ملاك استرا

[abdelrahmaaan]

السلام عليكم انا عامل ميزانية لعربية اوتوماتيك مستعملة 65 الف لفت انتباهى ان اوبل استرا 2005 فى الرينج دا عايز اعرف من ملاكها رأيهم فيها وهل تنصحوانى بيها ولا لا وهل فعلا قطع غيارها غالية لان لو غالية انا مش هقدر عليها وصيانتها متوفرة ولا لا والسرعة ولاثبات والمتانة والحاجات دى كلها ,ياريت ملاكها يقولوا رايهم فيها ..شكرا

[Astra Lover]

السلام عليكم انا عامل ميزانية لعربية اوتوماتيك مستعملة 65 الف لفت انتباهى ان اوبل استرا 2005 فى الرينج دا عايز اعرف من ملاكها رأيهم فيها وهل تنصحوانى بيها ولا لا وهل فعلا قطع غيارها غالية لان لو غالية انا مش هقدر عليها وصيانتها متوفرة ولا لا والسرعة ولاثبات والمتانة والحاجات دى كلها ,ياريت ملاكها يقولوا رايهم فيها ..شكرا

وعليكم السلام ورحمة الله العربية متوسط اسعارها من 55 الى 65 ده يعتمد على الحالة وعداد العربية بلنسبة للنصيحة هى معايا بقلها 3 سنين الحمد لله زى الفل مجرد الصيانة الدورية فقط قطع غيارها مش غالية مثلا تيل الفرامل الامامى 190 والخلفى 120 الحاجة الوحيدة الى غالية الفوانيس 1200ج لانه بينزل اصلى بس مفيش منو درجات زى الديبو بس الحل بتاعو لو وش الفنوس اتكسر لقدر الله بتصب وش ويرجع فبريكة تانى 150 جنيه قطع غيارها استعمال مش منتشرة زى باقى الاوبل عشان هى تجميع برازيلى بس فى حاجات مشتركة كتير بينها وبين الاسترا 1200 سي سي(موديل 2000 الى 2002) الشكل الى قبلها فى اجزاء الموتور زى قواعد الموتور, كمان مثلا المرايا الاصلى بتاعتها معدية 600 ج بروح اجيب مرايا تيوانى بتاعت الاسترا(موديل 2000) هى هى 175ج وكهربا طبعا هى عموما حاجتها موجودة ولو ملقتش برة بيكون فى التوكيل بس للامانة مش فانتشارة باقى انواع الاوبل تعتبر اقل عربية فى انتشار قطع الغيار بس العربية زى مقلت مش حتقف منك على قطع غيار فى بدائل لاسوء الظروف بلنسبة للصيانة تهتم بتغير كل حاجة فى ميعادها طبعا عشان تأخد اعلى كفائة من العربية والاهم من ده تروح لحد متخصص اوبل مش اى حد,بلنسبة للثبات والمتانة انت ركب عربية اوبل يعنى التكنولوجية الالمانى العربية وحش من الاخر.
عندك كمان الاوبترا ولانسر بومة(موديل من اول 2003 وانت طالع) حطهم معاك فى الاختيار وربنا يوفقك ان شاء الله

[abdelrahmaaan]

الف شكر يا استاذ استرا لفر ..حضرتك كدة حيرتنى بموضوع ان قطع غيارها مش منتشر او وممكن اتعب شوية ودخلتلى الاوبترا فى حساباتى واللى اعرفه ان قطع غيار الكورى سهل ومتوفر وفى النهاية حضرتك لو مكانى ورجع بيك الزمن تجيب الاسترا تانى ولا الاوبترا ولا تشوف التويوتا ياريس مثلا؟؟

[tananybasha]

حرام تدخل الياريس و الأوبترا فى المقارنه
قطع غيارهم مش رخيصه برضوا
بس موجوده برضوا

[medo111]

اولا السعر الي انت كاتبه دا بتاع 2005 بس 2004 و 2003 هي هياها العربيه مفيش فرق بس اسعارهم هتبقي في الخمسينات العربيه قطع غيارها متوفره مفيش حاجه مش متوفره وبكل الدرجات وقطع غيارها مش غاليه عاديه جدا الي غالي فيها المريات العتب الجرايد الاكسسورات من الاخر الثبات تحفه تمشي معاك 180 عادي مره كان العجل مظبوط علي 50 ومكنتش اعرف واحد ربنا يسامحه هو الي عملهولي وكنت ماشي بيها علي 150 وفي طريق مبهدل وكانت ثابته المتانه صاج الاوبل معروف يعني الامان اتنين ايرباج ودعامات فلاد في الابواب وصيانتها متوفره طبعا بس مش اي حد يشتغل قيها يا ريت يكون حد شغال في الاوبل قبل كدا
وتكنولوجيا وكماليات رغم انها من 2003 اعلي من الاوبترا واللانسر والياريس

وعليكم السلام ورحمة الله العربية متوسط اسعارها من 55 الى 65 ده يعتمد على الحالة وعداد العربية بلنسبة للنصيحة هى معايا بقلها 3 سنين الحمد لله زى الفل مجرد الصيانة الدورية فقط قطع غيارها مش غالية مثلا تيل الفرامل الامامى 190 والخلفى 120 الحاجة الوحيدة الى غالية الفوانيس 1200ج لانه بينزل اصلى بس مفيش منو درجات زى الديبو بس الحل بتاعو لو وش الفنوس اتكسر لقدر الله بتصب وش ويرجع فبريكة تانى 150 جنيه قطع غيارها استعمال مش منتشرة زى باقى الاوبل عشان هى تجميع برازيلى بس فى حاجات مشتركة كتير بينها وبين الاسترا 1200 سي سي(موديل 2000 الى 2002) الشكل الى قبلها فى اجزاء الموتور زى قواعد الموتور, كمان مثلا المرايا الاصلى بتاعتها معدية 600 ج بروح اجيب مرايا تيوانى بتاعت الاسترا(موديل 2000) هى هى 175ج وكهربا طبعا هى عموما حاجتها موجودة ولو ملقتش برة بيكون فى التوكيل بس للامانة مش فانتشارة باقى انواع الاوبل تعتبر اقل عربية فى انتشار قطع الغيار بس العربية زى مقلت مش حتقف منك على قطع غيار فى بدائل لاسوء الظروف بلنسبة للصيانة تهتم بتغير كل حاجة فى ميعادها طبعا عشان تأخد اعلى كفائة من العربية والاهم من ده تروح لحد متخصص اوبل مش اى حد,بلنسبة للثبات والمتانة انت ركب عربية اوبل يعنى التكنولوجية الالمانى العربية وحش من الاخر.
عندك كمان الاوبترا ولانسر بومة(موديل من اول 2003 وانت طالع) حطهم معاك فى الاختيار وربنا يوفقك ان شاء الله

هات 400 جنيه واجبلك فانوس تيواني 250 الفانوس الخلفي

[abdelrahmaaan]

شكرا جدا لردكم وانا استقريت على الاسترا ان شاء الله وربنا يوفقنى

[egyption2012]

اولا ردا على موضوع الفوانيس وانه غير موجود غير الاصلي
الكلام غير صحيح لانه فيه فوانيس ديبو التايواني اشترتها من اسكندرية من غير فصال بحوالي 840 جنيه للطقم الامامي
واتذكر اني اتصلت بواحد في القاهرة وذكر لي ان الفوانيس عاملة 700 جنيه تقريبا
ده ردي بخصوص الفوانيس

[egyption2012]

اما بخصوص السيارة فهي رائعة حقا بشهادة من جربوا سيارات كثيرة ثم جربوا سيارتي الاسترا 2005
ثبات رائع والحمد لله

بخصوص قطع الغيار الغالية .. نعم اسعارها مرتفعة بالنسبة للسيارات المستعملة التي بنفس الثمن
ولكن ما يميز قطع غيارها هو عمرها الافتراضي وجودة الصنع

ويعيب هذه السيارة فقط انها مليئة بالحساسات شأنها شأن كثير من السيارات الجيدة والحديثة
والذي اذا تعطل منه حساس ستلتزم بتغييره

[egyption2012]

شكرا جدا لردكم وانا استقريت على الاسترا ان شاء الله وربنا يوفقنى

ولكن احترس من كثرة اللوم الذي ستتلاقاه من الناس ذلك لأن اسعار قطع غيارها مرتفعة

[egyption2012]

اهم شئ تكشف عليها بالكمبيوتر

[egyption2012]

حاجة تانية موضوع حرق البنزين .. العربية طلعت جيدة للغاية والمشكلة كانت من رجلي على البنزين والسرعة العالية اللي بمشي بيها
روحت مشوار حوالي 70 كيلو نص الطريق الاولاني كان فاضي وانا راجع لقيته زحمة شوية
وبعد عمل الحسابات طلع ان اللتر ممكن يمشيك اكثر من 14 كيلو
طبعا سرعتي كانت لا تتعدى الـ 100 كيلو وهي السرعة المناسبة لقياس حرق البنزين

[Astra Lover]

الف شكر يا استاذ استرا لفر ..حضرتك كدة حيرتنى بموضوع ان قطع غيارها مش منتشر او وممكن اتعب شوية ودخلتلى الاوبترا فى حساباتى واللى اعرفه ان قطع غيار الكورى سهل ومتوفر وفى النهاية حضرتك لو مكانى ورجع بيك الزمن تجيب الاسترا تانى ولا الاوبترا ولا تشوف التويوتا ياريس مثلا؟؟

ولا حيرا ولا حاجة انا حاولت اوضح تجربتى والنصيحة من وجهنة نظرى ممكن يكون رأى مش متواقف مع حد تانى, لو رجع الزمان بى تانى حشتريها انا بحب الاوبل وان شاء الله عربيتى الى جاية يا اما استرا سيدان الجديدة او اوبل فكترا 2008 توب لاين اشاء الله.

[Astra Lover]

اولا ردا على موضوع الفوانيس وانه غير موجود غير الاصلي
الكلام غير صحيح لانه فيه فوانيس ديبو التايواني اشترتها من اسكندرية من غير فصال بحوالي 840 جنيه للطقم الامامي
واتذكر اني اتصلت بواحد في القاهرة وذكر لي ان الفوانيس عاملة 700 جنيه تقريبا
ده ردي بخصوص الفوانيس

انا الى بقولو عن واقع تجربة لي السنة الى فاتت لما الفنوس وشو اتكسر نزلت صلاح الدين انت عرفو طبعا ملقتش غير الاصلى, الحمد لله انو نزل منه ديبو كده مشكلة جامدة اتحلت عشان كتير اوى سعر فانوس واحد 1200ج.

[Astra Lover]

وبردو بوضح كلامى انا مقولتش قطغ الغيار مش متوفرة انا بقول مش فى انتشار باقى عربيات الاوبل التانية وخصوصا الاستيراد نادر لمى تلاقى انصص منها وانا بتكلم عن الاسكندرية معرفش نظام بورسعيد والمنصورة والقاهرة دى حاجة , مثلا وحدة كنترول التكيف الى فيها البكر والزراير باظت عندى لفيت عليها فى الاستعمال مع انها هى هى بتاعت الاسترا موديل 2000 بس الاختلاف فى السوكت(الفيشة) لاقيت واحد عندو نص بس الدريكسيون يمن بعد مطلعنها الاقى الفيشة مش زى الى معايا الف على المحلات اشتريها جديدة مش موجد بس الحمد لله لاقيتها فى التوكيل كلفتنى 1600ج بلتركيب والشحن فهمتو قصدى موجودة بس حتتعب شوية طبعا لو كانت موجودة برة كانت التكلفة حتكون اقل من التوكيل, مثلا تانى كابل الفتيس كان فيه بوش(المشكلة ديه كلمت احمد فهمى زميلنا استشيرو فيها) روحت التوكيل الى لازم يتغير وحتروح فرع العمرية عشان يتركب هناك عشان لازم السروجى يحل الفرش حولين الفتيس بس شوف الاول موجود فى المخزن ولا لا روحت شيكت الراجل قلى مفيش غير حتة واحد فى فرع مدينة نصر!!!
طب ياجماعة ينفع اجيبو من برة واركبو فى التوكيل المهم المهندس مدنيش عقاد نافع غير انى اروح فرع العمرية الرئيسى , المهم الراجل بتاع المخزن وصفلى واحد فى كيلوبترا عندنا فى الاسكندرية الى اسأل عندو ممكن تلاقى رحتلو قلى مش موجود بس فى حل كبل الفكترا البى تو هو هو بس اطول شوية من عندك انت كل الى عندك جزء فى الكبل هو الى عامل البوش فى النقلات حشلها من الكابل الجديد وحتركب فى الكبل عندك من غير تغير الكابل كامل ولا سروجى يفك والحورات ديه الى ينقط فك جزء بلاستيك صغير من الكابل الجديد وشال بديلو من الكابل عندى الى كانت السبب وقفت عليا 620ج عشان لازم اشترى الكبل(طبعا جى ام اصلى) واخد منو الحتة ديه بس الى متسويش فى نظرى مش اكتر من 2ج مع العلم الكابل سعره فى التوكيل 690 من غير الضريبة وشوفو كانو حيخدو كام مصنعية,
فهمتو قصدى ايه فى حوار عدم الانتشار انا بتكلم من واقع خبرتى مع العربية بس زيو منتو شفتو العملية مشية مش بتقف على حاجة الحمد لله واسف على الاطالة.

[romiobasha]

والله العربية دى محترمة جدا و احسن عربية فى الفئة دى و بالسعر ده من حيث
الثبات
الصاج
الرفاهية (جميع الكماليات)
القوة ماتور المانى
الأمان abs ebd
قطع غيار معمرة جدا و فى استيراد و جديد