنفسك الاول عشان تلاقى السبب مسمار يعنى او قطع او اى سبب ظاهر ولو الفردة تيوبلس زودها بس لحد ماتروح لحد بتثق فيه (الى حد ما) .
وربنا يسترها على الجميع