سعر الاسترا زاد :(

[Z_ahmed salah]

الانجوى تقريبا 165 الف
الكوزمو سيدان بقت ب 175 الف
و الكوزمو هاتش باك ب 180 الف
و الكلام ده من التوكيل
اروح احجز يا جماعة ولا انتو شايفين ايه !؟

[Land_Cruiser]

هى جت عليها يعنى .. ما كله على هذا الحال

[Samah AbdAllah]

الزيادة دى مقابل ايه ؟

[RAPID]

انخفاض قيمة الجنيه امام الدولار رفعت اسعار سلع كتير
وعلى راسها السيارات واجهزة الكمبيوتر والموبايل ومعظم الاجهزة الكهربائية

[midooo_119]

الى هيشترى بالاسعار دى دلوقتى هيزعل بعدين

[S O P H O S]

اكيد مش مقابل شئ
واسعار تخلي الواحد ميفكرش اساسا يشتري
العربيات فمصر غالية من الاساس ومع الزيادة تبقي شئ صعب ..

[dede_dodo88]

زيادة منطقية و متوقعة لسببين.. أنخفاض قيمة الجنية + زيادة الطلب على العربية..
و مننساش أن العربية أصلاً كانت نازلة بسعر أقل من اللي الناس كانت متوقعاه..
بس السؤال هو, هل السعر بيزيد برضه على اللي كان حاجز بالسعر القديم و منتظر يستلم ؟!.. لو حصل كده يبقى قلة أحترام الحقيقة..

[ENG\AHMED]

زيادة متوقعة ومن قبل الازمة الحالية

لما تبقى عربية لسه نازلة السوق ومتلقيهاش فى التوكيل ولكن تلاقى بعض فئاتها عند بعض الموزعين بـ over price 10000 جنية ولما تسأل فى التوكيل يقولك تحجز و تسنتى على الاقل شهرين اذا مكنش اكتر على الاستلام يبقى اكيد العربية هتغلى على الاقل بقيمة الـ over price وده من غير لا سعر دولار ولا بتاع

[AlGazar2]

هو مش المفروض ان فى تخفيض جمركى على العربية الاوروبى و فى اسوء الظروف التخفيض ده راح قدام زياده الدولار ( فى اوروبا التعامل باليورو اساسا ) يبقى العربيات الاوروبى غليت ليه ؟؟

[hossam_elwani]

الانجوى تقريبا 165 الف
الكوزمو سيدان بقت ب 175 الف
و الكوزمو هاتش باك ب 180 الف
و الكلام ده من التوكيل
اروح احجز يا جماعة ولا انتو شايفين ايه !؟

شوف لو معاك ومرتب ننفسك وعجباك العربيه نفذ وقتى بدون تفكير كتير العربيه حتغلى اكتر عشان الزياده على ضريبة المبيعات التى سوف تبطق خل الشهور القادمه + الله اعلم سعر الدولار رايح على فين

الزيادة دى مقابل ايه ؟

انخفاض قيمة الجنيه مقابل اليورو والدولار وكل العملات

الى هيشترى بالاسعار دى دلوقتى هيزعل بعدين

ليه بالعكس وانا اسف وانا بقول كده ولكن الى مش حيشترى دلوقتى هو الى حيندم

زيادة منطقية و متوقعة لسببين.. أنخفاض قيمة الجنية + زيادة الطلب على العربية..
و مننساش أن العربية أصلاً كانت نازلة بسعر أقل من اللي الناس كانت متوقعاه..
بس السؤال هو, هل السعر بيزيد برضه على اللي كان حاجز بالسعر القديم و منتظر يستلم ؟!.. لو حصل كده يبقى قلة أحترام الحقيقة..

+111111111

[abdo7000]

اشتري الاسعار في زيادة مستمرة وربنا ييسر الحال

[MaaM]

اكبر غلط ، حركة قذرة بيعملوها تجار العربيات ، اشاعة ينشروها أو زيادة بسيطة في السعر عشان يخلوا الناس تشتري وبالتالي ينجحوا في قلب النتيجة المتوقعة لرخص السعر
فاكرين الازمة ؟ العربية كانت بتباع ببلاش في بلدها ، وهنا في مصر كانوا بيقولوا لا طبعا اشتروا دلوقتي لأن العربيات هاتغلى !!

[Z_ahmed salah]

معلش يا جماعة تعديل بس
الانجوى 162 الف
الكوزمو 176 الف
الهاتش باك 180 الف

[shadyelbakry]

انا رجعت افكر فى القشقاى والبيجو 508 بسبب زياده الاسعار دى
حاسس ان العربيه خرجت من الفئه بتاعتها

ما ممكن ازود حاجه بسيطه حتى واركب جيتا

علىالاقل شكلها اكبر شويه

وانا اتفاجئت ان حتى الكوزمو مفيهاش بلوتوث