مشكلة ف تكييف فيكترا سي

[moody_687]

انا عندى مشكلة ف التكييف
النهاردة بالصدفة قفلت شباك العربية وقولت اشغل التكيف ع رقم واحد ( اول درجة ) لقيته مش شغال قولت اجرب رقم 2 برده مش شغال وجيبته ع 3 وبرده مش شغال جيبته ع رقم 4 لقيته اشتغل
يعني التكيف شغال ع رقم 4 بس ومفيش ولا سرعة رقم 1 ولا سرعة رقم 2 ولا 3 حتى مش عارف ماله ياترى ايه نوع المشكلة عندى

[Dr-Daly]

متابع بإهتمام

[tamermadi]

بص في الفيكترا بي

السرعه الرابعه ليها كتاوت لوحده
والسرعات 1و2و3 ليهم كتاوت تاني

شوف ممكن يكون بتاع السرعات التلاته الاولى بايظ

مش عارف الفيكترا سي زي ال بي في الموضوع ده او لأ

[ashourashour]

انت كدا التكييف عندك سيمي اوتو انت اول فئه

مفيش كتاوتات ولا حاجه

مروحه البلور بتاخد اشارتها من منظم سرعه (blower regulator) ودا بدوره بياخد اشارته من وحده التطييف اللي انت بتشغل التكييف منها اللي فيها 3 بكرات منهم بكره المروحه

نيجي لمنظم السرعه : مكانه خلف درج التابلوه امام الراكب الامامي

موديول صغير راكب فيه اتنين سوكيت او فيشه

فيشه منهم اتنين واير رايحين للموتور بتاع البلور (المروحه)
الفيشه التانيه 12 فولت و ارضي و ويرين بيربطو بين الموديول دا و بين وحده التكييف

بنسبه 90% منظم السرعه دا بايظ و بنسبه 10% وحده التكييف فيها مشكله مش بتبعت اشاره صحيحه للمنظم

ومتدورش على فيوزات عشان سليمه المنظم بياخد 12 فولت على وير واحد ادام السرعه الرابعه بتشتغل يبقى الكهربا واصله

من الاخر انت هتجرب بمنظم تاني وفي الغالب جدا السرعات كلها هتشتغل لو ماشتغلتش للاسف هيكون من وحده التكييف وانا استبعد الموضوع دا

[moody_687]

طيب المنظم ده بكام ووحدة التكييف بكام
انا المهم عندى بكام تمنهم

[ashourashour]

طيب المنظم ده بكام ووحدة التكييف بكام
انا المهم عندى بكام تمنهم

لا معرفش بكام و متشتريش على طول لازم يالتجربه وابدأ بالمنظم زي ماقلتلك

لو من القاهره ممكن ابعتك لواحد كويس

[zrzr1]

انت كدا التكييف عندك سيمي اوتو انت اول فئه

مفيش كتاوتات ولا حاجه

مروحه البلور بتاخد اشارتها من منظم سرعه (blower regulator) ودا بدوره بياخد اشارته من وحده التطييف اللي انت بتشغل التكييف منها اللي فيها 3 بكرات منهم بكره المروحه

نيجي لمنظم السرعه : مكانه خلف درج التابلوه امام الراكب الامامي

موديول صغير راكب فيه اتنين سوكيت او فيشه

فيشه منهم اتنين واير رايحين للموتور بتاع البلور (المروحه)
الفيشه التانيه 12 فولت و ارضي و ويرين بيربطو بين الموديول دا و بين وحده التكييف

بنسبه 90% منظم السرعه دا بايظ و بنسبه 10% وحده التكييف فيها مشكله مش بتبعت اشاره صحيحه للمنظم

ومتدورش على فيوزات عشان سليمه المنظم بياخد 12 فولت على وير واحد ادام السرعه الرابعه بتشتغل يبقى الكهربا واصله

من الاخر انت هتجرب بمنظم تاني وفي الغالب جدا السرعات كلها هتشتغل لو ماشتغلتش للاسف هيكون من وحده التكييف وانا استبعد الموضوع دا

ايه يا ريس الكلام الكبير دا.. الله يجازيك خير

[moody_687]

انا للاسف من الاسكندرية بس اعرف رضا اوبل ومحمود بحه بتوع الاستيراد وان شاء الله هروح لحد بتاع تكييف يشوفلي الحوار ده بس يارب مش يقولي عايزة جهاز الكشف عشان مش عايز اروح للوكيل

[احمد فهمى]

عشور قالك اللى التوكيل مش هيعرف يقولهولك وده مش هزار ده بجد

[moody_687]

انا عارف يااستاذ احمد بس انا عايز اعرف سعر المنظم ده بكام