سؤال للأخوه المحلاويه

[mido888]

أولا كل عام والجميع بخير بمناسبة المولد النبوى الشريف
ثانيا أنا كنت عاوز أعرف ايه رأيكم فى محمود بتاع العفشه اللى عند موقف الزراعه
ولو فيه حد أفتك منه ياريت عنوانه
وياريت عنوان أحسن واحد ضبط زوايا وهل بيضبط الزوايا بالكمبيوتر ولا لأ

[هيثم الدسوقى]

ما اعرفش محمود بتاع الزراعة دا بس انت هتركب فيها ايه فى العفشة انا عن نفسى بعملها عند عمر عامر اللى عند مجمع المحاكم , ولو عاوز بتاع ظبط زوايا كمبيوتر فعلك وعلى اللى عالمشحمة اللى جنب محلج القطن .

[mido888]

ما اعرفش محمود بتاع الزراعة دا بس انت هتركب فيها ايه فى العفشة انا عن نفسى بعملها عند عمر عامر اللى عند مجمع المحاكم , ولو عاوز بتاع ظبط زوايا كمبيوتر فعلك وعلى اللى عالمشحمة اللى جنب محلج القطن .

أولا ألف شكر يا هيثم باشا على اهتمامك ورد حضرتك
ثانيا أنا ناوى أفك العفشه ونرجع نرتبها تانى ولو فيها جلد أو حاجه عاوزه تتغير نغيرها بس كده
وبعد كده أضبط زاويا لأنى روحت لواحد فى المنصوره قولتله العربيه بتاخد سنه شمال بسيطه بعد ماخلص حسيت ان طارة الدريكسيون بقت خفيفه خالص وحسيت ان كسرة الدريكسيون بقت مختلفه عن الاول تحس أن عشان تكسر يمين أو شمال لازم تلف الطاره أكتر من الأول وبقى فيه زى دردره وخربطه فى الطرق الغير ممهده

[هيثم الدسوقى]

والله يا باشا عمر دا الحقيقة ظبطلى العفشة تمام جدا وماشاء الله عليه امين جدا فى شغله ومش بيغير حاجة غير لما تجيب اخرها وبيجرى معايا عند المحلات عشان نجيب قطع الغيار وخصوصا لو استيراد عشان يبقى ضامنها . وكل مرة باروح له من نفسه طبعا لازم يفحص العفشة كاملة .

بتاع المشحمة بقى دا احسن ناس بتوع تصليح كاوتشات و واحد فيهم بتاع ظبط زوايا كنت ظابط زوايا العجل عنده بعد تغيير الكاوتش والصراحة من ساعتها الظبطة عشرة على عشرة عليك وروح له

سواء العفشجى او بتاع ظبط الزوايا اسعارهم مهاودة عن اى حد تانى فى المحلة وشغلهم جميل جدا .