اكشف كمبيوتر فين ؟؟؟

[hesham ahmed]

السلام عليكم ..
عايز مكان اكشف فيه كمبيوتر ... بحيث يقولي بس العربيه فيها ايه ..و مش عايزه بيفتي ... ممكن مش اصلح عنده..
المشكله..
العربيه بتاكل بنزين جدا جدا ... يعني 160 كيلو في الصفيحه .... مع العلم ان البوجيهات(جي ام من التوكيل) و فلتر هواء و فلتر بنزين و فلتر زيت(من التوكيل ) مكملوش 2000 كيلو ..
هي بدات تزيد استهلاكها من 500 ك تقريبا ... هي كانت قبل كده تقريبا 220 كيلو في الصفيحه
افكركم بارضو اني كنت مغير عمود الكامات من 2000 ك بارضو
..
ف انا حاسس انها هتكون حاجه في الحساسات ؟؟؟؟؟
ايه رايكوا

[mona_881]

متابعة عندي نفس المشكلة !

[ashourashour]

بعد التأكد من قراءه حساس الكولنت

المشكله دي شائعه في الكورسا البرازيلي بسبب حساس الاكسجين

[ashourashour]

ملحوظه ادام لمبه الاعطال مش منوره هيكون مفيش كود متسجل

اللي هيكشف بالجهاز هيشوف الداتا ليست لازم يكون عارف متوسطات قراءه الحساسات في الوضع الطبيعي

[hesham ahmed]

ملحوظه ادام لمبه الاعطال مش منوره هيكون مفيش كود متسجل

اللي هيكشف بالجهاز هيشوف الداتا ليست لازم يكون عارف متوسطات قراءه الحساسات في الوضع الطبيعي

ما هو لمبه الاعطال مش منوره ....
كده الكشف ليه لزمه و لا لا ؟؟؟
و ايه حساس الاكسجين دا ؟؟؟

[ashourashour]

ما هو لمبه الاعطال مش منوره ....
كده الكشف ليه لزمه و لا لا ؟؟؟
و ايه حساس الاكسجين دا ؟؟؟

حساس الاكسجين دا اللي راكب عالشكمان بعد الفرن كدا و خارج منه سلكه لونها بنفسجي لو الذاكره مش خايناني يعني

دوره انه بيشوف العادم مظبوط ولا لا و يبلغ الكنترول يزود نسبه البنزين او يقللها بناءا على العادم

فا هوا بيشوف البنزين قليل مش حقيقي طبعا فا يقول للكنترول زود بنزين الكنترول يتبعت طبعا و يزود بنزين زي العبيط

و موضوع كشف الجهاز لازم واحد بيفهم

هيشوف fuel trim و قراءه حساس الاكسجين

[hesham ahmed]

حساس الاكسجين دا اللي راكب عالشكمان بعد الفرن كدا و خارج منه سلكه لونها بنفسجي لو الذاكره مش خايناني يعني

دوره انه بيشوف العادم مظبوط ولا لا و يبلغ الكنترول يزود نسبه البنزين او يقللها بناءا على العادم

فا هوا بيشوف البنزين قليل مش حقيقي طبعا فا يقول للكنترول زود بنزين الكنترول يتبعت طبعا و يزود بنزين زي العبيط

و موضوع كشف الجهاز لازم واحد بيفهم

هيشوف fuel trim و قراءه حساس الاكسجين

كلام جميييل :))) ... احيييك الصراحه
انا فاكر اه ان عندي في سلكه بنفسجي ...يعني دا بشوفه لما افتح الكبوت .. و لا تحت العربيه؟؟
طب معلش سوالين ... تعرف حد بيفهم دا اكشف عنده ... و لا اروح اتوماستر و خلاص ..
تاني حاجه ... حساس الاكسجيبن دا يعمل كام . (جديد او مستعمل ) ؟؟؟
شكرا

[ashourashour]

كلام جميييل :))) ... احيييك الصراحه
انا فاكر اه ان عندي في سلكه بنفسجي ...يعني دا بشوفه لما افتح الكبوت .. و لا تحت العربيه؟؟
طب معلش سوالين ... تعرف حد بيفهم دا اكشف عنده ... و لا اروح اتوماستر و خلاص ..
تاني حاجه ... حساس الاكسجيبن دا يعمل كام . (جديد او مستعمل ) ؟؟؟
شكرا

اه بتشوفو وانت فاتح الكبوت قدام خالص ناحيه المراوح

و اوتوماستر مش عارف مين ماسك الجهاز دلوقت !!!

و الاسعار للاسف مش بحفظ اسعار خالص

انت لما بتكبس بنزين الشكمان بيجيب دخان اسود ؟

[hesham ahmed]

انت لما بتكبس بنزين الشكمان بيجيب دخان اسود ؟

مش عارف الصراحه ... هجرب بكره و اشوف ...
بس بيتهيالي مش بتجيب ... لان كان سايس الجراج قالي ,

[mahmoudhanfe]

متابع لانى عندى نفس المشكلة بالظبط فى نفس العربية بالظبط

انا عملت سيرفس وغيرت فلاتر وبوجيهات وبرده مفيش فايدة
وسلمت امرى لله ومش عارف ايه الحل فى الموضوع ده بصراحة العربية بتاكل بنزين رهيب
التفويلة مش بتعمل 250 كيلو على بعض
انا كنت شاكك فى الرشاشات بس رحت لمكانيكى قالى كويسين
وبرده شاكك فى الاسطوانة والديسك
وممكن يكون حساس الاكسجين برده

خايف ابدا شغل واغير والموضوع يفضل زى ما هو

ياريت حد يفيدنا فى الموضوع ده

[ashourashour]

متابع لانى عندى نفس المشكلة بالظبط فى نفس العربية بالظبط

انا عملت سيرفس وغيرت فلاتر وبوجيهات وبرده مفيش فايدة
وسلمت امرى لله ومش عارف ايه الحل فى الموضوع ده بصراحة العربية بتاكل بنزين رهيب
التفويلة مش بتعمل 250 كيلو على بعض
انا كنت شاكك فى الرشاشات بس رحت لمكانيكى قالى كويسين
وبرده شاكك فى الاسطوانة والديسك
وممكن يكون حساس الاكسجين برده

خايف ابدا شغل واغير والموضوع يفضل زى ما هو

ياريت حد يفيدنا فى الموضوع ده

انت شكلك مش بتفكر في الفلوس قوي

غير حساس الاكسجين و ان شاء الله هتفرق بس احتياطي شوف قراءه الكولنت

[s0144862631]

طيب حضرتك منطقتك فين هو في حد انا كشفت عنده كومبيوتر في نصر الدين هرم وكويس جدا وفاهم جدا واس معفتي راحولوا بمشاكل وحلهلهم باذن الله من اول زياه و التايج كانت كويسه

[elmtr mohamed]

روح لصابر اللى فى رابعة ..

واسأل على محمود المسئول عن الجهاز ..

من الاخر عبقرررررررررى اوبل وفاهم جدا وانا كنت هكتب عنه موضوع والله لولا انى مكنتش فاضى اوى اليومين دول .. لانه بصراحة حللى مشكلة كانت هتلبسنى فى حيطة ولكن ربنا اكرمنى بيه الحمد لله

قوله بس من طرف المتر محمد الاوبل الزيتى ..

[elmtr mohamed]

ملحوظه ادام لمبه الاعطال مش منوره هيكون مفيش كود متسجل

اللي هيكشف بالجهاز هيشوف الداتا ليست لازم يكون عارف متوسطات قراءه الحساسات في الوضع الطبيعي

على فكرة يابوعاشور المشكلة فعلا طلعت فى الحساس الخارجى .. لكن انا بأيد كلامك فى جزئية الكهرباء لانى حاسس ان الكهرباء عندى بردو فيها حاجة ..

وانا كنت قريت لاخونا طنانى من كام يوم نصيحة لواحد قاله عندك مشكلة اما فى السليكتور او شغل كهرباء فى الضفيرة .. انا بقى شاكك فى الضفيرة لان الجزء الظاهر منها اللى داخل فى الموتور شبه مفكك والسلوك مش ملمومة كويس فحاسس ان فيها حاجة ..

لكن الحمد لله طلعت القصة فى الحساس الخارجى فعلا ..

[ashourashour]

على فكرة يابوعاشور المشكلة فعلا طلعت فى الحساس الخارجى .. لكن انا بأيد كلامك فى جزئية الكهرباء لانى حاسس ان الكهرباء عندى بردو فيها حاجة ..

وانا كنت قريت لاخونا طنانى من كام يوم نصيحة لواحد قاله عندك مشكلة اما فى السليكتور او شغل كهرباء فى الضفيرة .. انا بقى شاكك فى الضفيرة لان الجزء الظاهر منها اللى داخل فى الموتور شبه مفكك والسلوك مش ملمومة كويس فحاسس ان فيها حاجة ..

لكن الحمد لله طلعت القصة فى الحساس الخارجى فعلا ..

الحمد لله ان مشكلتك اتحلت