رابطة مالكى استرا ( j )

[mechhus]

كريم باشا هو التوكيل بيركب كاميرا برضو ولا الكاميرا عند المستورد بس. ويا ريت تدينا اي معلومات علي المستورد

[karim gamal]

الشركه المستورده اسمها isco ,, المهندس فوزي 01111104490 الشركه موجوده في الاسكندريه وانا من القاهره وركبته في اسكندريه بس في امكانيه ان هوا يتبعت القاهره متهيالي،،ملحوظه علشان الناس تقيم صح ،،، الجهاز فيه مميزات وعيوب انا شرحتها قبل كده وطبعا كل شويه بكتشف حاجات ولسه مجربتش كل حاجه فييه ،، فيه اجهزه مطابقه لييه موجوده علي امازون و مواقع الشراء الالكترونيه ممكن تبصوا علييه ،،.انا موجود في القاهره ممكن اللي عايز يتفرج علي الجهاز عندي في العربيه يكلمني علي الخاص بس انا اسف مش هقدر قبل يوم السبت علشان عندي شغل ،، بالتوفيق ان شاء الله للجميع ،،

[karim gamal]

كريم باشا هو التوكيل بيركب كاميرا برضو ولا الكاميرا عند المستورد بس. ويا ريت تدينا اي معلومات علي المستورد

المستورد بيركب الكاميرا بردو

[mechhus]

شكرًا يا باشا علي المعلومات المفيده ده وطبعا كل حاجه بيكون ليها عيوب ومميزات والتقرير اللي حضرتك عاملته اكتر من رائع مكنش ناقص غير الصور بس وشكرا علي مجهودك العظيم

[K.Ossama]

رابط للمنتديات

فين الرابط
طيب رقم الموديل وانا ممكن انزل صوره علشان نشوفها كلنا

[melagouze]

ممكن يا جماعه مساعده.....العربيه فيها رجرجه واضحه في الدواره الصبح او لما العربيه بتبقي بارده.......مش عارف من ايه؟؟؟ بس في نص اليوم ما بيبقاش فيها رجرجه


ممكن تقولولي كمان ال Update بتاع السوفت وير بيفيد في ايه؟؟؟

[aahfly]

ممكن يا جماعه مساعده.....العربيه فيها رجرجه واضحه في الدواره الصبح او لما العربيه بتبقي بارده.......مش عارف من ايه؟؟؟ بس في نص اليوم ما بيبقاش فيها رجرجه


ممكن تقولولي كمان ال Update بتاع السوفت وير بيفيد في ايه؟؟؟

لأ المشكله دي مش موجوده عندي . لما بدور الصبح صوت العربيه بيبقي عالي شويه
ممكن بس يكون البنزين اللى انت حطيته مش نظيف
و الupdate بيفرق بس فى السحب بيبقي انعم و احسن سيكا
وكمان وانت مشغل التكيف و بتفرمل فى اشاره كان بيحصل رعشه - دي بيشيلها ال update

[shadyelbakry]

لأ المشكله دي مش موجوده عندي . لما بدور الصبح صوت العربيه بيبقي عالي شويه
ممكن بس يكون البنزين اللى انت حطيته مش نظيف
و الupdate بيفرق بس فى السحب بيبقي انعم و احسن سيكا
وكمان وانت مشغل التكيف و بتفرمل فى اشاره كان بيحصل رعشه - دي بيشيلها ال update

معتقدتش فى حاجه اسمها ابديت للسوفت وير

اعتقد بيعلى ال rbm فالرعشه بتروح ودى مشكله لان العربيهتسخن وصوتها يعلى وتستهلك بنزين اعلى وطبعا بتحس بفرق فى السحب علشان هو اصلا الموتور عالى

[mechhus]

نتكلم بقي علي gps والبلوتوث ،، وانا بستلم العربيه من منصور من ٥ شهور مندوب المبيعات قالي لو عايز تشغل البلوتوث و التلفون خد رقم المهندس ده وهوا هيفهمك تعمل ايه ،،، المهم كلمته وقالي ان علشان تشغلهم لازم الوحده بتاعه الصوت كلها تتغير اللي الكاسيت لان الوحده نفسها غير مجهزه لتشغلهم ،، قولتلو ماشي ،، قالي بس الوحده الجديده غير موجوده دلوقتي للسيدان علشان ركب بتاعه الهاتشباك وعملت مشكله وقالي هتوصل خلال شهر المهم اتاخر وفضلت متابع معاه لحد موصلت الاسبوع اللي فات ،، الجهاز ده عباره عن وحده الصوت كامله وده مكانها ورا الزراير بتاعه الكاسيت وهيا مجهزه لتوصيلات البلوتوث والتلفون بالضافه لوصله gps , usb , aux ,, تاني حاجه شاشه مقاسها ٧ بوصه وده بتركب مكان شاشه الكاسيت وبيتعرض عليها كل الحاجات اللي فاتت تقريبا قد الشاشه اللي موجوده مره ونص في الكوزمو ،، روحتلو امبارح وهوا خيرني اركب في التوكيل ولا عندو ،، الجهاز واخد موافقه من منصور علي تركيبه بس مش من شركه gm ,, قولتلو لا ركبهولي انتا علشان مضيعش وقت ،، المهم فك الاطار البلاستيك اللي حولين لوحه مفاتيح الكاسيت وبدا يطلع وحده الصوت الاصليه وركب وحده الصوت الجديده بيركب فيها كميه وصلات كتير وبعدين فك شاشه الكاسيت الاصليه وركب الشاشه الجديده وبعدين جربنا لقيت البلوتوث اشتغل والتلفون اشتغل وبعديها حملي خراءط ال gps وركبلي الكاميرا الخلفيه والصوره بتظهر مع المارشدير في الشاشه الجديده طبعا منظر الكونسول اختلف تماما بالشاشه الجديده نيجي بقي للميزات والعيوب اللي انا شفتها خلال امبارح والنهارده ،، المميزات خراءط gps اكثر من راءعه وهيا خرايط i go حلو جدا جدا جدا ونظام التوجيه الصوتي هايل ،، الصوت بقي اعلي اعلي اعلي بفرق شاسع عن الوحده القديمه مكنتش مصدق ان ده نفس السماعات القديمه لكن طلعت السماعات هايله بس العيب في وحده الصوت القديمه لان وحده الصًوت الجديده قد القديمه مره ونص ،، كمان كل زراير اطاره اشتغلت ،. كمان تشغيل الdvd والفلام هايل علي الشاشه الجديده طبعا واكبر ميزه الكاميرا الخلفيه وانت بتركن بتسهل المواضيع لان العربيه عاليه من ورا , وكان من المميزات ان usb بقت hi speed مش low speed،، نيجي بقي للعيوب اول حاجه aux هيفضل في مكانه لكن usb القديمه هتتلغي وهيطلع سلكين بيعدوا من ورا الطابلوه داخلين في درج الطابلوه سلك لل usb والتاني لل ipod , ثانيا الصوت بقي عالي لكن جوده الصوت متهيالي قله شويه بصراحه مش قادر اجزم بده لكن الصوت بردو حلو ؛؛ ثالثا التعامل مع ملفات الصوت والاغاني اصعب وكل مره تشغل usb يعمل بحث عن الاغاني اه بياخد اقل من عشر ثواني بس حاجه رخمه ،، واخيرا مش سهل التعامل معاه لان ايقوناته كتيير جدا بس هنشوف بالوقت اكيد هنتعود علييه ،، طبعا اصوات العربيه زي الاشاره وصوت فتح الباب والشنطه اتغيروا بس لسه موجودين بس الصوت القديم احلي ،، الجهاز ب ٤،٢٠٠ والكاميرا ٢٠٠ جنيه ،، التركيب في التوكيل ب ٦٥٠ جنيه بياخد حوالي ساعتين شغل لان الفك والتركيب وكميه الوصلات مش سهله ،، انا ركبته علي بعضه بالكاميرا وكله عند الشركه المستورده ب ٤،٦٠٠ بعد فصال جامد ،، يارب اكون عرفت اعرض تجربتي وتكون الناس استفادت

أنا عندي استفسار بسيط يا دكتور هي الكاميرا بتركب فين بالظبط في ألاك صدام ولا في الشنطه وهل في مكان محدد

[m9501]

يا جماعة هو موضوع الرعشة بيحصل امتي و هو باين اوي ولا ايه عشان هخلص في العربية الاسبوع ده

[aahfly]

يا جماعة هو موضوع الرعشة بيحصل امتي و هو باين اوي ولا ايه عشان هخلص في العربية الاسبوع ده

الرعشه بتحصل لما تبقي مشغل التكيف و تقف فى اشاره ودي خلاص انتهت بنسبه ٩٠٪ عند كل اللى جابوا العربيه و عملولها update

[mo_ad]

الرعشه بتحصل لما تبقي مشغل التكيف و تقف فى اشاره ودي خلاص انتهت بنسبه ٩٠٪ عند كل اللى جابوا العربيه و عملولها update

انا عايز اعمل ال update وخايف ليكون مجرد مسكن مش اكتر ، او يكون التوكيل بيسكت الزباين وخلاص ، كمان خايف ليكون لعب فى الموتور يأثر فيه على المدى الطويل

[m.farouk]

انا عايز اعمل ال update وخايف ليكون مجرد مسكن مش اكتر ، او يكون التوكيل بيسكت الزباين وخلاص ، كمان خايف ليكون لعب فى الموتور يأثر فيه على المدى الطويل

لا متخفش هو بيعليها حاجة بسيطة متاثر فى حاجة كبرها تاكل سنة بنزين بسيطة

[shadyelbakry]

انا عرفت من مهندس فى التوكيل فى ان مفيش حاجه اسمها ابديت للسوفت وير وان موضوع الرعشه ده بسبب ان العربيه ملهاش فلتر بنزين .. تصميمها كده فنظافه البنزين بتفرق معاها جدا

[m.farouk]

انا عرفت من مهندس فى التوكيل فى ان مفيش حاجه اسمها ابديت للسوفت وير وان موضوع الرعشه ده بسبب ان العربيه ملهاش فلتر بنزين .. تصميمها كده فنظافه البنزين بتفرق معاها جدا

بص متصقدقش كل حاجة التوكيل يقولهالك لانهم بيفتوا كتير وممكن يغيروللك حاجات كتير ويدفعك مبالغ كبيره وفى الاخر العيب ميتصلحش الرعشة بسبب انى البنزين ال92 فى الحقيقة اقل من كده وهوده سبب الرعشة والعربية اصلا المفروض يتحطلها 95 والافضل 98 فكل الى بيعملوه بيعلوا المتور شوية علشان الموضوع ميبنش وبيبقى خفيف قوى ومش محسوس بس بيحصل بردوه بس خفيف جدا