نويت اشتري اوبيل استرا هاتشباك 2013 .. ايه رايكم ؟

[hemazz]

السلام عليكم

بعد ما كنت استقريت على الانترا 2013 خلاص اللي ب 140 الف جنيه
فواحد صحبي قللي زود شويه وهات اوبيل استرا احسن

وسمعت انها ب 155 الف

فهل في فروقات كبيره بينهم يعني تستاهل ولا حاجات بسيطه ؟

وسؤال كمان : هل في فروقات بين الهاتشباك والسدان غير الشكل بس من بره ؟ وهل السعر نفسه ؟
وكمان تنصحوني اشتريها منين ؟

شكرااا

[moody_687]

باشا طبعا تستاهل التفكير واساسا مفيش مقارنة بين الالنترا والاسترا ، الاسترا دي حوت صغير
باشا عشان الناس اللى دايما تقارن الكوري بالالماني احب اقول ع معلومة ان الاكتشاف اللي بيحصل ف الدول الاوروبية وبيعملوه ف العربيات المنتجة منهم مش بيوصل للاسويين غير بعد 5 او 10 سنين زي حوار الايرباج فبالتاكيد التكنولوجي اعلى ف الاسترا عن الكورى + الاعتمادية + الثبات ومفيش فروقات بين الاسترا الهاتش باك والسيدان واللي سمعته من التوكيل ان الهاتش باك اثبت من السيدان عشان ملهاش شنطة معرفش بقة النقطة دي صح ولا لا وانصحك تحجزها من التوكيل وتريح نفسك عشان لو حصل ف الامور امور يكونوا ملتزمين امامك ف اى تاخير
وكمان كتير قوي ع عربية كوري ب 140 الف ج التوكيل مزود الاسعار قوي وهو الكسبان والمصريين بيحبوا الاوبشنات الكتير زى الموبيلات الصيني فيزود براحته مادام زبونها موجود

[Mohab.Nabil]

من ناحية فرق بين الالنترا و الاسترا فرق كبير ما بينهم و انزل شوف العربيتين و اقعد فيهم هتحس بالفرق بنفسك

الهاتشباك اظن بـ حوالى 170 الف مش 155

السيدان هى اللى بـ 156 اول فئة

[ashourashour]

فرق السما من العما

[S O P H O S]

المقارنة بتشرح نفسها
اوبل مختلفة من اساس الانتاج مش الشكل النهائي فقط ..

[hemazz]

ممممممممممم تمام
الف شكر يا رجاله على الاهتمام
وياريت لو حد يتاكدلنا من موضوع ان الهاتشباك اغلى من السيدان

[Ahmed_Adham]

دي أسعار الهاتش

[hemazz]

شكرا ي اريس على الاهتمام
بس المشكله ان في الموقع حاطين سعر واحد بس ومش موضحين ده للسيدان ولا الهاتش :)
وحاطين صور صور للهاتش

[Ahmed_Adham]

شكرا ي اريس على الاهتمام
بس المشكله ان في الموقع حاطين سعر واحد بس ومش موضحين ده للسيدان ولا الهاتش :)
وحاطين صور صور للهاتش

السيدان مش هتلاقيها كتير على النت عشان لسه جديده بس دي أسعارها وهيه زي الهاتش تقريبا ماعدا التربو السيدان زايده الفين عن الهاتش.

[dede_dodo88]

دي أسعار الهاتش

الأسعار دي بتاعة فئات السيدان التلاتة..

أخر سعر للهاتشباك كان 170k على ما أتذكر أيام ما كان منصور عامل عليها عرض معرفش السعر دلوقتي زي ماهو ولا راح فين!!..
و هو عادةً الهاتشباك بيكون سعرها أعلى من السيدان + الهاتشباك أقل فئة فيها هي الكوزمو مفيهاش أنجوي..

[hossam_elwani]

الاسترا تكسب بكل جداره ماعادا اعادة البيع الالنترا تكسب فى النقطه دى طيقا لثقافة السوق المصرى طبعا

[Ahmed_Adham]

الهاتشباك أقل فئة فيها هي الكوزمو مفيهاش أنجوي..

عندك حق.

[هاني شقدف]

يا جماعه انا كنت في معرض اوبل وشفت الانجوي وهي سيدان السعر ١٥٥ الف بس بصراحه مصدقتش نفسي العربيه تحفه تحفه ومدملكه ومتينه لدرجه ان وزنها يقارب ال ٢ طن من تقل الصاج ومتنته / من جوه تحس اكنها طياره من كتر الزراير /مكان فرامل اليد زرار فقط كهربائي تحفه الشنطه الخلفيه بحر وسعه جدا العجل طاسات ميش جنوط بس والله ملحظت الجنوط من الطاسات من جمال العربيه وخصوصا في اللون الاسمر

[Optiplex]

يا جماعه انا كنت في معرض اوبل وشفت الانجوي وهي سيدان السعر ١٥٥ الف بس بصراحه مصدقتش نفسي العربيه تحفه تحفه ومدملكه ومتينه لدرجه ان وزنها يقارب ال ٢ طن من تقل الصاج ومتنته / من جوه تحس اكنها طياره من كتر الزراير /مكان فرامل اليد زرار فقط كهربائي تحفه الشنطه الخلفيه بحر وسعه جدا العجل طاسات ميش جنوط بس والله ملحظت الجنوط من الطاسات من جمال العربيه وخصوصا في اللون الاسمر

حضرتك متاكد انك شوفتها النهاردة بالسعر دة و لا انت ناسى السعر الجديد كل الاعضاء اجمعوا انها ذادت ارجو الافادة