رجاء من خبراء الاوبل فيكترا... ضرورى جدا

[Dr Hossam Badr]

اوبل فيكترا موديل 2001 كامله مانويل مريات كهرباء زجاج امامى كهرباء لا تحتاج اى مصاريف السيارة بحاله فوق الممتازة فضى اللون بدون كارتات الماتور العادى الدبرياج للوراء وليس للامام احسن موديل فى الفيكترا رخصة سنه بها توكيل واحد 4 فردة كاوتش جديد ميشلان فرنساوى استعمال شهرين......
ممكن اعرف من حضراتكم سعرها المناسب يكون كام ؟؟؟؟؟؟؟

[romiobasha]

وضح اكتر يا دكتور
يعنى ماشية كام الف
فيها رش بوية ولا ايه
جنوط و كماليات اضافيه و الرخصة مرور ايه باقى فيها قد ايه

حكاية الدبرياج دى قصدك بيها ايه "مارشيدير"

[ayman hamdy]

+111

[MaaM]

زي ما قالك روميو باشا
فيه تفاصيل مهمة زي العداد وحالة الدهان وهل هو بتاع الفابريكا ولا لأ

[sherif moneer]

وهيا ماتور 1600 ولا 2000 سي سي لأن ده يفرق جدا ف السعر
ولو 1600 سي سي اعرف هيا كامه واحده ولا اتنين كامه
برده بيفرق ف السعر

[zizo50001]

بص اولا العربية دى 1600 كامة واحد 8 صباب
المهم معنى اية بدون كارتات الماتور العادى ياريت توضح
و ياريت تقول التكيف شغال ولا لا
abs شغال ولا لا
و حالة الدهان الخارجى
ورشة برة قبل كدة ولا لا
عيوزب الموديل دة
abs بيبوظ ولكن بيتصلح ب 400 جنية او تغير الواحد بوحدة اوربى بتتعدل بتتكلف 800 جنية ومش بتبوظ تانى
التكيف لو جى مش شغال حسب اللى فيه ممكن يدخل معاك فى مبلغ محترم
فا جيبها التكيف شغال

[tananybasha]

يعنى ايه
اصل مارشدير ورا دى معناها انها 1800 مش 1600

[sherif moneer]

لأ يا طناني باشا مارشدير لورا اللي هو سوسته ع الرابع ده ف ال1600 الكامه الواحده مش عارف اسم الفتيس تقريبا اف 21 وده اللي موجود معايا

[MOstafa Hashem]

العربيه دى على كونتاكت من يومين

العربيه ماشيه 126 ألف كيلو .. وواضح من الصور انها فابريكه بس الصور مش كفايه .. كلم صاحبها واسألو راشه ولا لأ وروح اكشف عليها

الموتور العادى ده اللى هو موتور أوبل 1600 كامه واحده .. والفيكترا b2 نزل منها الفتيس اللى المارشدير بتاعه سوسته لورا

بعد ماتكشف لو لقيت حالتها حلوه من ناحية الموتور والعفشه واكشف كووووويس على التكيييف .. اتكلم معاه فى 55 ألف مثلا ومعاك لحد 57 ومتزودش عن كده

الكلام ده حسب تقديرى الشخصى ممكن تاخد بيه او براحتك انتاا

وموفق ان شاء الله