الحرارة فى كورسا 99

[YAY]

اولا يشرفنى الانضمام للموقع الجميل والتعرف لجميع الاعضاء , اسمى يوسف ولسة مشترى كورسا 99 وبلاحظ ان الحرارة طول الوقت بتطلع لحد 98 مثلا وتنزل تانى وهكذا , المروحة مش بتشتغل غير لما توصل الحرارة 98 , وفى نقص فى المية وكشفت على تسريب مية بس مفيش , المهم روحت منصور مدينة نصر وبعد تجارب قاللولى دة طبيعى , وروحت ياسين اوبل برضة معرفش , ياريت لو حد واجة المشكلة يفيدنى ولا هية مش مشكلة قوى يعنى ؟؟؟؟ . وشكرا

[M.Mokhtar]

احمد باشا علاوى هيجى ويقولك اللى فيها
انتظر بس يا باشا ومتقلقش

واهلا بيك فى عصابة اوبل المفتريه :)

[wael6600]

صباح الخير @

انا ليا واحد صاحبى عنده كورسا 97 1200 cc الحراره عنده مش بتزيد عن 90

بس اللى اقدر افيدك بيه انها لو فيكترا 2000cc ووصلت الى 98 عادى جدا لكن كورسا مش ها اقدر افيدك اوى بصراحه بس انا قولتلك اللى انا اعرفه

وربنا يستر

[Ahmad Allawy]

وأخيرا..
وصل الكورساوي..
معلش يا جماعه اتأخرت عليكم شوية.. :) :)
شوف يا سيدي.. انا كمان علي كلام الاخ الفاضل وائل...
انا عربيتي 97 1200 سي سي.. الحرارة مش بتعلي عن ال90 غير قليل قوي..
يعني عمرها ما عدت ال92.5..خالص الحمد لله..

بس خلي بالك من حاجة.. ان عربيتك مكيفة.. و الردياتير و المروحة بتوع المكيفة مختلفة عن العادية.. عشان ال1200 أصلا مش مكيفة..
هاسأل و ابقي ارد عليك ف الموضوع ده.. عشان ممكن تكون الامور مختلفة عندك..

[farahat]

يوسف باشا ، أنا معايا عربية أخت بتاعة حضرتك ، هي الطبيعي بتاعها بتكون على ٩٠-٩٢ ، لو وقفت شوية في إشارة هتلقيها علية شوية ممكن توصل ٩٦ مثلاً ، و لو الجو حر و الإشارة طولت و زحمة و بتاع بتوصل يمكن لحد ١٠٠ ساعات
إلي عايز أوصله لحضرتك إن دة طبيعي انها تكون في الحدود دي ، لكن مش مفروض أبداً انها تعدي ال-١٠٠ (على فكرة كل الأبل كدة مش الكورسا بس )

[YAY]

اللة يطمنك

ياسلام يا استاذ فرحات كدة طمنتنى لانى مش لاقى حد واجة نفس الموضوع وحاسس من زمان انة طبيعى... خصوصا انها 3 سلندر يمكن هوة دة نظامها, وطبيعى عارف ان كل البلد اشارة مرور كبيرة فطبعا طالعة نازلة طول الوقت , بس اقولك يوم مغيرت زيت فضلت باردة فترة طويلة قوى بس مع الوقت عادى رجعت للنظام تانى ,,,بس برضة هستنى احمد بية علاوى خبير العصابة وشكرا لافراد العصابة الجميلة .

[Ahmad Allawy]

ياسلام يا استاذ فرحات كدة طمنتنى لانى مش لاقى حد واجة نفس الموضوع وحاسس من زمان انة طبيعى... خصوصا انها 3 سلندر يمكن هوة دة نظامها, وطبيعى عارف ان كل البلد اشارة مرور كبيرة فطبعا طالعة نازلة طول الوقت , بس اقولك يوم مغيرت زيت فضلت باردة فترة طويلة قوى بس مع الوقت عادى رجعت للنظام تانى ,,,بس برضة هستنى احمد بية علاوى خبير العصابة وشكرا لافراد العصابة الجميلة .

ايه يا باشا.. ولا خبير ولا حاجة..
مانا مش عارف اهو..
:) :)
انا قولتلك هاكلم حد و اسأل و اقولك..
و اول ما اعرف حاجةهاقولك علي طول باذن الله..

[YAY]

اويل سيل كرنك

ماشى يا علاوى باشا هستنى ردك بس عايز اسالك لو عندى اويل سيل كرنك بيرشح بسيط والتوكيل قال 1000 جنية وعايز اسافر المنيا بيها هل اسافر ولا اعملو ولا عادى الدنيا ماشية؟؟

[Ahmad Allawy]

لأ طبعا لو بيرشح بسيط.. عادي جدا.. سيبك منه خالص..
بس ابقي تمم علي الزيت من وقت للتاني عشان مينقصش منك..
ممكن تسافر بيها عادي جدا جدا..
تغيير الاويل سيل ده بيحتاج انك تفك الفتيس..
الاويل سيل نفسه تمنه مش اكتر من 50 جنيه.. وده علي اقصي تقدير..
يعني ممكن يكون 20 او 30
اما المصنعية.. انا عن نفسي غيرتها و انا باغير اسطوانة و ديسك..
الراجل اللي باتعامل معاه بياخد مني مصنعيه حوالي 150 ل 200 في تغيير الاسطوانة..
يني فك الفتيس..
يعغني الليلة علي بعضها مش هتزيد عن 250 حنيه برة التوكيل..

[YAY]

كلامك زى الفل ياباشا لانى فعلا حزين على مستوى توكيلات مصر واللى بيشتغلو فيها,,مبقاش فى اى ميزة جوة خالص لا من ناحية فنية ولا حتة ادب وتقدير وسرعة اللى يمكن كانت بتجيب زبون معين ,اخر مرة فى منصور مدينة نصر كنت تحت العربية مع الصبى :) وهوة عمال يفتى لان مفيش استراحة كويسة حتى وقلت يمكن لو عند الميكانيكى كنت لقيت كرسى :) على العموم شكرا ياباشا وهقولك عملت اية .

[rere56]

السلام عليكم و رحمة الله
على فكرة ده اول رد ارده في المنتدى
بس ده لانى عانيت من المشكلة دي كتير
و كنت هتجنن لمدة 6 شهور
و الباشمهندس اللي كان شغال فيها بقى يقف قدامها مش عارف مالها
الحكاية كلها اذا كانت مشكلتك لسة قائمة انك تغير الثرموستات
انا غيرتها اربع مرات
و كانوا بيركبولي نوع بتاع ال 128 بس مش اصلي فبيبقى كل 10 منه منهم 2 كويسين
لغاية ما غيرتهم بواحد زي الاصلي بالضبط بس بيشتغل عند درجة حرارة اقل
نوعه برازيلي
بجد الحمد لله لغاية دلوقت مفيش حرارة خالص
لو احتجت اي سؤال اتفضل و انا هرد عليك

[abouzahra]

السلامة عليكم ورحمة الله وبركاتة

اخى الكريم

اولا انت بتزود المياة كل ادة اية


موضوع الحرارة دة اما نقص المياة الدورة بتاخد هواء او السويتش الى فى الرياتير فية مشكلة او المرواح فاصلة السرعة الاولى

[Ahmad Allawy]

بس سؤال::
هل الكورسا كمان فيها سرعتين في المراوح..؟؟ ولا المكيفة بس؟؟
اللي هي 1000 سي سي بس؟

[youssefazmi]

انا بزود مية كل 3 ايام مثلا وفعلا لقيت بوادىء صداء ناحية الردياتير وابتديت اشك فية ولسةق بقى هفكة ...بس موضوع تسريب هوا معتقدش لانى لما بفتح القربة حتى وهية باردة بلاقيها مكتومة كويس وطبعا قست ضغط هواء للدورة عند الدكاترة فى التوكيل وكلة تمام ...بس هل فى خطر انى ازود مية كل 3 ايام ولا عادى هية طبعا مكلفة شوية مية خضرا وكدة يعنى ....فى بقى سؤال جامد وعايز رد سريع الله يخليكو لانى ركنتها من حوالى اسبوع ملاحظ خنقة وتنتيش او يعنى البنزين مش بيوصل كامل قلت يمكن سدد او فلتر بنزين ... بس انا مغير بوجيهات وفلاتر من 6 شهور ومش بمشى بيها كتير قوى يعنى...انا خايف يكون حساس حد واجة القصة دى قبل كدة ويقولى هعمل اية...ويومكو سعيد جميعا .

[youssefazmi]

الحقونى يا اهل الخير...روحت للميكانيكى اشوف اية الوضع وانضف انجيكشن وفلتر بنزين ولقيت طحينة فى غطا زيت الموتور ويالحسرة القلب وفهمت ان كدة دخلت مية على الزيت ودة معناة وش سلندر ..هل تغييرة عادى وسهل وهل اثر كتير على الموتور ولا اية النظام حكم انا ابتديت اتقفل من العربية دى رغم ان سواقتها جميلة .