حركات مستفزه جدا (موضوع مش تيكنيكال )

[ashourashour]

كل ما حد يركب جمبي العربيه يقعد يعمل حاجتين

1-يغير في و ضع الكرسي يرجعو ورا يطلعو قدام يرجع الضهر يطلع الضهر

(ناقص الفهولو في كيس ياخده معاه بيتو )

2-يلعب نص ساعه في هوايات التكييف

!!!!!

مش كدا يا جماعه الرحمه حلوه ولا اه ؟

مش عارف انا بس اللي بيستفزني الموضوع ولا انتو كمان

[vinosse]

عادى ياباشا يتحصل معايا بس اللى قاعد جمبك عايز يظبط قعدتة ----انت بس اللى خايف على العربية

[original]

تسدأ لما بركب عربية غير بتاعتى ومكنش سايق بعمل كده!!!

[MaaM]

ههههه
انا عكسك تماما
كل ما حد يركب معايا اسأله هو مرتاح كدا ولا يحب يرجع الكرسي شوية وعلى فكرة فيه بكرا جانبك لو عايز ترجع ضهرك لورا
ولو التكييف عالي ممكن تسد الهوايا
وأول ما الشمس تيجي ، نزل الشماسة لو مضايق
أصلي صعيدي بقى ههههههه

[haitham2011]

هههههههههههههههه
انا اللي بيضايقني لما اللي جنبي يسند معايا عالمسند اللي بين الكرسيين بروح هابده كتف قانوني و اقوله لامؤاخذه

[temeey]

هههههههههههههههه
انا اللي بيضايقني لما اللي جنبي يسند معايا عالمسند اللي بين الكرسيين بروح هابده كتف قانوني و اقوله لامؤاخذه

ههههههههههههههههههههه
صح ..... بتضايقنى جدا حكاية المخدع.

[Dr.kordy90]

سيبها لله ومتحبكهاش خد بالك العربيات دي جايه لرفاهيتنا وانها تتهان مش احنا اللي نتهان يعني هوه مثلا الشركه عملت الكراسي والهويات بتتحرك ليه عشان تلائم كل اللي بيقعد لان مش كل الناس نفس الطول ولا الحجم وبعدين دي شكليات مش هياثر عليها في حاجه وطالما بيحرك في حدود المسموح مفيش حاجه هتتاثر ان شاء الله والا بقي متركبش حد معاك هههههههههههه :d

[Hesham.H]

معلش يا عاشور خليها عليك بقى ... اللى بيركب عربيتك يبقى ضيفك وله واجب الضيافه وكمان الحاجات دى ماتزعلش الاوبل ... ماتقلقش
كل اللى بيتظلم من الحركان دى هو اللى بيركب ورا ههههههه

[mohamed zayed]

نسيت حاجة كمان يا باشا اللعب فى مفتاح زجاج الابواب
بس برضه هو ضيفك

[فادى محمد]

ولا اللي يلعب في الكاسيت والاكولايزر ...والحمد لله ماعنديش غير راديو

[nagy wassef]

انا الصراحة معاك لأن انا محسوك قوى على العربية و انا نفسى مش بعمل كده فيها يقوم واحد يجى يقعد ينخور فى كل حاجة!!!!
بس هى طباع كل واحد غير التانى انا بتضايق ممكن واحد تانى متفرقش معاه.
عامتا لو واحد صاحبى طول ماهو قاعد بيعمل كده بنكد عليه :) و مش بيعمل كده تانى لان النخورة و اللعب فى كل حاجة ده بيعصبنى قوى.
انا لما بركب مع حد تانى بستأذن قبل ما حتى افتح الشباك و ببقى قاعد فى حالى (ناقص اربع ايدى) عشان هو بيوصلنى فى سكته فا محطش احتمال واحد فى الميه انى ممكن اكون خانقه فى حاجة.
و انت ماتسكتش طالما حاجة بتضايقك فهمه بالزوق.
و لو بعد ما قلت له كررها.......و انت ماشى على 180 افتح الباب و ارفسه برجلك :) ههههههههههههه

[w-m-a]

طبيعى جدا يا باشا
وبعدين ده لمصلحتك
تخيل لو تخين او طويل ومش مرتاح فى الكرسى
واتمطع فى الكرسى هوب ضاع الكرسى
اكيد هو ضيفك اى كان استحمله

[mifs]

فعلا كما قال اغلب الزملاء الافاضل
اللي بيركب عربيتك ضيف عندك
واكرامه واجب شرعا
وحضرتك ابو الواجب كله

[Dr.M_baz]

عشان تريح دماغك خليهم يركبوا ورا وقلهم أصل الكرسي الأمامي مكسور.....
بس مش عارف هل ممكن يلعبو في الكنبه؟؟؟ هههه

[هيثم الدسوقى]

هههههههههههههههههه

والله حاجة تضحك فعلا انا بقى ما يجيبش نرفزتى غير لما حد يحط مثلا شنطته ولا ركبته على عصاية الغيار باحس والله انى هبطحه بحاجة