إعـــــــلان

Collapse

.

,
See more
See less

فوضت امرى لله

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    فوضت امرى لله

    طبعا فاكرين كنت من كام يوم بكلمكم عن موضوع البطارية اللى فجأة اعلنت عصيانها وانى شلت القطاش بليل وحطيتهم الصبح ودورت العربية دارت ففرحت وقلت كده الحمد لله مش بطارية

    المهم عشان اتاكد من مصدر تانى واحد صاحبى كان قالى قبل كده على واحد فى الحى السابع بمدينة نصر فى مربع الورش اسمه رضا الكهربائى وقعد يمدح فيه كتير وقالى ده عبقرى فقلت خلاص وانا راجع من الشغل ابقى انزل على السابع واعدى عليه يكشف عليها ..
    عديت عليه راجل قصير كده وشكله دؤرم حكيتله الحكاية جاب الجهاز وقيس يا عم وهوب قالى يا بيه دى البطارية انساها خلاص شكرا يا عم كام 5 جنيه كشف

    انهاردة بقى بعد الصلاة ركبت وبدور ولا حس ولا خبر رحت لواحد بتاع بطاريات جنبى وده اللى كنت جبت منه البطارية اللى باظت دى .. ابعت يا عم الصبى معايات ببطارية عشان اقوم المرحومة اللى عندى .. جه الصبى وصلنا ودارت ورحت احاسبه كام يا عم 5 جنيه واديت الواد هو كمان 5 جنيه لانه شال البطارية مسافة ..

    قلت خلاص انجز واشترى وامرى لله .. كان عندى اختيارين اجيب فارتا والا انرجايزر .. رحت المعادى للراجل اللى اصحابى دلونى عليه .. انهى احسن يا عم قالى بص مش هضلك الاتننين واحد وكلهم صناعة اوربى والفارتا مش المانى هى اوروبى زى انرجايزر لكنها اقل منه 130 جنيه .. خلاص عالبركة ركب .. كام يا عم 500 جنيه بالقديمة عشان خاطرك ودفعتهم بالفيزا .. و10 جنيه للى ركبها وشكرا مع السلامة ..

    وانا راجع ومعايا صاحبى قالى ماتيجى نبص على العدادات عند رضا فى السابع لان عداد الكيلو متر والار بى ام فاصلين قلتله مش عايز العب فيهم عند حد مش بتاع اوبل قالى لالا ده عفريت بس تعالى ..

    ماشى

    رحنا يا عم رضا انا غيرت البطارية شوفلى بقى العدادات .. نده يا هانى تعالى شوف العدادات للبيه .. جه عم هانى راخر وبدأ . فتح علبة الفيوزات تحت الدركسيون وجرب كل الفيوزات مفيهاش مشكلة .. طلع البوردة اللى فى علبة سودة جوة علبة الفيوزات وفتحها وطلع البوردة لقى فيها مسار صغير ضارب تقريبا .. ياباشا هنديها لبتاع الكاسيت يعملها كوبرى .. اتفضل .. وبعدين لازم نغير كتاوت هاتلنا كتاوت صغير رحت جبته صينى طبا اللى لاقيته ب 20 جنيه .. ركب يا عم البوردة والعلبة ودور العدادات زى ما هى حاول كتير مفيش فايدة .. يا باشا كده احنا عملنا البوردة والحل تروح لليثى او كوستا فى الحرفيين دول بتوع عدادات .. يخرب بيتك ليه امال انا عملت ايه هنا .. احنا عملنا كوبرى .. كام يا عم 10 جنيه .. و5 لعم هانى .. رحت ركبت العربية .. نور الصالون منور مش بيطفى .. افتح الباب واقفله منور بردو .. يا عم هانى تعالى شوف ايه الحكاية .. فتح تانى العلبة طلع البوردة كحت الكوبرى .. يعنى بوظ اللى عمله .. وركب تانى .. لسة منور .. ياباشا البوردة دى بايظة ومهيسة هنجيب واحدة تانية نجرب عليه ..يابنى ماهى كانت شغالة .. شغالة بس مهيسة .. طب هات ونجرب ونحكم .. بعد ساعة بحث .. ملقيناش يا باشا روح اشترى واحدة من عند محمد قشطة فى السابع .. هنا بقى انا فرقعت .. نععععععععم بتقول ايه اروح اشترى ايه .. وفتحت صوتى عليهم .. انا جاى اصلح عداد تدخلنى فى بوردة انت اللى صلحتها وانت اللى بوظتها وانت اللى العيب ظهر من شغلك .... لا احنا ملناش دعوة احنا فكيناها وبعتناها تتصلح روح بقى لبتاع الكاسيت اتكلم معاه .. وانا مالى انتوا اللى تعرفوه ودى مسؤليتكم انا بصلح عندكم مش عنده .. لا احنا بنفك ونركب بس .. قلتلهم لا بقى مش ماشى روح لبتاع الكاسيت خليه يرجعها زى الاول حتى امشى بيها زى ما جيت خدها وراح ورحت وراه .. لقيناه مشى .. بص يا باشا والله ملناش ذنب هى باظت وهيست هنعمل ايه انا مقدرش اتحملها شوف الاسطى بقى اتكلم معاه هو انا تعبان .. المهم بقى اضيناها زعيق انا ورضا ده وانا اصلا كنت تعبان واخدت المطر على دماغى ومش قادر فوقفت افكر انا ليا قرايب كتير فى السابع وتجار كلهم وعزوة يعنى وعلى بعد خطوتين منه .. وانا هفرقع .. طب اكلمهم واكلم الحاج يجيلى من سوق العبور بالليلة كلها من هناك واقلبها ضلمة بقى على الكل هتبقى مدبحة مع بتوع الورش وهتكبر ومش هتخلص الا بدم .. طب اعمل ايه .. صاحبى اتشعلق فى كتفى .. بيهدينى لانه عارف انى تعبان وانا عمال ازعق ..
    وفى الاخر فى نص المكان قلتله بينى وبينكم ربنا وحسبى الله ونعم الوكيل انتوا ضميركم ميت وربنا مش هيسيبكم حسبى الله ونعم الوكيل ..

    ومشيت وانا دمى محروق ..

    طبعا فصلت لمبة الصالون عشان متنيمش البطارية ..

    بركن تحت البيت لقيت الانذار معلق .. الديد لوك مش شغال .. يعنى صرفت فلوس عبط وكمان راجع بيها مش مظبوطة


    دلوقتى بقى ايه رايكم .. انا سهل جدا اجيب اسمه كامل وبطاقته وعنوانه .. واخليه بالقانون يندم على اليوم اللى امه خلفته فيه واخليه يبيع عفش بيته بالورشة باللى شغالين فيها عشان يكفى المحامين ..
    واخليه يفتح ابونيه فى تنفيذ الاحكام .. لولا والله الواحد بيخاف ربنا وبيخاف الظلم ..

    انا طبعا هروح للكهربائى بتاعى وهخليه يشوف بقى العك ده ونجرب فى بوردة تانية ونعرف ..


    معلش طولت عليكم بس كنت محتاج افضفض واخرج الغيظ اللى جوايا ومعلش الواحد مش بيتعلم ببلاش ..
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]
    الكلمات الدلالية (Tags): امرى, فوضت, لله
  • #2
    صدقني بجد والله متعكنن على نفسك مش ناقصه خالص .

    انت اخرك خسرت فلوس !! فستين داهيه .. دم اه بس هيا ناقصه دم .. انا معاك تتخذ اجراءات قانونيه لو انت فاضي بقى

    و معلش انت في جزء من الغلط عليك انك راكب اوبل اللي لازم حد فاهم فيها يشتغل فيها ورايح لواحد متعرفوش
    احمد عاشور
    [SIGPIC][/SIGPIC]
    لا تنسونا من صالح دعائكم

    Comment

    • #3
      المشاركة الأصلية كتبت بواسطة ashourashour مشاهدة المشاركة
      صدقني بجد والله متعكنن على نفسك مش ناقصه خالص .

      انت اخرك خسرت فلوس !! فستين داهيه .. دم اه بس هيا ناقصه دم .. انا معاك تتخذ اجراءات قانونيه لو انت فاضي بقى

      و معلش انت في جزء من الغلط عليك انك راكب اوبل اللي لازم حد فاهم فيها يشتغل فيها ورايح لواحد متعرفوش

      انت فعلا حطيت ايدك على المشكلة واللى خليتنى احط جزمة قديمة فى بقى وامشى وهى انى انا بردو غلطان لانى قبل كده لما اتقرصت قلت مش هعتب غير عند بتوع الاوبل وكمان اللى فاهمين من كتر ما الواحد اتعور زمان من المتخلفين الفتايين ..

      انت عارف العند ورث ايه .. لو العند ركبنى والله هفضاله مخصوص ومش هغلب فى حاجة انا هجرى وراه 50 محامى من زمايلى كل واحد منهم يرميله جنحة مباشرة فى محكمة شكل بتوكيل قديم من اسوان لاسكندرية واخليه كل يوم يعمل معارضة ولما يجى يخرج تانى يوم ياخد اللى بعدها .. والخوازيق عندنا مفيش اكتر منها
      لكن تانى ارجع واقولك والله لولا دعوة مظلوم مفيش بينها وبين الله حجاب وضميرى اللى عارف انه مش هيهنينى يوم بعدها مكنتش سيبته .. انا بس مفروس ومتغاظ .. وكمان الاخبار المنيلة اللى الواحد عمال يسمعها طول اليوم حارقة دمى بزيادة

      المشكلة مش فى اللى بوظوه بس المشكلة فى الطريقة والمعاملة الزفت والاسلوب المهين كانه بيقولك ده اللى عندى واخبط راسك فى اجدع حيطة


      لكن تانى هرجع واقول انت عندك حق انا اتحمل الجزء الاكبر من الغلط لانى عارف ان مش اى حد يلعب فى العربية وانا اللى رحتله برجلى ..
      (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

      Comment

      • #4
        معلش هدي نفسك وإن شاء الله تبقي بسيطه انا مقدر زعلك بس خلاص مش في ايديك حاجه بكره أنزل للكهربائي بتاعك ومعدتش تروح لحد غير متخصص في أوبل
        [B]د/محــمد الـــدالي[/B]
        [B][SIZE="5"]انا عربيتي فـيكـتـرا C [/SIZE][/B]
        [img2]http://images04.olx-st.com/ui/13/03/86/f_179499786-99929990.jpeg[/img2]

        Comment

        • #5
          المشاركة الأصلية كتبت بواسطة dr-daly مشاهدة المشاركة
          معلش هدي نفسك وإن شاء الله تبقي بسيطه انا مقدر زعلك بس خلاص مش في ايديك حاجه بكره أنزل للكهربائي بتاعك ومعدتش تروح لحد غير متخصص في أوبل

          ربنا يخليك يا باشا والله الكلام ده بيريحنى شوية
          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

          Comment

          • #6
            يا باشا والله انا باعمل زيك كدا وبيركبنى ميت عفريت بس لما العربية بتتصلح بقول لنفسى فداها الفلوس وتغور فى داهية واهى كلها رزق ربنا بيروح وييجى ومالكش فيها دخل . وربنا يسهالهالك فى الباقى ان شاء الله .

            وعامة انت مش هتاخد وحق ولاباطل معاه عشان مستواك مش هتعرف تنزله لمستواه غير لو كان الواحد بقى شرشوح وبلطجى ودا هم بيبقوا عارفين انك مش كدا فبيقلوا ادبهم وربك يحاسبهم بقى

            احتسب الفلوس عند ربنا واهى كلها فى الاول وفى الاخر جاية رزق من عند ربنا و مين عالم ممكن كان الحوار بتاعك دا ما يحصلش وتلاقى الفلوس تروح منك فى حاجة تانية ولا تضيع منك .
            [CENTER][mtmoeg]https://fbcdn-sphotos-f-a.akamaihd.net/hphotos-ak-ash3/s480x480/580671_416225885126720_1277934399_n.jpg[/mtmoeg][/CENTER]

            Comment

            • #7
              قدر الله و ما شاء فعل عسى ان تكرهوا شيئا وهو خير لكم أكيد ربنا فداك من حاجه أكبر بس قول الحمد لله على كل شئ على فكره أنا عارف عم رضا من زمان بس مع ذلك مبرحلهوش الا فى حاجات بسيطه زى تغيير لمبه الخ بس يا باشا ولا تزعل نفسك

              Comment

              • #8
                معلشى هما الصنايعية بتوع التصليح كلهم كدة,,,,
                بالنسبة للديد لوك جرب تبرمجة بانك تحط المتاح فى الكونتاكت وتدوس على القفل اللى فى المفتاح هتلاقى السنتر قفل وفتح تانى وكدة تبقى برمجتة انا بتحصل معايا لما اشيل كابل البطارية
                [glow=#bd2f2f]اللهم لك الحمد كما ينبغى لجلال وجهك وعظيم سلطانك[/glow]

                Comment

                • #9
                  المشاركة الأصلية كتبت بواسطة wama00 مشاهدة المشاركة
                  معلشى هما الصنايعية بتوع التصليح كلهم كدة,,,,
                  بالنسبة للديد لوك جرب تبرمجة بانك تحط المتاح فى الكونتاكت وتدوس على القفل اللى فى المفتاح هتلاقى السنتر قفل وفتح تانى وكدة تبقى برمجتة انا بتحصل معايا لما اشيل كابل البطارية
                  احتسبه عند الله وربنا مبيسبش حق حد المشكله في الصنايعيه انه مبيعرفش يقلك انا مش حعرف احللك المشكله دي اغلبهم فتايين الاما رحم ربي فلازم يشتغل ويشتغلك في نفس الوقت والمحصله صفر وكله علي حسابك في الاخر ويمكن تفلح معاه وتتصلح
                  بس علي العموم الي بيصلح العدادات بيكون واحد بتاع عدادات متخصص مش لازم كهربائي اوبل ولو عايز كهربائي ممكن ادلك علي واحد في الحرفيين ممكن تجربه اسمه محمود الكهربائي الي جمب محمد علام ناس كتير بتشكر فيه هو كهربائي اوبل بس

                  اما بالنسبه للديد لوك نفس المشكله عندي بس انا جربت احط المفتاح واقفل السنتر مقفلش اساسا ياتري يكون العيب في ايه الي كانت عنده المشكله دي ياريت يقلنا عمل ايه
                  اخوكم عبدالرحمن حجاج

                  Comment

                  • #10
                    مع احترامى ليك
                    اللى حصل معاك حصل معايا اول تجربة سودا ليا فى الأوبل ب 16 ساعه من شرائى ليها
                    و وصلت لضرب نار و بيات فى اقسام
                    و عشان انا محاسب
                    ربنا يكفيك شر الضرايب لما تستلم زبون

                    استعوض ربنا فى اللى اتصرف
                    بس متخلهوش ياذى حد تانى
                    تعرف تدوخه
                    اتكل على الله
                    [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                    [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                    [CENTER][SIZE=3][COLOR=black]محمد الطنانى[/COLOR][/SIZE][/CENTER]

                    Comment

                    • #11
                      المشاركة الأصلية كتبت بواسطة هيثم الدسوقى مشاهدة المشاركة
                      يا باشا والله انا باعمل زيك كدا وبيركبنى ميت عفريت بس لما العربية بتتصلح بقول لنفسى فداها الفلوس وتغور فى داهية واهى كلها رزق ربنا بيروح وييجى ومالكش فيها دخل . وربنا يسهالهالك فى الباقى ان شاء الله .

                      وعامة انت مش هتاخد وحق ولاباطل معاه عشان مستواك مش هتعرف تنزله لمستواه غير لو كان الواحد بقى شرشوح وبلطجى ودا هم بيبقوا عارفين انك مش كدا فبيقلوا ادبهم وربك يحاسبهم بقى

                      احتسب الفلوس عند ربنا واهى كلها فى الاول وفى الاخر جاية رزق من عند ربنا و مين عالم ممكن كان الحوار بتاعك دا ما يحصلش وتلاقى الفلوس تروح منك فى حاجة تانية ولا تضيع منك .

                      ربنا يخليك والله ياباشا انا فعلا امبارح قضيت اسوء يوم ومن امبارح بعمل والله زى ما بتقول وعمال اصبر نفسى لانى بس زعلان من الاسلوب والطريقة السيئة جدا واسلوب حرامية الغسيل بتاع اخطف واجرى منهم لله
                      (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                      Comment

                      • #12
                        المشاركة الأصلية كتبت بواسطة loda80 مشاهدة المشاركة
                        قدر الله و ما شاء فعل عسى ان تكرهوا شيئا وهو خير لكم أكيد ربنا فداك من حاجه أكبر بس قول الحمد لله على كل شئ على فكره أنا عارف عم رضا من زمان بس مع ذلك مبرحلهوش الا فى حاجات بسيطه زى تغيير لمبه الخ بس يا باشا ولا تزعل نفسك


                        هو ده بقى اللى بصبر نفسى بيه والله عشان ماتصرفش تصرف متهور او افضل اغلى فى نفسى وعمال اقول اهو مجتش من مرة نجرب وساخة الصنايعية انا صاحبى هو السبب ان عملى منه اسطورة بس تانى انا بعترف هى غلطتى
                        انا واخد عهد على نفسى انى اتعامل مع بتوع الاوبل الفاهمين بس عشان اوفر على نفسى تعب القلب لكن لازم بردو الواحدى يتقرص عشان يحرم
                        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                        Comment

                        • #13
                          المشاركة الأصلية كتبت بواسطة wama00 مشاهدة المشاركة
                          معلشى هما الصنايعية بتوع التصليح كلهم كدة,,,,
                          بالنسبة للديد لوك جرب تبرمجة بانك تحط المتاح فى الكونتاكت وتدوس على القفل اللى فى المفتاح هتلاقى السنتر قفل وفتح تانى وكدة تبقى برمجتة انا بتحصل معايا لما اشيل كابل البطارية


                          صح ياباشا فعلا

                          انا جربت يا باشا حوالى 20 مرة بدون مبالغة منفعش بردو وده فاقعنى جدا
                          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                          Comment

                          • #14
                            المشاركة الأصلية كتبت بواسطة hagagatc مشاهدة المشاركة
                            احتسبه عند الله وربنا مبيسبش حق حد المشكله في الصنايعيه انه مبيعرفش يقلك انا مش حعرف احللك المشكله دي اغلبهم فتايين الاما رحم ربي فلازم يشتغل ويشتغلك في نفس الوقت والمحصله صفر وكله علي حسابك في الاخر ويمكن تفلح معاه وتتصلح
                            بس علي العموم الي بيصلح العدادات بيكون واحد بتاع عدادات متخصص مش لازم كهربائي اوبل ولو عايز كهربائي ممكن ادلك علي واحد في الحرفيين ممكن تجربه اسمه محمود الكهربائي الي جمب محمد علام ناس كتير بتشكر فيه هو كهربائي اوبل بس

                            اما بالنسبه للديد لوك نفس المشكله عندي بس انا جربت احط المفتاح واقفل السنتر مقفلش اساسا ياتري يكون العيب في ايه الي كانت عنده المشكله دي ياريت يقلنا عمل ايه


                            احتسبت يا باشا عند ربنا والله فعلا وقلت لو علمتم الغيب ..

                            انا سمعت عن اتنين فى الحرفيين الليثى وكوستا بيقولوا عند الجامع اللى فى الشارع بره فى الحرفيين الزفت ده هو اللى قالى عليهم فى الاول

                            انا سمعت عن محمود ده وسمعت ناس شكرت فيه كتير

                            انا بتعامل مع منصور اللى عند صابر هو مؤؤؤؤؤؤدب جدا ومحتررررررم جدا وشاطر اوى وامين هو بس مشكلته انه عنده شغل كتير
                            ولما قلتله قالى روح لبتاع عدادات احسن وقالى على اسم حاجة كده فى العداد قالى هو هيصلحهالك لانها بتاعته بس لو لقيته هيغالى عليك هات واحد استيراد احسن .. حتى قالى روح انت عند التاجر وكلمنى وسيب الباقى عليا لانه يعرفه كويس .. هو كان يقصد مليجى اللى عند العايدى ..



                            انا بقى استسهلت وقلت اجرب بعد الحاح صاحبى عليا

                            انا جربت موضوع الديد لوك الاول كان ميت وبعد كده بقى يفتح ويقفل بس مبيعملش ديد لوك لسة لحد دلوقتى
                            (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                            Comment

                            • #15
                              معلش يا متر متزعلش نفسك وكله هيبقي تمام ماتقلقش
                              شويه بني ادمين زباله كل واحد يقولك دي شغلتي دانا بقالي 90 سنه وبتاع وفي الاخر بيطلع حمار زي اي صنايعي
                              بص
                              احسن حاجه تتعامل مع مهندسيين مش صنايعية
                              واهو كلها في الاخر فلوس بتتدفع .. بس تتدفع في حاجه معموله صح
                              انا عن نفسي اي حاجه بعملها بسأل المهندس اللي بتعامل معاه حتي لو مش هو اللي هيعملها بيقولي أعمل ايه واروح لمين وبيفهمني الليله ماشيه ازاي
                              يا راجل دا حتي معاملة المهندسيين اللي عندهم مراكز صيانة بتبقي معاملة نضيفه كدا مايخلكش تضطر تغير اسلوبك عشان تعرف تتعامل مع صنايعي
                              حتي المصطلحات بتاعت قطع الغيار بيقلوها بالانجليش مش باللهجه الزباله بتاعت الصنايعية زي كتاوت وكدا :)
                              [SIGPIC][/SIGPIC]
                              Amr Gamal
                              [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                              Comment

                              السابق 1 2 template التالي
                              Working...
                              X