استفسار عن قاعدة الموتور

[هيثم الدسوقى]

السلام عليكم

ياريت حد يوضحلنا ايه قاعدة الموتور دى وشكلها ايه وايه المادة اللى مستخدمة فى صناعتها ؟؟

وياترى هي بتكون غالية ولا رخيصة ونعرف ازاى انها تالفة و ايه اسباب التلف فيها ؟

وياريت يكون فى صورة ليها إذا امكن عشان الواحد يقدر يلم بالمعرفة فى الجزئية دى

وجزاكم الله خيرا

[AlGazar2]

قاعده الماتور بتبقى جزء حديد الى مربوط فى شاسيه العربية مدموج بيه جزء كاوتش الى مربوط فى الماتور
غاليه ولا رخيصه على حسب نوع العربية و حجم القاعده نفسها
اعراض التلف انها تبقى ناشفه فتبقى حاسس باهتزازات الماتور جوه العربيه او تبقى مقطوعه الماتور هيتحرك فى الحوض و يعمل احلى زفه تخبيط حديد * حديد
اسباب التلف لان ده كاوتش فليه عمر افتراضى من 5-7 سنين كملت عندى فى النوبيرا 10 سنين اهى و نشفت من الحرارة بتاعه الماتور :) او لو الماتور مش مظبوط فبيتهز جامد لمده كبيره القاعده بتتقطع

معنديش صوره ليها للاسف

[hesham ahmed]

انا لسه مغير قاعده موتور ل كورسا سيدان
موتور الكورسا متثبت علي قعدتين و شدادين علي ما اتذكر
القاعدتين هتلاقي واحده جنب سير الكاتينه و واحده جنب الفتيس ... و علامات تلفهم انهم يكونوا هبطوا و نشوفوا و عشان الميكانيكي يعرف لازم يفكهم
الشدادين دول موجودين تحت الموتور في نص العربيه .....بيبانوا لما ترفع العربيه و تفك المصفحه.... الاتنين ركبين في بعض ....الواحد عباره عن حديده اخرها دايره جواها جلد .... و علامات تلافهم تلاقي الجلد دا اتقطع
و لتغيرهم مش محتاج تفك الموتور .. هو ترفع العربيه بس
... انا كنت غيرت الشداد دا .... ان شاء الله افتكر بكره اصورلك القديم ,,, الجلد بتاعه مشقق جدا و لما بضغط عليه بلاقيه مقطوع
...
اصلا تبدا تفكر ان في مشكله في القواعد ... لو لقيت في رعشه في العربيه ...
و عشان تكشف عليهم ... في طريقتين
1)تدور العربيه و تشد فرامل اليد و تعشق و تطلع... طبعا العربيه مش هتتحرك ... لو الموتور اتحرك جامد يبقي في مشكله في القواعد
2)من غير ما تدور العربيه ... تعشق الاول و تزق العربيه .. لو الموتور اتحرك يبقي في مشكله في القواعد

[hesham ahmed]

انا جبت القاعده من عند وطنيه ب 175
و كان عنده واحده مصري ب 150

[هيثم الدسوقى]

شكرا ليكم يا اخوانى الافاضل

بس طبعا عشان يتغيروا لازم الموتور يترفع

hesham ahmed انت كنت مغير القواعد كلها وكانت الواحدة بكام عشان اكيد الاوبل كورسا 94 هتكون أرخص ان شاء الله

[hesham ahmed]

انا مغير الشداد بس اللي تحت

[هيثم الدسوقى]

الواحدة ب150 ؟؟؟

[Eng.Peter]

بصراحة الأخوة قالوا المعلومات كلها و زيادة