مكان فيش الاوكتان فى الكورسا 94

[هيثم الدسوقى]

السلام عليكم


انا عرفت مكان فيشة الاوكتان فى الكورسا بس للاسف مفيهاش غير وشين واحد 91 والتانى 95
حاجة بجد تقهر عشان انا ميزانيتى ما تسمحش غير بال 80

انا قولت اوريكم مكانها عشان اللى حابب يتعامل معاها وياريت اللى فاهم فى موضوع فيشة الاوكتان دى يشرحها ويقولنا ممكن نتعامل معاها ازاى

[haitham2011]

بص يا عمنا
المواتير الاوروبي بتبقي 91/95 انا عربيتي كده برده و سايبها عال 91 و موطي الكهربا سينه صغيره من الاسبراتير ( معنديش حساس كرنك فالاسبراتير عندي متحرك و اظن انت كده ) معلش الصوره مش ظاهره عندي
و احمد ربنا عربيه واحد صاحبي استرا f جنب 95 و التاني 98 و ممشيها 92

[هيثم الدسوقى]

يا كبير ماهو انا ممشيها 80 اصلا عشان الميزانية ما تتخربش منى .ههههههههههههه

بس انا عاوز اعرف منك انت بتوطى الكهربة منين وبتوطيها ازاى ولا انت بتخلي الكهربائى يعملها

العربية عندى بتكركر فى بداية التانى وفى بداية التالت الا لو قرصت على التانى

[haitham2011]

يا كبير ماهو انا ممشيها 80 اصلا عشان الميزانية ما تتخربش منى .ههههههههههههه

بس انا عاوز اعرف منك انت بتوطى الكهربة منين وبتوطيها ازاى ولا انت بتخلي الكهربائى يعملها

العربية عندى بتكركر فى بداية التانى وفى بداية التالت الا لو قرصت على التانى

الصوره اللي انت رافعها مش باينه عندي فلو موتورك نفس اللي في الصوره ده هتلاقي تحت الاسبراتير صاموله 13 هتهويها شويه و تلف الاسبراتيرملي في ملي لو محتاجه تاني مع عقارب الساعه بتزود كهربا و عكس العقارب بتوطي الكهربا و لما تخلص اربط الصاموله و جرب العربيه لسه بتكركر - بتسقف - يبقي ممكن توطي تاني و لو اتخنقت و اتكتمت لازم تعليها شويه علشان متسخنش و متاكولش بنزين

http://nileup.com/up/uploads/nilemotors_13578958791.jpg

[هيثم الدسوقى]

هى كدا بالظبط زى دى يا ريس

[haitham2011]

تمام يبقي زي مقولتلك بالضبط و تحريك الاسبراتير بيبقي بالمللي

[هيثم الدسوقى]

شكرا يا اخى الفاضل

هعملها مع تغيير البوجيهات زى ما انت شرحتها كدا

[haitham2011]

بالتوفيق ان شاء الله و ده اللي انا عامله علشان اتعامل مع ال 80

[هيثم الدسوقى]

ماهو ال80 تعبان اوى بس مالناش غيره عشان الميزانية ما تهربش مننا

[amr fahmy 06]

ياجماعة سامحونى بس اقولكم حراااااااااااااااااااام انتو كده بتهينو الاوبل
انا عمرى ماحطيت 80 ده نهااااااااااااااائى
ممكن ياباشا تبيع وتجيب عربية كربراتير عادية واهى تبقى كلها اد الميزانية
صدقنى الاوبل بالذات ان صنتها صانتك وان هنتها بردو صانتك لن لوقت معين

[هيثم الدسوقى]

والله يا ريس قلت زى ما انت قلت كدا بس العربية جامدة جدا وحالتها ممتازة وتلاقى اللى يقولك 28 الف وبتاع

انا عاوز ابيعها واجيب لانسر كريستالة احسن لى كتير بس ما ادفعش فرق كتير

[haitham2011]

ياجماعة سامحونى بس اقولكم حراااااااااااااااااااام انتو كده بتهينو الاوبل
انا عمرى ماحطيت 80 ده نهااااااااااااااائى
ممكن ياباشا تبيع وتجيب عربية كربراتير عادية واهى تبقى كلها اد الميزانية
صدقنى الاوبل بالذات ان صنتها صانتك وان هنتها بردو صانتك لن لوقت معين

اهم حاجه نقاء البنزين - ممكن تحط 92 مغشوش يكرهك في العربيه - و طالما مبتقرصش عالعربيه يبقي مفيش ضرر باذنك يا رب