مساعده عاجله وضرورية من خبراء الاوبل

[creative_art]

السلام عليكم ورحمة الله ..

امبارح كنت راجع من الكليه الساعه 2 الضهر بالعربيه عادى جدا ومفيش اى مشكله .. ركنتها وطلعت نص ساعه ... جاي بدورها حالفه متدورش ..

المارش بيلف وهي مش عايزه تدور .. طيب وبعدين ؟؟

جبت واحد كهربائي جمبي وبصينا عالأتي ..

طرمبة البنزين ... فيها ضغط بنزين قوي جدا وشغاله تمام

الموبينه ... بترمي كهربه وزي الفل ..

البوجيهات ... شغاله كويس

الرشاش .. شغال كويس وبيحدف بنزين

اى حاجه تبع كهربة العربيه بصينا عليها مفيهاش اى مشكله خالص ..

الكهربائي قالي بره عنى كده ودي شغلانه ميكانيكي ..

جبت واحد ميكانيكي جمبي .. بس مش بتاع اوبل بتاع عربيات فرنساوى ..

قعد قدام العربيه ساعه ومقدرش يحدد ايه الى فيها ...


دلوقتى العربيه واقفه قدام البيت مبتقومش خالص وانا مش عارف اعمل معاها ايه ..


حد حصل معاه المشكله دي قبل كده ... بمعني انها ممكن تكون مشكله شائعه فى الاوبل واعرف ايه ديتها قبل ماروح التوكيل واتدبس ..

واية الاحتمالات الى ممكن تكون بايظه فى العربيه ؟؟

[creative_art]

وقبل مانسي العربيه فيكترا b 1997 مانيوال 1600

[Optiplex]

شيك تانى على فيوز الطرمبة او الطرمبة تانى احتمال كبير مش هايخرج منهم و لو معرفتش هات صنايعى اوبل هادورهالك ان شاء الله و خير باذن الله

[haitham2011]

صوت المارش متغير تحس انه معلهوش حمل
جربت تدورها تاني بعد فتره

[zrzr1]

حساس الكرنك يا باشا

[فادى محمد]

-لو انت متاكد ان البنزين واصل لغايه البوجيهات كذلك الكهربا يبقي بوجيهات مرطبه او شنقانه او سير الكاتينه مقطوع..اتاكد ان السير في مكانه وطلع البوجيهات بص عليها لو مبلله بنزين او سودا غيرها ودور العربيه زق
هتدور ان شاء الله
-حساس الكرنك لو مش شغال مش هتلاقي كهربا خارجه من الموبينه انما ممكن تفك فيشته وتركبها تاني هتلاقيها ورا مكان تزويد زيت الموتور من فوق
-

[creative_art]

أ/ فادى محمد ..
ايه اخبارك ياباشا ..
انا متأسف جدا مكنتش قادر ارد عالماسدج بتاعتك لظروف انشغالي بامتحانات الفاينال وظروف اسريه وعائليه منعتني عنك ..

عموما لينا كلام ان شاء الله .. انا قلت فرصه انى قدرت اجمعك ..

بالنسبه لموضوع العربيه انا هكتبه فى بوست تانى ، عشان متعبش الناس بين البوستين رايح جاى