غطا تانك البنزين اتكسر-كورسا سي

[ahesmat]

سلامو عليكم يا رجالة ، من فضلكم انا لقيت غطا تانك البنزين مكسور النهاردة، لصمته بسلوتيب لحد ما أشوفله حل. كلمت مقار في التليفون سألت عليه قالوا مش موجود...حد يعرف ممكن أجيبه منين؟ و هل لو وديت اللي معايا دلوقتي لواحد بتاع فيبر ممكن يلحمهولي؟
سؤال تاني معلش ، بالنسبة لمكنة غطا التانك بتاعات السنتر ، أنا عندي بايظة و برضه مش لاقيها في التوكيل، حد يعرف بتتباع فين؟ و فيه حد بتاع إستيراد ، يفضل لو في اسكندرية بس لو في القاهرة أنا دايس برضه.
شكراً جزيلاً يا رجالة و أسف للأطالةز

[Land_Cruiser]

للاسف موضوع كسر غطاء تنك البنزين ده بدا ينتشر و متوقع انه يزيد جامد بعد لما البنزين يبقى بكوبونات و الهدف هو طبعا سرقه البنزين من العربيه. بالنسبه لغطاء التنك حاول حضرتك تدور عليه استيراد و لو كان لون عربيتك منتشر ممكن تلاقي واحد جاهز مدهون فلا تضطر لرشه

[ahesmat]

إيه يا رجالة ، ما حدش ناوي يعبرني ولا إيه؟ :)

[ahesmat]

هو الموضوع للدرجة دي تافه؟!!!!

[ahesmat]

واضح فعلاً ان الموضوع تافه قوي :(

[M.Osama]

بص حضرتك انا اتكسر الغطا بتاعي برده كنت فاتحه وبمون وخبطت فيه كسرته

الموضوع بسيط ومش محتاج انك تغيره ولا حاجه لانه مش هيقل عن 100 جنيه ف اعتقادي

هتفك الجزء الي باقي ف الغطا من مكانه ف جسم العربيه وتلحمه ف الجزء الاخر باستخدام (أمير) + فلتر سجاير او طفي سجاير لو حضرتك بتدخن

حط الفلتر علي المكان الي فيه الكسر بالظبط ونزل عليه الامير هتلاقيه عمل ماده زي الفيبر بالظبط ومش بتتكسر ابدا

جرب وادعيلي