اوبل فى حدود 60 الف

[iso_loma]

ازيكو يا جماعه انا كان معايا جولف 4 موديل 2000 وبعتها عشان قطع غيارها وبسمع ان الاوبل عربيه كويسه بس فى موديلات فيها عيوب فكنت عايز اسأل ايه احسن حاجه اوبل ممكن اركبها بسعر 60 الف ويكون قطع غيارها مش غاليه اوى و متكنش موديل قديم و كنت بفكر فى الكورسا 2005 بس الناس قلتلى بلاش فياريت لو فيه حاجه احسن

[Amrgamal1]

opel vectra b2 cdx 2002 , 2003
( CDX )
بس ممكن تعدي ال 60

[zizo50001]

بص السعر اللى معاك دة يجيب واحدة 1600 مانيوال و الاتوماتيك
ويجيب 2000 برضة cd
بس ميجيبش خالص cdx
المهم 2000 و 1600 الاتوماتيك اهم حاجة تجيبهم الحالة تكون نظيفة جدا علشان متتعبش مع العربية دى وتكرها
1600 المانيوال عربية ممتازة جدا ملهاش اعطال تقريبا غير فى حدة abs ودى اللى بتبوظ و بيتصلح ب 400 جنية او تغيرها بواحدة استيراد الاوربى و دى اكبر وبتتعدل وبتركب ومش بتبوظ تانى خالص بس بعد كدة مفيش اى عيب فيها

1600 و 2000 عيبها الحساسات الكتير يعنى من الاخر تجيبها من واحد نظيف مش من واحد مش بيصرف عليها او مهمل علشان متتعبكش

عيب 2000 دلوقتى هى موضوع الدعم على البزنين

اهم حاجة فى الاوبل تجيب الحالة علشان متتعبش وتجيبها التكيف شغال

[zizo50001]

و ممكن يجيب استرا 2005
او كورسا 2005 بس الكورسا هتيبقى اقل من كدة

[halimo]

الناس ردت وماليش تعقيب على كلامهم لانة وافى لكن انا عايز اتكلم فى نقطة تانية
انت نازل من جولف4 يعنى عربية بتجرى وتشد يبقى لو حتركب اوبل تركب الماتور الايكوتيك 101 حصان مش الماتور الاسود75 حصان ودة حيعمل فى حدود 65000ج الى 70000ج

[Amrgamal1]

الناس ردت وماليش تعقيب على كلامهم لانة وافى لكن انا عايز اتكلم فى نقطة تانية
انت نازل من جولف4 يعنى عربية بتجرى وتشد يبقى لو حتركب اوبل تركب الماتور الايكوتيك 101 حصان مش الماتور الاسود75 حصان ودة حيعمل فى حدود 65000ج الى 70000ج

الموتور ال 2000 ايكوتيك = 137 حصان

[halimo]

الموتور ال 2000 ايكوتيك = 137 حصان

ممكن بردة ال 2000cc بس بنزين ال 1600cc قريب من بنزين الجولف4
ولو مايفرق معاك البنزين يبقى ال 2000cc ايكوتك.