ممكن اعمل وصلة aux

[moody_687]

ف الفيكترا سي مانيوال 2007
ولو ينفع اعملها عند مين المهم مش يبوظلي الكاسيت بتاع العربية
انا جايب ام بي ثري من راديو شاك وقارفنى اى مطب اخده بالعربية يفصل ف حين عربيات اصحابي عندهم وصلة aux ومش بيفصل منهم وعايشين حياتهم من غير فصلان

[nagy wassef]

انا عندى نفس المشكلة و الطريف انى جايب نفس الام بي ثرى من راديو شاك بردوا ولكن انا هغير الكاسيت كله عشان انا حاسس انى راكب تاكسى مش عربية زى باقى الخلق

[moody_687]

انا بصراحة مستخسر ابوظ شكل صالون العربية انا حاسس ان الكاسيت بتاعها شكله تحفه وماشي مع التابلوه انا عايز اى حل غير حوار الام بي ثري ده

[monamize4]

هات كاسيت فيه وصله usb & aux و اشترى دماغك

[samyyousef]

سؤال غبي ياريت تتحملوه: ما هي ميزة aux

[MaaM]

ميزته انك تركبه على اي موبايل فيه مدخل 3.5 ملي وهو الاستاندرد
وبالتالي المادة الصوتية اللي على الموبايل تقدر تسمعها على سماعات الكاسيت

Sent from my HTC

[MaaM]

اشتري كاسيت كينوود ب 540 جنيه فيه usb و aux وانجز
والحل التاني ان موبابلك لو بيبث موجة راديو تقدر تربطه على الكاسيت

Sent from my HTC

[M.Osama]

بص هوا انا عملتها علي كاسيت الفيكترا B الباناسونيك.. اجتهادات شخصيه فكيت الكاسيت ووصلت لمخرج الراديو وبمكوة لحام وصلت فيها كابل ال aux وشغال تمام مكان الراديو.. ولما اطفيه الراديو يشتغل عادي.. بالتجربه مش اكتر بس هي ممكن تتعمل عادي مش حوار

[Cherif.Ali]

انا عندى نفس الامبى ثرى و نفس المشكلة
بس انا وسعت الضوافر شوية ومسكت شوية

[MohssenRashed]

بص هوا انا عملتها علي كاسيت الفيكترا B الباناسونيك.. اجتهادات شخصيه فكيت الكاسيت ووصلت لمخرج الراديو وبمكوة لحام وصلت فيها كابل ال aux وشغال تمام مكان الراديو.. ولما اطفيه الراديو يشتغل عادي.. بالتجربه مش اكتر بس هي ممكن تتعمل عادي مش حوار

لأ لأ لأ واحده واحده كده عايزين تفاصيل مملة عشان انا عندي في التيريوس Radio & CD و مفيش AUX وسألت قالولي مينفعش فعايز اعرف طريقة الراديو دي لو سمحت.

[moody_687]

انا ف فكرة ف دماغي الا وهي اننا نجيب اسطوانة دي ف دي وننسخ عليها اغاني بصيغة الاوديو وبكده هتشيل اكتر من السي دي العادي انا مش عارف الفكرة دي هتنفع ولا لا

[MohssenRashed]

انا ف فكرة ف دماغي الا وهي اننا نجيب اسطوانة دي ف دي وننسخ عليها اغاني بصيغة الاوديو وبكده هتشيل اكتر من السي دي العادي انا مش عارف الفكرة دي هتنفع ولا لا

تفتكر؟؟؟؟؟؟

تصدق فكرة جامده هجربها النهارده ان شاء الله

[Seifmando]

تفتكر؟؟؟؟؟؟

تصدق فكرة جامده هجربها النهارده ان شاء الله

أشك انها هتنفع لان اللي فى العربية بيبقى CD player مش DVD player

[zrzr1]

انا كنت شاري cd مره عليه يجي 100 أغنيه,, ازاي بقي؟

[moody_687]

عشان صيغة ام بي ثري لكن لو صيغة الاغاني اوديو يبقى السي دي العادي هياخد بتاع 12 اغنية
حضرتك جربها وقولنا ويارب تنفع ان شاء الله ومش يكون لازم السي دي بلاير ويقرا الدي ف دي