الحمدلله ، سير التقسيمه اتقطع والدنيا باظت

[creative_art]

السلام عليكم ورحمة الله ..

من يوم بالظبط كتبت موضوع علي منتدي الاوبل ان العربيه مش عايزه تدور وكل حاجه فيها سليمه ..

انهارده جبت الميكانيكي بص عليها وقالي سير التقسيمه مقطوع ، والصبابات اتعوجت ..

انا بقه هنا هتجنن .. سير التقسيمه متغير عند 100 الف كيلو .. وانا عربيتي عامله 130 الف .. طيب ازاى يتقطع ... ياناس حرام ده ولا حلال ؟؟؟ يمكن عشان انا بجري كتير .. ومعظم مشيي 190-200 وال rpm بيبقي عند 5.5 ... قالولي ملهاش دعوه ..

المهم ..



طبعا الحمدلله من قبل ومن بعد انا سألت عالموضوع لقيتها هتقفل 2000 جنيه ومصنعيه 5 نمر مثلا هتبقي 2500 جنيه .. ومش هيرجع زي الأول ..


فيه خراطه اي كلام للصبابات هتعملها 1000 بس انا مقدرش اعمل كده لان حتى لو بيعتها حرام الى هياخدها مذنبوش اى حاجه


المهم .. انا قدامى اختيارين وفي دماغى هدف معين ..

الهدف ده هو انى ( مش عايز 1600 ) وكنت بفكر جديا انى اغير الموتور واجيب 2000 سى سى ايكوتيك .. بس استحرمت لان مكنتي بحالتها ..

الإختيارين هو كالتالي ... اصرف عليها 2500 وأمري لله وترجع زيرو ..


او اجيب مكنه ايكوتيك 2000 سى سى سألت عليها عند عباس اوبل بحاجتها بكل حاجه معدا الفتيس هتعمل 5000 ،

وقالي انا ممكن اخد مكنتك وهتجيب 4500 والمصنعيه والكهربه عليه هوا ..

انا بسأل اخوه فى المنتدي وكلامهم ثقه عن الى بره الف مليون مره لان كله بيحاول يستغلك ويضحك عليك عشان كده مترددش انى استشير رجالة الأوبل عن مشكلتي ..

انا مجرد استفساري اي الحلول افضل ومرضي بالنسبالي ، حيث انى عايز اصلحها وفى نفس الوقت كان فيه نيه قديمه انى اركب حاجه 2000 سى سى لانى بحب الجري

وعموما انا لو صلحتها وبيعتها ... هل هقدر الاقي حاجه 2000 سى سى ايكوتيك فى رينج 49-50 الى هو اخري خالص ... ولا اسقط مكنه اوفرلي ...

رجاء الإفاده .. شكرا :)

[MohammedAladel]

خليك فى موتورك لو هتقدر ترجعه زيرو زى ما بتقول مش زى ما الصنايعية بيقولوا :)

[mando2002m]

انا نصيحتى ليك صلح وامرك لله لان المكنة الاستيراد انتا ورزقك زى البطيخة ممكن تتلاقيها فل وممكن تديك اداء 6شهور والشمبر يخف لانى اتلسعت فى الحركة دى جبت المكنة وقعدت 6شهور والشمبر خف

[engineer_abdo]

المشكله فعلا في الاستيراد انك بتشتري بطيخه مش هتبان الا لما تشتغل علشان كده التصليح احسن بس نصيحه اعمل عند ميكانيكي كويس علشان مش تصرف فلوس علي الفاضي

[Dr.M_baz]

توكل على الله وصلحها .... حتى لو فكرت تغير يبقى ضميرك مرتاح وربنا يباركلك في الفلوس.

[haitham2011]

لو لسه ناوي تجري و تستمر بالطريقه ده ال 1.6 كامه و احده مش هتعييش معاك

[creative_art]

هوا الوش بتاع ال 1600 كامه واحده بيعمل كام ؟؟؟ انا سمعت اسعار مبالغ فيها ... رينج ال 1700

ولو حبيت اخرطه الاسعار العاديه كام .. انا حاسس ان بيتعمل عليا اجدع مصلحه :)

[haitham2011]

هوا الوش بتاع ال 1600 كامه واحده بيعمل كام ؟؟؟ انا سمعت اسعار مبالغ فيها ... رينج ال 1700

ولو حبيت اخرطه الاسعار العاديه كام .. انا حاسس ان بيتعمل عليا اجدع مصلحه :)

عمرك مهتلاقي وش سلندر لعربيه بي عند بتوع الاستيراد لان بره من اول الفيكترا بي نزلت ايكوتك و الكامه الواحده ده في مصر بس موتور منصور

فلو لقيته عند حد و طلع فعلا بتاع ال بي اتاكد انه مخلوع من عربيه زي الصنايعي لما قالك هدخل موتورك في الايكوتك و تدفع فرق

[creative_art]

ممكن يكون بتاع ال94 كامه واحده ماهو نفس المكنه

[haitham2011]

مختلف في الشكل شويه هو و سلوك البوجيهات
بس في التركيب بيقضي الغرض

[zizo50001]

هو من كلامك واضح ان الماكنة 1600 كامة واحد
لو كدة يبقى الماكنة دى مش بتجيب صبابات لما السير يتقطع لان محفور على راس البستم للصباب
لو اتنين كامة 1600 ايكوتيك يبقى جابت صبابات

[فادى محمد]

-عامه صلح الموتور اللي عندك طقم الصبابات هيعمل 600ج جديد
انت هتخرط ايه في وش السلندر هو ماسخنش علشان يقفع!!
ولا فيه تاكل من الميه؟؟ في الحالتين خراطته مش هتكلفك اكتر من 500ج
خراطه وملو الوش وتفريزه
-لو عاوز تغير الوش وش الفيكترا ايه ال1600 هيركب عندك وتبقي تركب وش التاكيهات الاسود بتاعك بدل
الوش الفضي بتاع الايه والفرق الوحيد هيبقي في سلوك البوجيهات ,اما فتحه فايظ بخار الزيت فهتبقي مع الوش القديم

[creative_art]

انا اصلا لسه مفتحتش الموتور وعرفت ايه الى فيه ، بس مجرد زعلان اوى من الموضوع والله العظيم >> هو ممكن يكون سهل وانا مش عارف ، بس نفسيا لسه مش متهيأ انى اروح عند ميكانيكي واشوف الموضوع ..

[alameer81]

السلام عليكم
الموضوع ده حصل معايا في موتور ايكوتيك 1600 اتنين كامة والحمد لله اتصلح ومفيش فرق
بس اتكلف حوالى 2000 جنيه
700 طقم صبابات
350 جوانات
500 مصنعيات وخراطة
والباقي غيار زيت وحاجات مش فاكرها نثرية
وربنا يعوض عليك

[mifs]

هو من كلامك واضح ان الماكنة 1600 كامة واحد
لو كدة يبقى الماكنة دى مش بتجيب صبابات لما السير يتقطع لان محفور على راس البستم للصباب
لو اتنين كامة 1600 ايكوتيك يبقى جابت صبابات

كلام سليم 100/100
صبابات ايه اللي اتعوجت؟؟