إعـــــــلان

Collapse

.

,
See more
See less

بقيت في سنه تانية أوبلاوي , سنه كاملة مع opel vectra b

Collapse
X
 
  • Filter
  • الوقت
  • Show
Clear All
new posts

  • بقيت في سنه تانية أوبلاوي , سنه كاملة مع opel vectra b

    ازيكوا يا رجالة

    من كام يوم اكتشفت ان عربيتي كدا بقالها سنه بالظبط معايا
    قبل السنه دي كنت راكب جيب شيروكي ومكنش عندي اي خبرة في العربيات
    علي إيد الاوبل شوفت حاجات كتييير حلوة ووحشه
    شوفت ايام صعبه كتير مع الفيكترا بدون دخول في تفاصيل
    وحمت حياتي مرتين قبل كدا بعد ربنا طبعا , مرة عشان صاجها ناشف , والتانيه عشان ثباتها عالي .. بردو بدون تفاصيل
    وبردو شوفت ايام حلوة بالعربيه دي و اخر فترة قضيتها في الجامعه كانت بيها
    وزفيت بيها عروسة قبل كدا كمان

    - العربية دي لما كان بيحصل فيها حاجه كنت بقول انا اتخنقت منها وهبيعها وبتاع
    بس الغريب ان كل ما يحصل فيها حاجه و اعملها وتخلص علي خير اتعلق بالعربيه اكتر و احبها اكتر
    والحمدلله مش ندمان اني جبت أوبل وبعدها هركب أوبل بردو ان شاء الله

    - هحكيلكوا انا ايه بدايتي مع الاوبل وايه اللي خلاني اشتريها
    انا يا جماعه من سنه كنت مجنون بحاجه اسمها بي ام دبليو
    وكان نفسي اوي اجيب بي ام الدبانه التسعينات بس فضلت ادور كتير اوي ومكنتش بلاقي حاله نضيفه
    والنضيف سعره مبالغ فيه جدااااا وجالي اكتئاب وعايز عربيه
    لحد ما جيه بابا قالي انت عاجباك البي ام عشان الماني , ماتشوف حاجه الماني غير البي أم زي الأوبل مثلا
    قولتله ماشي نشوف قالي طيب فيه اعلان كلمت صاحبها قالي في ميه نصر تعالا دلوقتي نروح نشوفها
    طبعا ساعتها مكنتش اعرف حاجه عن الاوبل غير شكلها و انها عربيه الماني
    روحت شوفت العربيه اللي في الاعلان كانت مبهدله جداا وفيها خبطات كتيير بس اهو اديني بتفرج
    اعدت جوا الصالون يا جماعه عجبتني القاعده ولقيت نفسي مرتاح جدااا وشكل التابلوة فخم جدا
    وانا قاعد جواها قررت اغير تفكيري من البي أم و اجيب أوبل فيكترا بي
    مع انها عربيه مبهدله بس فعلا غيرت دماغي وخلتني فعلا ابتديت ادور علي اوبل فيكترا
    لحد ما جبت اللي معايا دلوقتي الحمدلله هي 98 2000 سي سي 1 كامه اللي صورتها في التوقيع
    وربنا يباركلي فيها و تهدي عليا في المصاريف بعد اللي عملته فيها طول السنه دي
    ...
    - عايز أشكر منتدي أوبل كله لان كل واحد بيضيف للتاني حاجه هو مايعرفهاش
    وانا خبرتي كلها في العربيات من نايل موتورز ومن قسم أوبل تحديدأ لان قبل الاوبل مكنتش مهتم اوي بالعربيات كنت بسوق وبس

    - اكتر واحد استفدت منه وخدت منه خبرة في الأوبل "( فــادي محـمد )"
    استفدت من مشاركاته اكتر من مكالماته في الموبايل لأني بتحرج اكلمه كتير ع الموبايل عشان احكيله علي مشكله عندي
    الراجل دا يا جماعة فعلا بحس انه كان قاعد مع الخواجة الالماني وهو بيصنع الـ Vectra b لدرجة ساعات بخش بروفايله و اعد اقرا في المواضيع بتاعته و اذاكر مشركاتة :)

    و " طناني باشا " طبعا الأب الروحي للأوبل
    ومستر "احمد فهمي " عنده معلومات جامده جدا عن كل العربيات مش الأوبل بس وبستفاد منه جدا لما بيتكلم عن اي تكنولوجي في العربيات الجديدة بما انه ركب عربيات كتير جدااا


    ( معلش يا جماعة لو طولت في الكلام او كان كلامي مش مترتب , انا مش بعرف اكتب مواضيع وكتبت اللي جيه في دماغي )
    [SIGPIC][/SIGPIC]
    Amr Gamal
    [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

  • #2
    ايه الكلام الكبير ده يا عمرو ؟؟
    احنا كلنا بنتعلم من بعض ..
    واتصل بي في اي وقت تحت امرك ..
    اخوكم /فادي محمد عيد ..من مواضيعي المصوره للفيكترا بي ....

    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

    hellboy سابقا

    Comment


    • #3
      كلام جميل
      و طالع من القلب
      [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
      [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
      [CENTER][SIZE=3][COLOR=black]محمد الطنانى[/COLOR][/SIZE][/CENTER]

      Comment


      • #4
        المشاركة الأصلية كتبت بواسطة فادى محمد مشاهدة المشاركة
        ايه الكلام الكبير ده يا عمرو ؟؟
        احنا كلنا بنتعلم من بعض ..
        واتصل بي في اي وقت تحت امرك ..
        المشاركة الأصلية كتبت بواسطة tananybasha مشاهدة المشاركة
        كلام جميل
        و طالع من القلب
        ربنا يخليكوا يا رجالة

        دا أقل واجب والله
        [SIGPIC][/SIGPIC]
        Amr Gamal
        [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

        Comment


        • #5
          ربنا يباركلك فيها و فى كل الاوبيلات بتاعتنا
          بصراحة الناس هنا كلها محترمين و مبيتأخروش بأى معلومة على حد و بالذات السادة المذكورين فى كلامك
          م/رامى المهدى

          Comment


          • #6
            ربنا يديم الود بيننا

            Comment


            • #7
              بصراحه ربنا يكرمهم و يجازيهم خيييير
              يا جماعه احنا لازم نتقابل ... ان شاء الله

              Comment


              • #8
                كل سنه وانت طيب يا باشا وربنا يديم الخير بينا
                اخوكم عبدالرحمن حجاج

                Comment


                • #9
                  ربنا يبارك لك في العربية يا عمرو باشا. بصراحة أنت واحد من الناس اللي بأسعد بقراءة مواضيعها أو مشاركاتها. يمكن لإحساسي إنك جدع ومش ممكن تتأخر عن حد في معلومة.

                  أخوك/ محمد

                  Comment


                  • #10
                    المشاركة الأصلية كتبت بواسطة romiobasha مشاهدة المشاركة
                    ربنا يباركلك فيها و فى كل الاوبيلات بتاعتنا
                    بصراحة الناس هنا كلها محترمين و مبيتأخروش بأى معلومة على حد و بالذات السادة المذكورين فى كلامك
                    آمين , شكراً يا باشا

                    المشاركة الأصلية كتبت بواسطة haitham2011 مشاهدة المشاركة
                    ربنا يديم الود بيننا
                    يارب

                    المشاركة الأصلية كتبت بواسطة hesham ahmed مشاهدة المشاركة
                    بصراحه ربنا يكرمهم و يجازيهم خيييير
                    يا جماعه احنا لازم نتقابل ... ان شاء الله
                    ان شاء الله
                    انا قابلتهم مرة واحده
                    وفي ناس منهم بقوا صحابي وبشوفهم


                    المشاركة الأصلية كتبت بواسطة hagagatc مشاهدة المشاركة
                    كل سنه وانت طيب يا باشا وربنا يديم الخير بينا
                    وانت طيب يا باشا

                    المشاركة الأصلية كتبت بواسطة Driver101 مشاهدة المشاركة
                    ربنا يبارك لك في العربية يا عمرو باشا. بصراحة أنت واحد من الناس اللي بأسعد بقراءة مواضيعها أو مشاركاتها. يمكن لإحساسي إنك جدع ومش ممكن تتأخر عن حد في معلومة.

                    أخوك/ محمد
                    ربنا يخليك يا محمد , دا شرف ليا والله
                    اهو بنحاول نبقي زي الناس الجامده دي
                    [SIGPIC][/SIGPIC]
                    Amr Gamal
                    [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                    Comment


                    • #11
                      ربنا يديم الود بنكم يارب ..

                      Comment


                      • #12
                        احلى ما في الاوبل. ..
                        الوحوش اللي عارفين كل خفايا الاوبل ولا يمكن ابدا يبخلوا عن مساعدة حد في يوم بشهادة الجميع

                        Comment


                        • #13
                          المشاركة الأصلية كتبت بواسطة S O P H O S مشاهدة المشاركة
                          ربنا يديم الود بنكم يارب ..
                          المشاركة الأصلية كتبت بواسطة ibn_seena مشاهدة المشاركة
                          احلى ما في الاوبل. ..
                          الوحوش اللي عارفين كل خفايا الاوبل ولا يمكن ابدا يبخلوا عن مساعدة حد في يوم بشهادة الجميع
                          [SIGPIC][/SIGPIC]
                          Amr Gamal
                          [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                          Comment

                          Working...
                          X