الماتور اتحرق اوبل استرا 1200

[coolmoot]

للاسف خبرتي بالعربيات ضعيفه
معايا عربيه اوبل استرا 2000 اللي هيه 1200
غيرتلها ذيت المهم بعدها ب 3 ايام لقيتها وقفت بيا علي السريع و مش بتدور سحبتها للفيوم طلع السبايك ساحت و كلام كتير انا مش فاهمه

المهم الميكانيكي قالي محتاجه موتور و واحد تاني قالي محتاجه نص تحتاني

ارجو من خبراﺀ الاوبل النصيحه اعمل ايه اججيب نص ولا موتور ولو موتور اجيب 1200 ولا اكتر
مع العلم ان العربيه زيرو و مش بفكر في بيعها
و ياريت لو تدلوني علي حد كويس اجيب منه

ولم الثواب علشان انا متضايق جدا انها فضلت مع والدي 11 سنه ذيرو وانا اخدتها سنه عملت فيها كده

[ehabahmed0]

بتهيألي تجيب موتور اريحلك بس المهم عرف ايه اللي حرق الموتور

[beshomilan]

معقول السبايك ساحت؟؟
انت عملت فيها ايه بالظبط؟؟
ممكن تكون ماشى بيها على سرعة عاليه جدا والراجل اللى غيرلك زيت مكانش قافل الطبه كويس فالزيت نزل والسبايك ساحت من السخونه

[Mostafa_Nour]

السلام عليكم

هو زى ما الزميل قال , أغلب الظن ان اللى غيرلك الزيت مقفلش الطبة كويس فالزيت وقع تدريجيا لغاية ماخلص , بس برضه حضرتك المفروض تراقب مؤشر الحرارة بانتظام و أى ارتفاع فى المؤشر تقف وتشوف ايه الموضوع .
عموما اللى حصل حصل وربنا يعوض عليك

نصيحة أخوية ماتخليش حد يصلح فى الموتور دة , عمرة ماهيتصلح وهتدفع فلوس كتير وبرضة مش هيبقى كويس , الأفضل تجيب موتور استيراد حالتة كويسة , ويفضل طبعا لو أكتر من 1200 , حضرتك خدلك لفة فى الحرفيين عند تجار الاستيراد أو لو حضرتك تعرف حتة تانية بتجيب قطع الأوبل الاستيراد , تاخد لفة وتعرف الأسعار عاملة ازاى , وتحدد أحسن 2 أو 3 , ووقت ما تروح تشترى خد معاك ميكانيكى تثق فية وبتتعامل معاة بقالك فترة وهو أكيد نظرتة بتبقى أحسن شوية .

وبالتوفيق مقدما .

تقبل تحياتى

[coolmoot]

جزاكم الله خير الجزاﺀ علي ردودك

انا لقيت ماتور 1200 ب 5000 و 1600 ب 6000

هل لو جبت 1600 هيبقي احسن مع ان العربيه اصلا 1200 وهل هيحتاج تغيير حاجه في العربيه
و لو تعرفوا تليفون حد عنده مواتير اكلمه

و هيه العربيه دلوقتي عند ميكانيكي في الفيوم تنصحوني اركبه هناك ولا اسحبها للقاهره

و اسف تاني علي تعبكوا معايا

[Amrgamal1]

طيب ماتجيب نص موتور شورت بلوك وخلاص وهيبقي هو هو نفس الموتور مش هتحتاج تغير حاجه
عشان الموضوع مايفتحش منك في المصاريف
وهيبقي احسن من أي عمره و الموتور هيرجع احسن من الاول
دا في حالة لو 1200 سي سي مريحك و مش محتاج موتور اكبر

[coolmoot]

استاذ عمرو انا لقيت نص ماتور ب 1500 بس حسيت ان الميكانيكي ملوش مزاج ليه قالي هتحتاج تخرط مش عارف ايه كده و كرهني فيه مع ان السعر حلو و ملمومه و الراجل اللي بيبيعه قالي ركبه و لو مش حلو رجعه وانا ادفعلك التركيب كمان

[coolmoot]

انا 1200 مريحني بالزات في البنزيين

[alzelafy]

هات شورت بلوك يعنى موتور فقط بدون دينامو و مارش و كومبريسور تكييف و فتيس و ادوات التغذيه كل دة بيعمل معاك ال 5000 جنيه و عندك شغالين فى عربيتك يعنى بتدفع فلوس فى الارض ... لا انتا تجيب اللى بايظ بس قول عاوز شورت بلوت 1200 او اورمه بيسموها كدة باللغه الميكانيكيه الفصحى .... و سعرها مش هيعدى 2500 و اوعى تصرف شلن تصليح فى الموتور دة العربيه هتمشى معاك 3 شهور و هتفتح بقها تانى

[Amrgamal1]

استاذ عمرو انا لقيت نص ماتور ب 1500 بس حسيت ان الميكانيكي ملوش مزاج ليه قالي هتحتاج تخرط مش عارف ايه كده و كرهني فيه مع ان السعر حلو و ملمومه و الراجل اللي بيبيعه قالي ركبه و لو مش حلو رجعه وانا ادفعلك التركيب كمان

تمام
هات الشورت بلوك ب 1500 جنيه حلو اوي
وفكك من الميكانيكي دا ,هو مكسل يودي الوش يتخرط عند الخراط ؟

و اتأكد من ورق الافراج الجمركي بتاع الشورت بلوك الجديد عشان هتروح تغير رقم الموتور في الرخصة بيه

[zizo50001]

نصيحة ارمى الماتور دة لان الماكنة 1200 لما بتفتح بتتكلف جامد و مش هترجع زى الاول ابدا الماتور هيضعف جامد
اولا لو جيب نص ماكنة الموضوع مش هيقف على 1500 لا دة هيدخل فى مبلغ محترم ممكن يعدى 3500 كمان
و غير كدة الماكنة بعد كدة مش هتيبقى كويسة
لو هتغير ل 1600 اولا برضة تتاكدة انه 1600 لان الى 1600 قليل جدا فى السوق و بتباع 1400 على انة 1600
وهتجيب ريداتير مع المكنة

[coolmoot]

متشكر جدا يا رجاله
انا اقتنعت اجيب موتور بالذات اني ان شاﺀ الله مش ناوي ابيعها

بس رايك اجيب 1200 ولا 1600
مع العلم 1200 مش عاملي مشكله وبس فرق السعر مش كبير

[zizo50001]

بص الماتور ال 1200 دة ماتور عقيم جدا عارف حتة لما بيسخن و يجيب وش سلندر بيبقى بطة بلدى
جيب 1400 او 1600 دة لو عايز العربية تقعد معاك
لو هتبيع هات 1200
بس نصيحة 1600 حاجة تانية خالص انا اخويا لسة مسقط ماكنة 1600 اوتوماتيك
و لو عايز اى مساعدة قولى و انا معاك

[coolmoot]

ممكن اخد رقمك يا زيزو?

[coolmoot]

هو 1400 يركب عندي عادي ؟
وهل لو حبيت اجيب اتوماتك ينفع ؟

انا اسف علي الاسئله الكتير بس اول مره اتحط في الموقف ده