السخونة وسنينها

[wama00]

انا خلاص كرهت نفسى من العربية ديه,,, انا ملاحظ ان حرارة العربية عالية جدااااا على طول فوق 100 وبتعدى الاحمر, مروحة التكييف فوجئت انها مش شغالة, ايه السبب مش عارف,,, النهاردة كنت فى مشوار فى وسط البلد وبنت التييييت عمالة تسخن وتعلى لحد ما دخلت فى الاحمر فوقفت وحاولت افتح قربة المية لاقيتها بتغلى طبعا وطالع زى نفس (مش عارف التنفيس ده معناه ايه) فضلت افتح شوية شوية لحد ما الميه اتصف كلها على الارض واتصدمت, ببص فى القربة لاقين زى طقعة فلين بحجم غطاء القربة ومفرغة من الداخل ومقسومة نصين حاولت اطلعها باديى لاقيتها اتفرفتت ميت حتة طبعا مستجيل اطلعها روحت مزود الميه تانى ومشيت برضة الحرارة ما بتكمل 5 كم والاقيها فى الاحمر
عايز اعرف ده سببة ايه, هل ده وش سلندر؟ وايه قطعة الفلين اللى لاقيتها جوة القربة وجت منين وهل الزيت علشان ما عدى ميعاد تغيرة 1000 كم زيادة ممكن يسبب سخونة؟
انا حاولت ابدل الكتاوت والفيوز علشان اشغل المروحة بس مش عايزة تشتغل, الكبيرة شغالة اه بس مش عاملة حاجة مع انها شغالة على السرعة العالية على طول
افيدونى يا رجالة علشان خلاص قرفت من العربية ديه

[sakr_skoda]

بالنسبة لوش السلندر اكشف على الزيت فى الصبح اول متدور العربية لو مطحن يبقى جوان وكمان تابع الميه فى القربة هل تحتاج الى تزويد كل يوم لو بتنقص الميه يبقى جوان وش سلند....

انما عن قطعة الفلين دى اعتقد انها جوان غطاء القربة من الغليان وقوة الضغط اتخلع من مكانه واتسلق بالظبط مثل قطعى اللحمة عندما نضعها فى ماء ويغلى ....*اوعدنا يارب بحته لحمة بس مش زى اللى فى القربة بتاعتك....*

[wama00]

ههههه شكرا يا باشا على الرد,,,
بس انا كشفت على الزيت النهاردة لاقيتة مش مطحن ولا حاجة اللون البنى المحروق بتاعة,,,,, بالنسبة لفطعة الفلين فهى فعلا اتسلقت زى قطعة اللحمة بس ديه مش جوان الغطا لان سمكها كبير (سمكها زى عقلة اصبع) حاولت اطلعها لاقيتها بقت فتافيت
هى المية بتنقص كل اسبوع مقدار نص لتر او 3\4 لتر كدة بس مفيش تسريب فى الدورة
ارحمنا يارب

[sakr_skoda]

تمام خالص ....

اخر مرة غلست فيها الريداتير امتى ....

[Amrgamal1]

ههههههههههههههههههههههههههههههه
حته الفلين دي يا باشا عشان تعرف منها مقاس المياه لحد فين
بتبقي عايمه علي وش الميه ف بتتشاف بسهوله وتعرف منسوب الميه واصل لحد فين
لوووووووول :)))

[Hesham.H]

انت لو ما شفتش حل بسرعه لموضوع السخونه دى يبقى هاتدخل فى معاك فى جوان وش السلندر
اكشف على دوره الميه والمروحه عند ميكانيكى كويس
تحياتى

[wama00]

ههههههههههههههههههههههههههههههه
حته الفلين دي يا باشا عشان تعرف منها مقاس المياه لحد فين
بتبقي عايمه علي وش الميه ف بتتشاف بسهوله وتعرف منسوب الميه واصل لحد فين
لوووووووول :)))

ههههههههههههه حلوة,,, بس القطعة ديه ما كانتش موجودة قبل كدة خالص,,, انا حصلت معايا قبل كدة والميه كانت بتغلى واتبخرت وفتحت القربة وماكانش فيها اى حاجة من جوة,,,, بردة كل كام يوم افتح ابص على المية ما كانتش بتبقى موجودة كانت مستخبية مثلا؟؟

[Amrgamal1]

ههههههههههههه حلوة,,, بس القطعة ديه ما كانتش موجودة قبل كدة خالص,,, انا حصلت معايا قبل كدة والميه كانت بتغلى واتبخرت وفتحت القربة وماكانش فيها اى حاجة من جوة,,,, بردة كل كام يوم افتح ابص على المية ما كانتش بتبقى موجودة كانت مستخبية مثلا؟؟

لا ممكن تبقي علي جنب بس مش بتاخد بالك منها عشان مش في دماغك ان فيه حاجه جوا
لان اصلا حجمها كبير وعمرها ما تطلع من اي فتحه من فتحات القربه ف هي اكيد جوا القربه من زمان

[tananybasha]

الريادتير
و شوف اتجاه دوران المراوح
بنسبة 90% هتلاقيها بتلف عكس

[wama00]

هو غالبا الردياتير, علشان المروحة الكبيرة اللى شغالة دلوقتى اتجاهها صح,,,
عايز اعرف فين فيوز مروحة التكييف؟؟؟ انا بدلت الفيوزين اللى جنب البطارية اللى هما 30 امبير ولا حاجة حصلت,,, بدلت الكتاوت اللى فى علبة ادام البطارية اللى هما 30 امبير برضة مفيش حاجة اتغيرت والمروحة لسه فاصلة,,, ممكن يكون ايه السبب؟؟

[فادى محمد]

كتاوت مروحه التكييف هو رقم 2 من الشمال في العلبه المستطيله اللي جنب البطاريه

[cayman69300]

بص يا باشا
هنمشى واحدة واحدة مع بعض
اولا :
تسليك الردياتير
ثانيا :
حالة ترموستات الكوعه
ثالثا :
الطرمبة
رابعا : المروحة بتاعه التكييف هتوقف السرعه البطيئة بس برضوا السرعه السريعة المفروض انها تحجم الحرارة المتولدة من الموتور
و بكدة المشكلة فى دورة المية نفسها
اعمل 1 / 2 / 3
و فى الاخر خالص شوف نمرة 4 " المروحة السرعه البطيئة "
و بلغنا بالاخبار

[wama00]

كتاوت مروحه التكييف هو رقم 2 من الشمال في العلبه المستطيله اللي جنب البطاريه

تمام كدة, طيب الكتاوت ده رقم 2 فى العلبة القاعدة بتاعتة لاقيتها سايحة والكتاوت طلعتة بالعافية هل فيه حل لد ولا لازم العلبة تتعير؟؟

[wama00]

بص يا باشا
هنمشى واحدة واحدة مع بعض
اولا :
تسليك الردياتير
ثانيا :
حالة ترموستات الكوعه
ثالثا :
الطرمبة
رابعا : المروحة بتاعه التكييف هتوقف السرعه البطيئة بس برضوا السرعه السريعة المفروض انها تحجم الحرارة المتولدة من الموتور
و بكدة المشكلة فى دورة المية نفسها
اعمل 1 / 2 / 3
و فى الاخر خالص شوف نمرة 4 " المروحة السرعه البطيئة "
و بلغنا بالاخبار

هشوف ان شاء الله وابلعكم بالاخبار

[iWeLLy]

انا خلاص كرهت نفسى من العربية ديه,,, انا ملاحظ ان حرارة العربية عالية جدااااا على طول فوق 100 وبتعدى الاحمر, مروحة التكييف فوجئت انها مش شغالة, ايه السبب مش عارف,,, النهاردة كنت فى مشوار فى وسط البلد وبنت التييييت عمالة تسخن وتعلى لحد ما دخلت فى الاحمر فوقفت وحاولت افتح قربة المية لاقيتها بتغلى طبعا وطالع زى نفس (مش عارف التنفيس ده معناه ايه) فضلت افتح شوية شوية لحد ما الميه اتصف كلها على الارض واتصدمت, ببص فى القربة لاقين زى طقعة فلين بحجم غطاء القربة ومفرغة من الداخل ومقسومة نصين حاولت اطلعها باديى لاقيتها اتفرفتت ميت حتة طبعا مستجيل اطلعها روحت مزود الميه تانى ومشيت برضة الحرارة ما بتكمل 5 كم والاقيها فى الاحمر
عايز اعرف ده سببة ايه, هل ده وش سلندر؟ وايه قطعة الفلين اللى لاقيتها جوة القربة وجت منين وهل الزيت علشان ما عدى ميعاد تغيرة 1000 كم زيادة ممكن يسبب سخونة؟
انا حاولت ابدل الكتاوت والفيوز علشان اشغل المروحة بس مش عايزة تشتغل, الكبيرة شغالة اه بس مش عاملة حاجة مع انها شغالة على السرعة العالية على طول
افيدونى يا رجالة علشان خلاص قرفت من العربية ديه

غالبا السبب بيبقى تسريب في خراطيم الميه والخراطيم بتشقق بسبب غسيل الموتور بالجاز وده اكبر خطأ طبعا بيتعمل في البنزينات عند غسيل السيارات ....لازم تكشف على دورة المية وكل الخراطيم اركن العربية في مكان جاف على اسفلت ودورها لمدة لو لقيت تنقيط ميه فده اكيد السبب وممكن يكون السبب كمان الراجع بتاع الميه اللي بيعدي في الجزء بتاع التسخين بتاع التكييف السخن وده غالبا بيبقى متآكل بسبب عدم الاستخدام لفترات طويلة ولو فيه تسريب ممكن تشتري القطعة الأصلية او تلغيه خالص وتحط طبه ...تسريب المية الخفيف بيؤدي الى دخول هواء في دورة التبريد وفقاعات الهواء دي بتسخن بدرجات عالية جدا وبتسبب ارتفاع حرارة الموتور ...كمان تنضيف دورة التبريد ووضع سائل اخضر .."استخدم الأمريكي" وبلاش التركي ...دي الأسباب الأخرى غير وجود مشكلة في وش السلندر