حد يلحقنى اخويا فرتك العربية

[elreedy]

السلام عليكم شباب,
الواد اخويا الله يخليه ليا فرتك العربية من كتر الحفاظ عليها مش عاوز اقولكم يعنى .
انا معايا كورسا 94 وسايبه ليه علشان انا مسافر برة . المهم انا راجع ان شاء الله فى خلال اسبوعين.
الباشا بيقولى عاوزه عافشة كاملة مساعدين قدام وطبلية كاملة ورا وعاوز يغير تابلوة بتاعها علشان متكسر معرفش ازاى وعاوز يرشها نظافة ويغير كل الجلد جوة سقف وارضيات وابوب وكراسى . وعاوز شوية كماليات سبويلر اية كدة مش عارف واعتاب وبصراحة انا مقدرش ازعلة ابدا وهاعملة الى هوة عاوزة واسيبها لية واسافر تانى ان شاء الله علشان كدة مش عاوز اغير .
على فكرة الحمد لله والله اكبر مفيش حادثة ولا حاجة :) هوة بس اهمال شديد او قلة معرفة حاجة كدة

عاوز الى يعرف الله يكرمكم اسعار الحاجات دى يقولى مع العلم ان انا راس البر يعنى اخرى المنصورة او بورسعيد ويقولى مين كويس علشان مش عاوز اتخم.

وتسلموا على سعه صدركم

[هيثم الدسوقى]

هقلك حاجة حلوة اوى

بالنسبة للمساعدين انا جبت للعربية مساعدين خلفى دايو استيراد الواحد عامل 90 او 70 جنيه من الحسينية ودا احسن لك كتير من الاوبل عشان اغلى اضعاف وهو نفس المستوى بس الدايو احسن عشان رفع العربية من المطبات

غير كدا كمان لو العربية بايظة اووووووووورى من بره رشها لكن هترشها يبقى العربية سعرها هينطفى عالارض خالص وكمان لونها هينطفى اوى

[AlGazar2]

انزل بورسعيد و هات كل الى انت عايزه استيراد من هناك بس اهم حاجة تبقى انت فاكه بايدك من على نصين بتوعها و التابلوه استيراد برضه

[ehabragab]

الله يعينك افضل انك تنزل بور سعيد وتجيب كل حاجات العربية من هناك

[elreedy]

الله يباركم فيكم يارب على سرعه الاجابة .
اخى الكريم هيثم الدسوقى . مساعدين خلفى ب 90 جنية !!!!!!! ازاى دة انا سمعت انهم اغلى من كدة بكتير اوى وكمان قالوا لى لو ركبت مستعمل هاتعد تغير كل شوية ياريت تأكدلى الكلام دة الله يكرمك.
اخى AlGazar2 انا معرفش حد فى بورسعيد انا مرة روحت هناك واضحك عليا انت لو تعرف انصحنى ولو من هناك قولى وكمان قولى رايك هل المنصورة افضل ولا بورسعيد .
تسلموا ياغاليييييييييييين

[هيثم الدسوقى]

الله يباركم فيكم يارب على سرعه الاجابة .
اخى الكريم هيثم الدسوقى . مساعدين خلفى ب 90 جنية !!!!!!! ازاى دة انا سمعت انهم اغلى من كدة بكتير اوى وكمان قالوا لى لو ركبت مستعمل هاتعد تغير كل شوية ياريت تأكدلى الكلام دة الله يكرمك.
اخى algazar2 انا معرفش حد فى بورسعيد انا مرة روحت هناك واضحك عليا انت لو تعرف انصحنى ولو من هناك قولى وكمان قولى رايك هل المنصورة افضل ولا بورسعيد .
تسلموا ياغاليييييييييييين

المساعدين الاوبل يجيبوا 200 جنيه . انا مركب الامامى زيت وهواء جداد ب660 جنيه لكن الخلفى مغيرهم استعمال وزيت بس دايو وهو نفس الاوبل بس بيخليك تعرف ترفع العربية مرتاح اوى والواحد والله جايبه ب90 جنيه بس وشغال معايا ولله الحمد زى الفل .

اسأل اى حد هيقولك حاجات الاوبل شبه الدايو اوى والدايو ارخص يعنى شوف واسأل ومش تستعجل واسأل صنايعى انت ضامنه عشان ما يخمكش

[33yassin]

مساعدين الدايو مش هتستحمل تقل الاوبل