رايح اشترى عربيه استرا محتاج خبرتكم

[Mina Max]

السلام عليكم
بدور على عربيه تكون كويسه

واخيرا وصلت الى اوبل استرا 2005
فبريكة جوه
العدادا فوق ال 150 الف
رشه بره الصلون حالته من الصور 90 %

ممكن من اهل الخبر
عاوز اعرف بس العربيه ثمنها كام
انا شوفت اسعار غريبه على النت كل واحد كاتب براحتة
مرة 39 الف ومره 40 ومرة 45 ومره 55 ومره 65 وكمان 70
الى غيظنى انهم في نفس الامكانيات ونفس الحاله

ممكن حد يقولى السعر الكويس ليها ؟
واهم الحجات الى اركز عليها وانا بشوف العربيه قبل الشراء؟
وعيوبها ايه ؟

وانا اسف انى هتعبكم بس اكيد انا فخور انى انضمت لجروب اوبل معاكم

[egyption2012]

الاسعار الموجودة على الانترنت مثل موقع كونتاكت كارز
أحيانا تكون اسعار غير حقيقية
على سبيل المثال : شخص يريد شراء سيارة منك بسعر غير مناسب للسيارة فيدخل لموقع كونتاكت كارز ويضع اكثر من اعلان باسعار متدنية للغاية .. وحينما يعرض عليك سعر أخر تفرح جدا وتبادر ببيع السيارة له بالرغم من كون السعر المطروح عليك قليل جدا

اسعار الاسترا 2005 اوتوماتيك .. تبدأ من 58 حتى 63
وقد تفرض السيارة وحالتها اسعار اخرى عن هذه .. فمثلا لو السيارة فابريقة من الداخل والخارج وحالة صالونها جيد للغاية فمن الطبيعي ان يزيد سعرها عن 63 الف

سيارتك التي ذكرتها قد يصل سعرها الى 60 الف
بس المهم تكشف عليها كمبيوتر وده اهم نقطة

[Mina Max]

ممكن تفدنى اكشف عليها كمبيوتر فين ومع العلم انى رايح اشوفها فى مصر الجديده وهل المكان الى هكشف فيه هو الى هيقولى عيوبها خطيرة ولا لا وانا الى بحدد

[Mostafa.Ismail]

اللى ممكن انصحك بية:

1- كشف كمبيوتر شامل كل حاجة, ودة ممكن تعملة فى مقار.
2- البارومة ثم البارومة ثم البارومة.

[caboo_1]

فى العربية ديه بزات (فى بارومة فى السقف ناحية الازاز الخلفى فلو لقتها متخفش)
طبعا كشف كمبيوتر
اما الحاجات اللى تخلى بالك منها اوعى عشان بتصرف مش هتعرف تجيب منها غير جديد
اكصدام امامى وخلفى وفوانيس امامى وخلفى وفوجان غطاء الكبوت بالشبكة وغطاء الشنطة
لازم تكون العربية حالتها من جوة كويسة(فرش وتابلوه وفرش ابواب ومكن ازاز وابواب عشان الحاجات ديه غالية جداا فى العربية)

طبعا حالة الماتور هيحددهالك مقار وعفشة وتكون عاملة كيلو متر قليل بالنسبه للموديل
العربية اسمها الشائع فى السوق ( الاسترا البرازيلى )

بالتوفيق

على فكرة معايا نفس العربية واى حاجة انا فى الخدمة

[Mina Max]

ياريت حد يقولى اكشف عليها كمبيوتر فين بس يكون مكان امين وقريب من ميدان الجامع مصر الجديده

[medo111]

كلم منصور واسالهم اقرب مركز صيانه ليهم فين من مكانك زي ما انا عملت قبل كدا وهما كشفهم حلو وعرفهم انك بتكشف

عشان تشتري هيطلعولك كل حاجه

الحاجات الي تاخد بالك منها *:

-الفاونيس الاماميه شوف الحاجات الفبر الي ماسكاها سليمه ولا مش سليمه لو مش سليمه نزل من تمن العربييه

-ركز في الفروقات بين الابواب بين الجمب اليمين والشمال لو مش مظبوطه يبقي هي كانت واخده خبطه وافتح الكبوت

وقلب فيها كويس وقارن كل جمب بالتاني

-وشغل التكيف وامشي وانت مشغلو وشوف اداء العربيه عامله ايه بيه وبيسقع ولا لا وشغال اصلا ولا مش شغال لو

مش شغال وقالك حاجه بسيطه اتفق معاه انك تاخدها منو شغال يا تنزل في السعر

-وجرب الفتيس طبعا ويا ريت لو علي السرعات عشان هو لو فيه حاجه بيبان علي السرعات العاليه اكتر وشغل زرار

الاسبيد الي في الفتيس وانت ماشي شغال ولا مش شغال

وحاجه ليك انت الدركسيون بتاع العربيه دي مش بينزل ويطلع بس لا تلسكوبي كمان يعني بيقرب ويبعد واغلب الناس

متعرفش الحوار دا وموفق ان شاء الله

[fagban]

اللى ممكن انصحك بية:

1- كشف كمبيوتر شامل كل حاجة, ودة ممكن تعملة فى مقار.
2- البارومة ثم البارومة ثم البارومة.

موضوع جامد وفى وقته
بس ممكن اعرف ايه مقار ده علشان انا خبرتى فى الاوبل زيرو
ولو مركز صيانه ياريت رقمه او رقم اى مركز ينفع نكشف عنده

[Astra Lover]

وحاجه ليك انت الدركسيون بتاع العربيه دي مش بينزل ويطلع بس لا تلسكوبي كمان يعني بيقرب ويبعد واغلب الناس

متعرفش الحوار دا وموفق ان شاء الله

ميدو انت متاكد ان الاوبشن ده موجود فى كل الموديلات خصوصا 2005 ؟

[medo111]

انا 2004 مش هيبقي موجود في 2005 جرب بس وقولي

[Mostafa.Ismail]

لا موجود فى ال 2004.

[egyption2012]

وحاجه ليك انت الدركسيون بتاع العربيه دي مش بينزل ويطلع بس لا تلسكوبي كمان يعني بيقرب ويبعد واغلب الناس

متعرفش الحوار دا وموفق ان شاء الله

انا روحت جربت الدركسيون وطلع كلامك صحيح

[medo111]

انا روحت جربت الدركسيون وطلع كلامك صحيح

مش قلتلك ناس كتير متعرفش انا اكتشفتها بالصدفه

[wael elsayed]

انا معروض عليا عربيه 2004 1600 cc
مثبت سرعه اتومتك وحلتها كويسا مشيا 92000
انا اول مره اركب اوبل العربيه كويسا وله ايه واستهلكها لى البنزين عامل ايه ارجو الاهتمام يا شباب
تمن العربيه 55الف

[caboo_1]

انا معروض عليا عربيه 2004 1600 cc
مثبت سرعه اتومتك وحلتها كويسا مشيا 92000
انا اول مره اركب اوبل العربيه كويسا وله ايه واستهلكها لى البنزين عامل ايه ارجو الاهتمام يا شباب
تمن العربيه 55الف

كويسة هو ده ثمنها ..... هى طبعا اوتوماتك ماتور ايكو تك
اكشف عليها عند مقار واهم حاجة تتأكد من الحاجات المكتوبة فى اول المشاركة عشان الحاجات ديه بتفرق