ارجو الافادة عن اجراءات الترخيص

[karkor30]

ارجو الافادة عن اجراءات الترخيص لعربيتى

انا اقامتى المنصورة والعربية مرور العجوزة الرخصة منتهية من شهر 10/2012 وتاريخ الفحص 2012

سمعت انى مش هاعرف اجدد الرخصة بالتوكيل ولازم انقل ملكية بعقد مسجل هل الكلام ده صحيح؟؟

[tananybasha]

1. هتروح مرور العجوزه و تجيب شهادة بيانات مؤمنه موجه للمرور اللى انت تابع ليه فى المنصورة و تكون مصور التوكيل و بطاقتك و رخصة العربية
2. تطلع النيابه بشهادة البيانات و يكون معاك برضوا شهادة بيانات من الشباك باصل رقم العربية القديم ان وجد و لم يذكر فى شهادة البيانات اللى معاك
3. تجيب شهادة بيانات مؤمنه موجهه للشهر العقارى ببيانات العربية و انتهاء الضريبة و الترخيص و اطلب منه اثبات صناعه العربية لو العربية فيكترا عشان بيتكتب انتاج محلى و بتفرق جامد فى رسوم الشهر العقارى
4. تاخد الورق ده كله و تطلع الأول على الشهر العقارى و ممكن تروح الشهر العقارى اللى فى المرور و تعمل عقد مسجل و اذا تعذر ذلك هتعمله فى اى شهر عقارى اخر سواء فى القاهرة او المنصورة مش مشكلة
5. هتروح المرور و تخش تجيب ورق الفحص و التجديد حسب المده اللى انت عايزها
6. تخش على الفحص الفنى و تطابق البصمه مع الرخصه و شهادة البيانات الؤمنه الموجهه للمرور
7. قبل الشباك تجيب تأمين اجبارى حسب مدة التجديد اللى انت عايزها و دى بتحدد حسب السى سى
8. غالباً و بنسبة كبيرة هتدفع الضريبة فى مرور العجوزة و لازم تحتفظ بالوصل عشان متدفعشى الضريبه على السنة اللى دفعتها فى مرور المنصورة
9. هتدفع الضريبة و تديهم التأمين الأجبارى و شهادة البيانات و العقد المسجل و التوكيل و كل الورق اللى معاك و تفك اللوحات اللى تبع الجيزة و تروح على الشباك و تستلم ايصال اللوحات الجديده و تسليم اللوحات القديمه
10. احتفظ بصور لكل الورق اللى معاك عشان احتمال انك تحتاجة تانى وارد
11. هتاخد ترخيص مؤقت 3 شهور او 6 شهور حسب المرور و ذوقه لحين ورود اصل الملف
12. فى حاله عدم ورود الملف فى الوقت اللى هينتهى فيه الترخيص المؤقت هتاخد طلب استعجال او تطلب ارساله و هتاخد ترخيص مؤقت تانى
13. ورود الملف و خاصة ان مرور العجوزه كان اتحرق فى احداث الثورة فهيبقى فيه شوية بهدله فى اجراءاتك مع المرور ده - هو كان مضموم لمرور الدقى بس سمعت والله اعلم باعادة افتتاحة مرة اخرى فى مكانه فى تقاطع جامعه الدول مع السودان

ارجو انى اكون عرفت اوصل المعلومه كامله

[karkor30]

الف الف شكر على المعلومات طنانى باشا

بس هل اجبارى انى انقلها باسمى دلوقتى ولا ممكن اجدد باسم صاحبها عشان اللفة الكبيرة دى

[tananybasha]

لو التوكيل اللى معاك ينص صراحه على التعامل مع المرور فى اجراءات الترخيص و بدون نقل ملكية
يبقى ينفع

[karkor30]

لو التوكيل اللى معاك ينص صراحه على التعامل مع المرور فى اجراءات الترخيص و بدون نقل ملكية
يبقى ينفع

مش فاكر بصراحة ايه اللى مكتوب فى التوكيل هابص عليه

ان شاء الله هبدا فى الاجراءات دى الاسبوع اللى جاى او اللى بعده بالكتير اصلى خلاص زهقت من العربية وشكلى هبيعها قريب

اللى فهمته كده يا طنانى باشا ان الخطوات من 1 الى 4 هتتعمل فى مرور العجوزة

وبعدين الخطوات من 5 الى 12 فى مرور المنصورة ما عدا الخطوة 8 ممكن ارجع للعجوزة

وكده انا هاعمل 3 شهادات بيانات صح كده؟؟؟؟

شهادة بيانات مؤمنه موجه للمرور - شهادة بيانات باصل رقم العربية القديم - شهادة بيانات مؤمنه موجهه للشهر العقارى

[emad_2020]

1. هتروح مرور العجوزه و تجيب شهادة بيانات مؤمنه موجه للمرور اللى انت تابع ليه فى المنصورة و تكون مصور التوكيل و بطاقتك و رخصة العربية
2. تطلع النيابه بشهادة البيانات و يكون معاك برضوا شهادة بيانات من الشباك باصل رقم العربية القديم ان وجد و لم يذكر فى شهادة البيانات اللى معاك
3. تجيب شهادة بيانات مؤمنه موجهه للشهر العقارى ببيانات العربية و انتهاء الضريبة و الترخيص و اطلب منه اثبات صناعه العربية لو العربية فيكترا عشان بيتكتب انتاج محلى و بتفرق جامد فى رسوم الشهر العقارى
4. تاخد الورق ده كله و تطلع الأول على الشهر العقارى و ممكن تروح الشهر العقارى اللى فى المرور و تعمل عقد مسجل و اذا تعذر ذلك هتعمله فى اى شهر عقارى اخر سواء فى القاهرة او المنصورة مش مشكلة
5. هتروح المرور و تخش تجيب ورق الفحص و التجديد حسب المده اللى انت عايزها
6. تخش على الفحص الفنى و تطابق البصمه مع الرخصه و شهادة البيانات الؤمنه الموجهه للمرور
7. قبل الشباك تجيب تأمين اجبارى حسب مدة التجديد اللى انت عايزها و دى بتحدد حسب السى سى
8. غالباً و بنسبة كبيرة هتدفع الضريبة فى مرور العجوزة و لازم تحتفظ بالوصل عشان متدفعشى الضريبه على السنة اللى دفعتها فى مرور المنصورة
9. هتدفع الضريبة و تديهم التأمين الأجبارى و شهادة البيانات و العقد المسجل و التوكيل و كل الورق اللى معاك و تفك اللوحات اللى تبع الجيزة و تروح على الشباك و تستلم ايصال اللوحات الجديده و تسليم اللوحات القديمه
10. احتفظ بصور لكل الورق اللى معاك عشان احتمال انك تحتاجة تانى وارد
11. هتاخد ترخيص مؤقت 3 شهور او 6 شهور حسب المرور و ذوقه لحين ورود اصل الملف
12. فى حاله عدم ورود الملف فى الوقت اللى هينتهى فيه الترخيص المؤقت هتاخد طلب استعجال او تطلب ارساله و هتاخد ترخيص مؤقت تانى
13. ورود الملف و خاصة ان مرور العجوزه كان اتحرق فى احداث الثورة فهيبقى فيه شوية بهدله فى اجراءاتك مع المرور ده - هو كان مضموم لمرور الدقى بس سمعت والله اعلم باعادة افتتاحة مرة اخرى فى مكانه فى تقاطع جامعه الدول مع السودان

ارجو انى اكون عرفت اوصل المعلومه كامله

كلام سليم 100 /100
اما عن التوكيل بيكون معظم مكتوب فيه التعامل مع المرور لكن التجديد والترخيص لا هما بيعملو كدا علشان الناس تنقل ملكية بسرعة علشان التوكيل بيعمل مشاكل كتير فيما بعد وربنا يوفقك

[m7med_dola]

تحية لطناني الكبير ربنا يخليك للاوبل

[karkor30]

السلام عليكم

انا مشيت شوية فى اجراءات الرخصة وعملت الاتى

1- روحت يوم فى رمضان من بدرى ودخلت عملت شهادة المخالفات ودفعت 1260 جنيه كانو على العربية من قبل ما اشتريها وصاحبها مدفعهمش بس انا كنت واخد الفلوس منه

2- طلعت عشان اعمل شهادة بينات للشهر العقارى الموظف قاللى لازم افحص واطابق بصمة عشان الملف كان اتحرق فى الثورة والرخصة منتهية بس اليوم ده مكنش معايا العربية فطبعا مشيت ورجعت تانى يوم بس اشتريت الورق المطلوب قبل ما امشى

3- يوم جديد برضه من بدرى عشان احجز دور فى الاول وعلى ما الموظفين وصلوا وبدا الشغل اشتريت طفاية حريق ب 139 ج وشنطة اسعافات ب 45 او 50 مش فاكر وكان معايا مثلث ولما رحت للمهندس قاللى لازم اعلام الوراثة لان العربية فيها ورثة طبعا مشيت وكلمت صاحبها وعلى ما قابلته واخدت اعلام الوراثة وعرفت اروح المرور تانى كان بعد العيد يعنى من اسبوع

4- يوم جديد دخلت على المهندس على طول لانى كنت مخلص موضوع الطفاية والشنطة من المرة اللى فاتت والحمد لله خلصت على طول وبعدين رجعت للشباك عشان شهادة بيانات للشهر العقارى الموظف طلب منى ورق وملف من كشك التصوير جبتهم سالته على المبلغ اللى هدفعه وطلع اللى معايا مش هيكفى لانى كنت بخلص ورق للسفر وصرفت فلوس ومكنتش عامل حسابى انى هروح المرور بس انا لقيت نفسى قريب منه قلت انجز اى حاجة

الموظف طبعا طلب انى اقدره قال ايه عشان معاد الشغل خلص وهيكمل معايا عشان يخلص لى الشهادة الكلام ده قبل الساعة 12 وبعد رمضان

اليوم ده بالليل وانا قاعد برتب الورق اللى معايا ورق المرور وورق السفر عشان اعرف ايه الورق اللى هاخده معايا تانى يوم فوجئت ان ورقة البصمة مش موجوده طبعا احساس زى الزفت بعد ماخلصت الفحص الورقة تضيع

بس بعد ما فكرت قلت اكيد نسيتها فى الشباك عند الموظف لان هو ده الشباك الوحيد اللى انا وقفت عليه فقلت انزل اساله بكره بدل ما افحص تانى وبعدها بشوبة جاتلى فكرة تانية خاااالص ان الموظف يكون سابها معاه عشان يضمن انى ارجعله لانى لما قلت له انى معيش فلوس ادفع الضريبة افتكر انى عايز اهرب منه عشان مدفعش له حاجة واقدره

5- يوم جديد للموظف من بدرى طبعا مستنيه يوصل عشان اساله على ورقة البصمة ولما طال الانتظار الموظف اللى بجواره قاللى اشترى ورقة جديد وافحص اضمن وعشان اكسب وقت وفعلا اشتريت ورقة بصمة ودخلت على المهندس تانى وعلى الظابط تانى وعامل البصمة تانى وبعد ما رحت للشباك لقيته الموظف موجود وبيقولى (انا سايبلك ورقة البصمة معايا من امبارح انت مش قلت جاى النهاردة) قلت له انا فحصت تانى خلاص المهم اشتغلنا بالورقة اللى معاه والفحص الجديد سيبته معايا

المهم خلصت ودفعت للسنتين 575 ج وطلعت شهادة بيانات للشهر العقارى

قلت له انا هابيع العربية ومش عايز انقل على مرور المنصورة قاللى ابيع على كده بشهادة البيانات دى واللى هيشترى يبقى يجى يعمل هو شهادة بيانات للمرور بتاعه

طبعا عملى فيلم وقالى (فيه غرامة هتدفع هتبقى 250 ج بس انا هخليهالك 47 ج عشان المادة رقم كام بتقول ايه بس انا هاعمل معاك الواجب وهاطبق عليك مادة معرفش كام اللى بتقول ايه) عشان طبعا يبقى الواجب مظبوط

بس على كده خلصت وهو عمل الواجب وانا قدرته واستلمت الشهادة من عند الظابط

اسف جدا للاطالة بس فعلا الموضوع كان طويل

[hagagatc]

1. هتروح مرور العجوزه و تجيب شهادة بيانات مؤمنه موجه للمرور اللى انت تابع ليه فى المنصورة و تكون مصور التوكيل و بطاقتك و رخصة العربية
2. تطلع النيابه بشهادة البيانات و يكون معاك برضوا شهادة بيانات من الشباك باصل رقم العربية القديم ان وجد و لم يذكر فى شهادة البيانات اللى معاك
3. تجيب شهادة بيانات مؤمنه موجهه للشهر العقارى ببيانات العربية و انتهاء الضريبة و الترخيص و اطلب منه اثبات صناعه العربية لو العربية فيكترا عشان بيتكتب انتاج محلى و بتفرق جامد فى رسوم الشهر العقارى
4. تاخد الورق ده كله و تطلع الأول على الشهر العقارى و ممكن تروح الشهر العقارى اللى فى المرور و تعمل عقد مسجل و اذا تعذر ذلك هتعمله فى اى شهر عقارى اخر سواء فى القاهرة او المنصورة مش مشكلة
5. هتروح المرور و تخش تجيب ورق الفحص و التجديد حسب المده اللى انت عايزها
6. تخش على الفحص الفنى و تطابق البصمه مع الرخصه و شهادة البيانات الؤمنه الموجهه للمرور
7. قبل الشباك تجيب تأمين اجبارى حسب مدة التجديد اللى انت عايزها و دى بتحدد حسب السى سى
8. غالباً و بنسبة كبيرة هتدفع الضريبة فى مرور العجوزة و لازم تحتفظ بالوصل عشان متدفعشى الضريبه على السنة اللى دفعتها فى مرور المنصورة
9. هتدفع الضريبة و تديهم التأمين الأجبارى و شهادة البيانات و العقد المسجل و التوكيل و كل الورق اللى معاك و تفك اللوحات اللى تبع الجيزة و تروح على الشباك و تستلم ايصال اللوحات الجديده و تسليم اللوحات القديمه
10. احتفظ بصور لكل الورق اللى معاك عشان احتمال انك تحتاجة تانى وارد
11. هتاخد ترخيص مؤقت 3 شهور او 6 شهور حسب المرور و ذوقه لحين ورود اصل الملف
12. فى حاله عدم ورود الملف فى الوقت اللى هينتهى فيه الترخيص المؤقت هتاخد طلب استعجال او تطلب ارساله و هتاخد ترخيص مؤقت تانى
13. ورود الملف و خاصة ان مرور العجوزه كان اتحرق فى احداث الثورة فهيبقى فيه شوية بهدله فى اجراءاتك مع المرور ده - هو كان مضموم لمرور الدقى بس سمعت والله اعلم باعادة افتتاحة مرة اخرى فى مكانه فى تقاطع جامعه الدول مع السودان

ارجو انى اكون عرفت اوصل المعلومه كامله

طناني باشا ممكن استفسار صغير بعد الفحص مش لازم يروح مرور العجوزه يعمل مطابقه بصمه
ولو مكتوب في الرخصه فحص 2015 هل معني كده اني مش حجيب طفايه وشنطه اسعافات وكشف عادم والحوارات دي