لمبه ال abs بتنور و تطفى

[mox]

لمبه ال abs بتنور و تطفى عندى فى كل مشوار اعمله . الميكانيكى قالى هات 3 علب زيت فرامل علشان ننضف بيهم دوره الفرامل و عملت كده و برده لسه بتنور !!
و لازم ابطل العربيه و بعد كده ادورها تانى علشان تطفى
انا نسيت اقولكم ان عربيتى فيكترا بى 1600 - 97 مانيوال

[tananybasha]

يا اما الوحده بايظة
يا فيه حساس عجل بيفصل
او نوع الزيت وحش
و الأول و الأخر
اكشف كمبيوتر

[mox]

ايه حساس العجل ده ؟

[ashourashour]

متلمسش حاجه ولا تصرف جنيه واحد ولا تتعامل مع اللي قالك نغير زيت الفرامل ده

لازم لازم تكشف بالجهاز و تتعامل في ورشه فيها جهاز اعطال

مش هنقعد نخمن احنا و فك وركب و جرب و بوظ و اصرف

ربنا يرحمنا برحمته

[discman]

فك كل عجله وراجع كابل الحساس انه راكب كويس ولو منفعش اكشف اعطال كمبيوتر

[ehabsoft]

هقولك من الاخر 99% الوحدة بتاعة abs باظت باظت باظت

[mox]

هوه انا لو مشيت بوحده ال abs بايظه , ده شىء ياثر على نظام الفرامل ككل و لا ممكن امشى بيها لغايه ما اجيب وحده استيراد و اغيرها ؟

[ehabsoft]

امشي بيها بس متجريش اوي لان لو بتجري اوي العربية بتزحف وممكن لا قدر الله يحصل حاجة

[egyption2012]

والوحدة ده ممكن سعرها يوصل لكام
لان نفس المشكلة عندي في الاسترا 2005

[ehabsoft]

سعر الوحدة من 700 الى 800 جنيه استيراد طبعا

[wael_elbarkoky]

اتا برضو علي فكره لمبه الabs بتنور عندي دي اول حاجه
تاني حاجه العربيه لما بفرمل فرامل مفاجاه او فرامل عاديه العربيه بتزحف نحيه اليمين من ورا دا لان العجله الشمال ورا بتكلبش مع الفرامل مش عارف اعمل ايه مع ان الكوتش جديد و مترصص و عامل ظبط زوايه اكيد العيب من جهاز الفرامل الي ورا شمال هوا الي بيخلي العجله تكلبش و العربيه تزحف
صح ولا لا يا رجاله
انا دلوقتي عاوز اظبط الفرامل و مش عارف اعمل ايه انا علي فكره لسه جايب 4 تيل فرامل جداد
عاوز بس اروح لحد يظبطلي الabs و الفرامل و حكايه العجله الي بتكلبش دي
المشكله بقي اروح لمين في الاسكندريه حد يدلني اروح لمين. او مين الي يشتغل في الكلام دا بتاع العفشه ولا مين

[creative_art]

اتا برضو علي فكره لمبه الabs بتنور عندي دي اول حاجه
تاني حاجه العربيه لما بفرمل فرامل مفاجاه او فرامل عاديه العربيه بتزحف نحيه اليمين من ورا دا لان العجله الشمال ورا بتكلبش مع الفرامل مش عارف اعمل ايه مع ان الكوتش جديد و مترصص و عامل ظبط زوايه اكيد العيب من جهاز الفرامل الي ورا شمال هوا الي بيخلي العجله تكلبش و العربيه تزحف
صح ولا لا يا رجاله
انا دلوقتي عاوز اظبط الفرامل و مش عارف اعمل ايه انا علي فكره لسه جايب 4 تيل فرامل جداد
عاوز بس اروح لحد يظبطلي الabs و الفرامل و حكايه العجله الي بتكلبش دي
المشكله بقي اروح لمين في الاسكندريه حد يدلني اروح لمين. او مين الي يشتغل في الكلام دا بتاع العفشه ولا مين

السلام عليكم ورحمة الله

انا عندي نفس المشكله بالظبط ونفس العربيه ... والمشكله دي كانت هتموتنى اكتر من مره .. اخرها العربيه لفت بيا عالبحر نتيجة فرامل مفاجئه على الرغم انا محدفتش الدركسيون اثناء الفرمله .. بس معرفش ليه العربيه بتلف من ورا ناحية الشمال ..

رحت لميكانيكي اوبل مكشفش كمبيوتر وقالي عايزه سيرفو ... طبعا كلام فاضي ومدخلش دماغى

رحت لعبد العزيز الى في دوران السيوف كشف كمبيوتر الجهاز طلع solonoid بايظ ومحددش العطل بالظبط ، هو قالي تعالى بكره هنفك العجل كله وننضفه بس انا طنشته لحد ماشوف ايه الحل

ياريت اى مساعدة عاجله لان الموضوع ده خطر جدا

[wael_elbarkoky]

فعلان هي مشكله جمدا كمان انا بستغرب ان في عربيات من غير abs و مش بتلف او بتعرض من ورا كده نفسي اصبح الabs كان زمان شغال مش عارف ايه الي حصل. الي حصل

[medo111]

انا كمان عندي نفس المشكله بس مش بالظبط كدا انا عندي بدور العربيه وبمشي بيها وتفرمل تمام وال abs شغال تمام

وبعد ما بمشي بالعربيه شويه لمبه ال abs تقوم منوره وساعتها العجله الشمال لما افرمل بتكلبش والعجل الباقي

مبيزحفش مش عارف ايه السبب

[creative_art]

طيب هوا انا غالبا هصلح ال abs ... على الرغم ان فيه اولويات عندى بس الأمان قبل اى حاجه ..

المهم .. انا عايز حد يكون جرب يصلحه عند حسام طنطا .... واحد تانى اشتراه استيراد وعمله التعديل بتاعه ..

عايز فرق الاسعار بين الاتنين ... وانضف صنايعيه ممكن يعملو الحوار ده ... وبيقعد وقت قد ايه لانى فى اسكندريه


والاهم من كل دول ... هوا التصليح المضمون والي هيعيش معايا اكتر ...