كاسيت فيكترا 2008 هاى لاين

[nagy wassef]

ارجو الافادة بالنسبة للاسئلة التالية:.
1- لو عايز اغير من الكاسيت بتاع الايليجنس لكاسيت بتاع هاى لاين اجيبو منين و بكام؟
2-و اجيبو استيراد ولا جديد و بكام؟
3- تايوانى ولا اصلى و ليه؟
4- و التيوانى بكام و منين و الاصلى بكام ؟
5- و هل فى فرق فى الاوبشنز مابين التايوانى و الاصلى؟
6- و ايه اساسا الفرق بين كاسيت الايليجنس و الهاى لين
7- هل حد سمع عن واحد صينى ب2000 جنيه زى الهاى لاين و كمان فيه بلوتوث؟
اسف للاطالة
شكرا مقدما

[kokowasfy]

الصينى بقا كل شى صينى حتى الاصلى صينى لكن الصينى فئات يعنى ابو 2000 اعتقد انو اكتر من الممتاز اتكل على اللة و اشترية

[nagy wassef]

شكرا بس فين باقى الاجابات :)

[احمد فهمى]

السلام عليكم
الفرق بين الايلاجنس والهاي لاين انو بيشغل mp3 وشاشة معلومات كبيره والصينى النضيف ماركة موتيفا بيعمل 3000 جنيه فى جي بي اس وبلوتوث ودى فى دى وبيستغل من الدركسيون زى الاصلى....والاصلى استيراد فى حدود 1300 بشاشتو الاصليه لأنو مبيشتغلش غير بشاشتو ولازم تفكو من نص..

[nagy wassef]

طب لو ركبت بتاع الهاى لاين هل هيشغل معلومات ضبط ضغط الاطارات؟ وهل تشغل كل جنب لوحده فى التكييف ولا هيبقى سوفت وير غير مستغل؟

[احمد فهمى]

طب لو ركبت بتاع الهاى لاين هل هيشغل معلومات ضبط ضغط الاطارات؟ وهل تشغل كل جنب لوحده فى التكييف ولا هيبقى سوفت وير غير مستغل؟

زى ما فهمتك لو ركبت بتاع الهاى لاين لازم يركب بشاشتو الاصليه ومن نفس العربيه لأن كود الشاشه والكاست واحد ومبيتكررش فى اى عربيه والتكيف مش هيشتغل كل جانب لوحدو لأن ده نظام تانى بس هيشتغل الكمبيوتر عندك عادى وممكن تركب مثبت سرعه برضو بيعمل 200 جنيه استيراد وممكن تجيب كاسيت بشاشتو الكبيره عادى لو نويت بلغنى واروح معاك لهانى العايدى وبعد كده يتركبو عند صابر واخلي يعملك خصم بس المهم نلاقى عندو نص فى كاسيت المثبت موجود لكن الكاسيتات بتتباع بسرعه

[nagy wassef]

طب معلش انا اصلى هعمل حاجة غريبة شوية: انا عايز اركب الشاشة بتاعت البيانات استيراد عشان فى الوكيل غالية قوى و لكن عايز اجيب كاسيت فيه بلوتوث و دى فى دى و بيشغل ام بى ثرى و حركات فاهمنى؟ يعنى عايز استفاد من الاثنين الشاشة و الكاسيت ابو دى فى دى ايه رايك و بالنسبة لمثبت السرعة انا ركبته

[nagy wassef]

[M Kebaish]

انا معايا نفس العربيه يا باشا بس التوب لاين وكنت عايز اركب ساوند سيستم
ينفع اركبو ع الكاسيت بتاعو
ولو عايز اركب كاسيت زي ده هيشغل كممبيوتر العربيه عادي وده سعره وايه وكده
وفيه يو اس بي ولا لا ؟؟؟

[nagy wassef]

اوعدك اول ما اركبه هقولك علي التفاصيل

[Dr-Daly]

طيب هوه مثبت السرعه ده بيتكلف أد إيه في التوكيل وبره التوكيل عشان أقارن الأسعار؟؟
وبعدين انا عجباني فكرتك يا أ/ناجي وعايز أغير الكاسيت لكاسيت الهاي لاين ومعاه شاشة البيانات بردو هتتكلف كام في التوكيل ولو عملتها بره هتتكلف كام وهجيب القطع منين؟؟

[nagy wassef]

الكاسيت بالشاشة استاذ احمد فهمى جابهم استيراد فى حدود 1300 جنيه
انا سالت على الشاشة الكبيرة فى التوكيل لوحدها ب 5000 جنيه ( ولا تجارة المخدرات)
بس انا ان شاء الله حجيب واحد مختلف دي في دي و حراكات.و بعد ما اركبه هجرب اغير شاشة البيانات اللى فى التابلوه بالشاشة الكبيرة و اشوف هتركب و تشتغل ولا الاختراع هيفشل

[Dr-Daly]

يعني لما تشتري الكاسيت الأصلي إستيراد بييجي معاه شاشة البيانات الكبيره وبيتركبوا سوا تمام كده بس أكيد بيشغل كل البيانات مظبوطه البنزين وضغط الكاوتش وغيره وبيتوصلوا بالمالتي فانكشن اللي في الدركسيون وتمام وألا إيه؟؟
وبخصوص مثبت السرعه إيه الأخبار عن سعره توكيل وبره وهل تركيبه سهل وألا محتاج فيلم؟؟

[nagy wassef]

بالنسبة للكاسيت كل حاجة بتشتغل عادى والمالتى فانكشن كمان لكن بالنسبة لضغط الاطارات موعدكش ): لكن الكاسيت بيجى مع الشاشة من نفس العربية عشان يبقوا متكودين على بعض
مثبت السرعة استيراد ب200 300 جنيه فى التوكيل الضعف او اكتر هم و مزاجهم

[ashourashour]

ضغط الاطارات مش هيشتغل طبعا

ده ليه سيستم تاني بيتركب