رقم غريب فى عداد الاسترا

[Mostafa.Ismail]

السلام عليكم ورحمة الله وبركاته ...

اول مرة الاحظ الموضوع دة ... لما بفتح كونتاكت (اول تكة بس) من غير مدور العربية المفروض ان العداد بيكتب كلمة InSP وبعدين يجيب القراية لتاعت الكيلومتر وال trip. المهم قبل كل دة بيظهر رقم 90 وجمبة علامة (نص صفر) ... الصورة هتوضحة اكتر:



العربية الحمد لله مفيهاش مشاكل وانا مش قلقان بس حبيت اعرف دة معناة اية ودورت كتير قبل مسئل وموصلتش لحاجة.

[Mostafa.Ismail]

الصورة:

[hassanin_lada]

هي تقريبا كده درجة حراره

هي الصوره دي وهي سخنه ولا بارده ؟؟

[Mostafa.Ismail]

وهيا سخنة ... كنت راجع من مشوار وركنت شوية وبعدين ظهر وانا بدور تانى.

بس مجربتش وهيا باردة ... هشوف كدة الصبح ان شاء الله.

[yasserelsayad]

InSP دى بتاعت الصيانة بس مش عارف 90 دى بتاعت ايه

[Mostafa.Ismail]

بالظبط InSP بتاعة الصيانة وممكن تتلغى كمان وهي فعلا مش مقلقة ... 90 جمبها علامة متهيالى كدة علامة الدرجة المئوية علشان كدة انا بميل لراى hassanin_lada انها درجة مئوية فعلا والله اعلم.

[Mostafa.Ismail]

بعد شوية لف احتمال يكون الرقم دة بتاع "محدد السرعة" اللى هو بيعمل بيب وخلاص لما اوصل للسرعة المحددة .... وفى حالتى انا فعلا ظابطة على 90 :)

"Programming speed
Press the button briefly and successively
while the programmed speed is shown
on the display. The speed can be adjusted
30-130 km / h, always
intervals of 10 km / h."

[Atef Saleh]

دى معناها ان ده ميعاد صيانه يا باشا و ممكن تلغيها لو عايز بس الافضل تعمل الصيانه و تلغيها .

[romiobasha]

ده فعلا بتاع محدد السرعة و موجود عندى فى عربيتى و لو دوست على الزرار 5 ثوانى ممكن تلغيه

[medo111]

انا عندي علي طول سواء العربيه بارده او سخنه ومشغل محدد السرعه او مش مشغلو
انا عايز افهم اصلا محدد السرعه دا لزمته ايه اصلا ولا ليه اي لزمه

[romiobasha]

انا عندي علي طول سواء العربيه بارده او سخنه ومشغل محدد السرعه او مش مشغلو
انا عايز افهم اصلا محدد السرعه دا لزمته ايه اصلا ولا ليه اي لزمه

ده عشان تظبط سرعة معينة و انت ماشى " مثلا 100 عشان الرادار " اول لما سرعتك توصل 100 او اعلى هتسمع صوت تون لحد ما سرعتك تقل تانى