استفسار هام اوبل استرا 2007-2008 ؟

[adel1414]

السلام عليكم ورحمة الله وحوش الاوبل عاوز استفسر ضرورى على العربية دى من حيث الاتى ( قطع الغيار-استهلاك البنزين- الاعتمادية-التكييف )..ومستغرب جدا جدا من سعر العربية اللى نزل اوى لقيت حالات فابريقة واول يد يترواح السعر بين 65-75 ليه سعرها بقى كدة وياريت اييه الفرق والافضل موديل 2007 ولا 2008 ولا اجيب قرش لانسر ولا سيراتو كوبيه احسن ؟؟؟

[soteer10]

دي حالات نصب
انا نزلت و ضفت العربيات دي
واول ما توصل يغير الكلام
او اصلا ميكونش معاه العربيه

غير كده مبيردش علي التلفون اصلا

[adel1414]

شكراا ليك ياباشا بس عاوز اعرف اجابات للاسئلة بتاعتى بخلاف السعر حاليا

[ashourashour]

دي حالات نصب
انا نزلت و ضفت العربيات دي
واول ما توصل يغير الكلام
او اصلا ميكونش معاه العربيه

غير كده مبيردش علي التلفون اصلا

+1

في ب 75 على فكره لاكن هتصرف عليها كتير اوي مفيش اقل من كدا و فكوكم من كونتكت كارز يا جدعان بقا خلاص بقو مفضوحين قوي

[ashourashour]

انا معايا العربيه دي . سيراتو اه يا عم و قرش اه

لاكن انت لازم تسوق العربيه في الزحمه و تجرب اداء الفتيس الايزي ترونك لو الموضوع مشي معاك العربيه تحفه بجد

في كل حاجه

[adel1414]

الف شكر ليكم .. باشا بما انك معاك العربية ممكن تجاوبنى على اسئلتى اللى فى اول الموضوع لو سمحت :)

[ashourashour]

انا مشتري العربيه قريب

استهلاك البنزين تقريبا 9 لتر لكل 100 كم جوا المدينه .. ماسافرتيش بيها اكيد الاستهلاك بيقل

التكييف حلو جدا جدا

دا اللي اقدل اقول عليه دلوقتي

اهم حاجه لازم لازم تجرب العربيه في الزحمه و تشوف اداء الفتيس

[HASSAN SERRY]

السلام عليكم ورحمة الله وحوش الاوبل عاوز استفسر ضرورى على العربية دى من حيث الاتى ( قطع الغيار-استهلاك البنزين- الاعتمادية-التكييف )..ومستغرب جدا جدا من سعر العربية اللى نزل اوى لقيت حالات فابريقة واول يد يترواح السعر بين 65-75 ليه سعرها بقى كدة وياريت اييه الفرق والافضل موديل 2007 ولا 2008 ولا اجيب قرش لانسر ولا سيراتو كوبيه احسن ؟؟؟

طبعا الأسعار ديه أشتغاله لو حالتها كويسه و فابريقه زى ما بتقول
بالنسبة للتكيف هوه مش زى الكورى و اليابانى بس تكيفها كويس يعنى فى الصيف فى عز الحر ممكن اشغل التكيف على 1 بس جايب الريش عليا بس انا شايف ان تكفها كويس مش ضعيف خالص
استهلاك البنزين جوه البلد انا شايف انه كويس جدا أقل من 9 لتر / 100 كم بس بصراحه انا مش عارف كام على طريق سريع عشان انا بفتح فى السرعة فوق ال 150 فالبنزين استهلاكه بيزيد
بس انا شايف انك لو مثبت على 120 ممكن تعمل معاك 6 لتر / 100 كم و ممكن أقل كمان .
اما عن الإعتماديه فا انا شايفها كويسه جدا لحد دلوقى عامله 120 ألف كم و كل حاجتها الفابريقة
ماعدا مقص و عامود دريكسيون و ده نتيجة حفره و كان ممكن ميتغيروش عشان مش ضايعين بس انا قلت لأمان غير كده لسه أصيله معايا حتى الطنابير و يارب مغير حاجة
قطع الغيار حسب ما انت هتقارنها بايه لو قارنتها بكورى يبقى بتظلمها و بتظلم نفسك
بس هيا فيها حاجات أسعارها كويسه و حاجات تانيه ممكن تكون غاليه بس بصراحه تستاهل الركوبة
قولى مثلا اسعار قطع غيار عايز تعرفها