قدامى اوبل استرا 2008 ارجو النصيحه

[MAHMOUDKOZZIKA]

السلام عليكم ورحمه الله
انا قدامى اوبل استرا 2008 فبريكه برا وجوه ايزى ترونيك ماشيه حوالى 88 كم الف وسعرها 83000ج سمعت كتير ان العربيه ديه حلوه جده ولما دورت اكدت معلوماتى و قلت اخد راى الناس اللى معاها العربيه دي ومجرباها لان اكيد هم ادرى منى فى الموضوع ده ارجو المساعده ضرووووورى عشان انتوا عارفيين يعنى ايه الواحد يشترى عربيه العمر و بصراحه خايف البس فى الحيطه وياريت لو فى معلومات عن عيوبها ومميزاتها .

[MaaM]

شوف عاشور عاشور ، هو لسا شاري واحدة من كام يوم
والاحسن باردوا انك تسوق العربية وتشوف هاتعجبك ولا لأ

[احمد فهمى]

ممكن توضح اى فئه اللى مطلوب فيها 83 الف .. وبالنسبه للعربيه مفيش فيها كلام فى كل حاجه بس لازم تسوقها الاول العربيه ايزى ترونيك يعنى فتيس مانيوال عادى بس منغير دبرياج ولا نقلات بس فى كنترول هو بيدوس دبرياج وده اقل تقدماً من الاوتوماتيك العادى ومشاكلو اقل واستهلاك بنزين اقل وتسارع اعلى من الاوتوماتيك العادى

[ashourashour]

العربيه مانيوال بدبرياج كهربا و على اسطوانه ودسك

مش زي الاوتو العادي و هتحس بالموضوع في الزحمه بس . لاكن لو مفيش زحمه مش هتحس بالفتيس خالص

و زي ما بقول لكل الناس خد لفه بالعربيه في الزحمه الاول

ونفس الفتيس موجود في الفكترا سي لكن فرق الوزن بيقلل احساسك بالفتيس في الفكترا

انا شخصيا متحفظ على اداء الفتيس (وليا مشاركات بشتم في الغتيس دا كتير والناس بتزعل :) ) ولو كانت نزلت بفتيس اوتو عادي كانت تبقى ملهاش حل لكن الحلو ميكملش

متشتريش الا لما تسوقها وتحس انك متقبل االفتيس