Tweet
السلام عليكم اخوانى الكرام
النهارده ان شاء الله هاعرض عليكما تجربتى مع 12 ساعه ميكانيكا وعفشه فى عربيتى الفيكترا
يارب كلنا نستفيد واكون قدمت اضافه جديده ليكوا
بدايه ... انا كنت ملاحظ حاجتين مش عاجبنى فى العربيه
اول حاجه بسمع صوت زى صفاره او صوت احتكاك جاى من اتجاه الفبره اللى فوق سير الكاتينه
الملحوظ انى كنت بسمع الصوت ده والعربيه بارده بس
اول اما تسخن الصوت يروح .... طبعا كلنا كده هانقول انها بليه شداد الكاتينه ... لكن لما فكينا الفبره والسير ومع الاختبار لقينا ان العيب فى .... طرمبه الميه
ودا شكل الطرمبه
طبعا بنفك سير الدينمو وبعد كده فبره غطا الكاتينه ونفك الشداد وبعدها نخرج السير ... ونفك طرمبه المياه وهى لها 3 او 4 مسامير وفكها سهل ونجيب الطرمبه الجديده بالجوان ونحط سيليكون ونركب
ملحوظه ... انا شفت انواع كتير كورى وغالبا هايكون صينى ب 130 جنيه شكل اللى فيها تمام ومروحتها حديد وشكلها كويس
المانى ( فيبى ) ب 180 جنيه بس ماعجبتنيش عشان مروحتها فيبر
زى دى
Ruville المانى ودى اللى ركبتها ب 185 جنيه ومروحتها حديد زى ال GM اللى كانت فيها تمام
وبالمره طلما كنا فاكين المنطقه دى غيرت سير كاتينه انجليزى Gates وسير دينامو نفس النوع وكل واحد فيهم ب 85 جنيه .... وفلتر هواء ب 35 جنيه
المصنعيه كانت 80 جنيه
----------------------------------------------------------
تانى مشكله كانت عندى هى ان الدركسيون بينقر طول ما انا ماشى على طريق غير مستوى
وطبعا المشكله دى بتكون رقم 1 من دراعات الاسكاترا الخارجيه
جبت الدراعين الواحد ب 90 جنيه تركى من عند مستر اوبل فى طنطا ... نضيفه جدا زى ما قال العفشجى
رقم 2 النقره دى بتكون من صليبه الدركسيون ... ومكانها فوق الدواسات بالظبط وبتتفك من نفس المكان
ودى صورتها
والاماكن اللى عليها الرسم هى اللى بتبقى فيها بوش وتعمل معاك النقره و ( الدردره ) وعندى كان الجزء الاوسط هو اللى فيه بوش اكبر
سعر الصليبه دى بيتراوح من 200 اللى 300 جنيه استيراد على حسب حالتها وحسب شطارتك
والحمد لله بعد تركيب دراعات الاسكاترا والصليبه فرق شاسع فى الدركسيون .. بسم الله ما شاء الله ... فابريكه
كان فى خبطه جامده مع مطبات الهواء او اى حته غير مستويه على الاسفلت فى المساعد اليمين قدام
كنت فاكر ان المساعد خفيف ..... وبعد ما كشفنا لقينا ان صداده المساعد ( كاوتشه فى المساعد من فوق تحت البطاحات ) منتهيه
وهى وظيفتها انها تمنع المساعد انه يوصل للاخر ويخبط فوق .... وهى على فكره مهمه جدا وبتحافظ على البطاحات
الحمد لله غيرناها وهى الواحده ب 30 جنيه من مستر اوبل
اخر حاجه عملتها هى تغيير جلب الزيت فى المقص الشمال خلف كرسى السائق
بسرعه كده كل مقص من الاتنين اللى ورا فيه 3 جلب ... واحده عاديه كبيره شويه ... واتنين جلب زيت ودول اللى انا غيرتهم
سعر المقص استيراد 150 جنيه ... بس للاسف كان كل الجلب اللى فيه بايظه ... فروحت اشتريت جلبتين (فيبى ) المانى الواحده ب 100 جنيه ... واخدت المقص المخرطه عشان يخلع القديم ويركب الجديد
وطبعا بعد ما ركبت راح صوت التخبيط اللى كان فى المنطقه دى
الحمد لله الشغل ده اخد منى وقت كتير جدا وتعب اكتر ... بس التعب كله يهون بعد النتيجه والحمد لله
----
الصور المرفقه من على النت بس هى بالظبط الاجزاء اللى اتغيرت عندى لانى للاسف ماصورتش اللى عملته من كتر انشغالى مع الصنايعيه
شكر خاص جدا للأستاذ الكبير فادى لانه كان معايا لحظه بلحظه على التليفون وربنا كرمنى بنصايحه الغاليه
اسف على الاطاله بس انا حبيت انقل ليكو التجربه كامله حتى تعم الافاده
وتحت امر جميع الاخوه فى اى استفسار
تحياتى
النهارده ان شاء الله هاعرض عليكما تجربتى مع 12 ساعه ميكانيكا وعفشه فى عربيتى الفيكترا
يارب كلنا نستفيد واكون قدمت اضافه جديده ليكوا
بدايه ... انا كنت ملاحظ حاجتين مش عاجبنى فى العربيه
اول حاجه بسمع صوت زى صفاره او صوت احتكاك جاى من اتجاه الفبره اللى فوق سير الكاتينه
الملحوظ انى كنت بسمع الصوت ده والعربيه بارده بس
اول اما تسخن الصوت يروح .... طبعا كلنا كده هانقول انها بليه شداد الكاتينه ... لكن لما فكينا الفبره والسير ومع الاختبار لقينا ان العيب فى .... طرمبه الميه
ودا شكل الطرمبه
طبعا بنفك سير الدينمو وبعد كده فبره غطا الكاتينه ونفك الشداد وبعدها نخرج السير ... ونفك طرمبه المياه وهى لها 3 او 4 مسامير وفكها سهل ونجيب الطرمبه الجديده بالجوان ونحط سيليكون ونركب
ملحوظه ... انا شفت انواع كتير كورى وغالبا هايكون صينى ب 130 جنيه شكل اللى فيها تمام ومروحتها حديد وشكلها كويس
المانى ( فيبى ) ب 180 جنيه بس ماعجبتنيش عشان مروحتها فيبر
زى دى
Ruville المانى ودى اللى ركبتها ب 185 جنيه ومروحتها حديد زى ال GM اللى كانت فيها تمام
وبالمره طلما كنا فاكين المنطقه دى غيرت سير كاتينه انجليزى Gates وسير دينامو نفس النوع وكل واحد فيهم ب 85 جنيه .... وفلتر هواء ب 35 جنيه
المصنعيه كانت 80 جنيه
----------------------------------------------------------
تانى مشكله كانت عندى هى ان الدركسيون بينقر طول ما انا ماشى على طريق غير مستوى
وطبعا المشكله دى بتكون رقم 1 من دراعات الاسكاترا الخارجيه
جبت الدراعين الواحد ب 90 جنيه تركى من عند مستر اوبل فى طنطا ... نضيفه جدا زى ما قال العفشجى
رقم 2 النقره دى بتكون من صليبه الدركسيون ... ومكانها فوق الدواسات بالظبط وبتتفك من نفس المكان
ودى صورتها
والاماكن اللى عليها الرسم هى اللى بتبقى فيها بوش وتعمل معاك النقره و ( الدردره ) وعندى كان الجزء الاوسط هو اللى فيه بوش اكبر
سعر الصليبه دى بيتراوح من 200 اللى 300 جنيه استيراد على حسب حالتها وحسب شطارتك
والحمد لله بعد تركيب دراعات الاسكاترا والصليبه فرق شاسع فى الدركسيون .. بسم الله ما شاء الله ... فابريكه
كان فى خبطه جامده مع مطبات الهواء او اى حته غير مستويه على الاسفلت فى المساعد اليمين قدام
كنت فاكر ان المساعد خفيف ..... وبعد ما كشفنا لقينا ان صداده المساعد ( كاوتشه فى المساعد من فوق تحت البطاحات ) منتهيه
وهى وظيفتها انها تمنع المساعد انه يوصل للاخر ويخبط فوق .... وهى على فكره مهمه جدا وبتحافظ على البطاحات
الحمد لله غيرناها وهى الواحده ب 30 جنيه من مستر اوبل
اخر حاجه عملتها هى تغيير جلب الزيت فى المقص الشمال خلف كرسى السائق
بسرعه كده كل مقص من الاتنين اللى ورا فيه 3 جلب ... واحده عاديه كبيره شويه ... واتنين جلب زيت ودول اللى انا غيرتهم
سعر المقص استيراد 150 جنيه ... بس للاسف كان كل الجلب اللى فيه بايظه ... فروحت اشتريت جلبتين (فيبى ) المانى الواحده ب 100 جنيه ... واخدت المقص المخرطه عشان يخلع القديم ويركب الجديد
وطبعا بعد ما ركبت راح صوت التخبيط اللى كان فى المنطقه دى
الحمد لله الشغل ده اخد منى وقت كتير جدا وتعب اكتر ... بس التعب كله يهون بعد النتيجه والحمد لله
----
الصور المرفقه من على النت بس هى بالظبط الاجزاء اللى اتغيرت عندى لانى للاسف ماصورتش اللى عملته من كتر انشغالى مع الصنايعيه
شكر خاص جدا للأستاذ الكبير فادى لانه كان معايا لحظه بلحظه على التليفون وربنا كرمنى بنصايحه الغاليه
اسف على الاطاله بس انا حبيت انقل ليكو التجربه كامله حتى تعم الافاده
وتحت امر جميع الاخوه فى اى استفسار
تحياتى
Comment