رابطة مالكى استرا ( j )

[haygen]

ايه يا جماعه مفيش و لا رد؟؟؟؟ ياريت يا جماعه حد يقول الاقيه فين في القاهره

معلش يا جميل عامل عملية في دراعي ولسه داخل اهو

بص انا غيرت فردة كاوتش من عند الإيمان

المحل إسمه (الإيمان) وده متخصص كاوتشات وبطاريات لجميع أنواع العربيات

أهم حاجة وانت بتشتري قوله وريني تاريخ الإنتاج بتاع الكاوتش علي الكاوتش نفسه ويستحسن شراء كاوتش ما يكونشي مر علي انتاجه 6 شهور يعني سنه عشان ما يكونشي مركون ويعمل مشكله بعدين

وتاريخ الإنتاج المكتوب ع الكاوتش بيبقي الأسبوع / السنه

يعني مثلا لو الأسبوع ال 36 من 2013

هتلاقي مكتوب

36W/2013 او 36W-2013

وهكذا

المحل موجود في اول الدقي

تعالي عند مركز الدقي للأشعه ولف من ال U-Turn اللي بعده بشويه هتلاقي المحل علي ايدك اليمين

وكويس وعارف ربنا

انا اشتريت فرده دانلوب .. وسعرها تقريبا كان 750 او 800 جنيه لإن مقاسي انا 17x225x50

وعلي فكره ما تركبشي احسن حاجة كله زي بعضه والدانلوب سعره كويس وكمان ألماني مش اي كلام

دا انا الفرده مش قعدت 3000 كيلوا اللي كانت ف العربية وضربت سلك لوحدها وكانت كونتيننتال كمان يعني ماركة محترمه !!

خالص التحيات

[m.farouk]

ممكن الأول تبعت لشركة لكوي مولى برة
موضوع الشيب ده شكله جامد و شغال برة حلو
لكن قصة التربو دى ﻷ. لو كدة تسقط موتور تربو على بعضه 1.4 أو 1.6let أو الsidi الجديد بتاع الانسيجنيا ويبقى جنان بجنان بقى. ....

الافضل طبعا تسقط مكنة تربو ال1600 التربوا او تجيب من لاخر وتسقط مكنة الopc 2000 cc 280 حصان تقريبا

[Mr_revenger]

مساء الفل على احلى واجدع ركِيبه عربيات فى مصر كلها،،،،ملاك الاسترا

انا بصدد انضمامى للرابطه قريب عن طريق فرس الرهان الجديد،،،استرا هاتشباك ٢٠١٤ ولو انى حتى هذه اللحظه متحير ومتردد جداً فى هاتش باك ولا اجيب الكوزمو،،،،عاوزكم تفيدونى
حاجه تانيه حابب اعرف ان كان حد فيكم يعرف اى معرض او موزع لمنصور فى مدينه نصر عارض العربيه عشان عاوز اشوفها قبل ما اتدبس فيها،،،،،ولكم منى جزييييل الشكر

[dede_dodo88]

متحير ومتردد جداً فى هاتش باك ولا اجيب الكوزمو،،،،

بسيطة,, هات الهاتشباك كوزمو lol

هو على حسب انت ميولك ايه و بتحب السيدان اكتر وللا الهاتشباك..
انا عن نفسي بحب الهاتشباك و شايفها احلى من السيدان كشكل و اوسع في الكنبة ورا..
و مبروك مقدماً, و اهلاً بيك في الرابطة.. :)

[mohamed2015]

السلام عليكم

يا جماعة إن شاء اللة انا ناوي اشتري انجوي بس ناس كتير بتخوفني من اسعار قطع الغيار

[Eslam11Ali]

إزيكم يا شباب :)

دي أول مشاركة ليا في المنتدى .. أنا عاوز أشكركم بجد على الروح الرائعه دي والكلام ده ..

هحاول أحكيلكم حكايتي بسرعه .. أنا كان معايا كيا ريو، ودي كانت أول عربية ليا جبتها أول ما نزلت وعملت حادثة رهيبة بيها بعد حوالي سنه، وإتقلبت بيا على كوبري إكتوبر بسبب فرقعة في الكاوتس وما عرفتش أتحكم فيها، الحمد لله كان في شوية حاجات في رجلي ودراعي بس الموضوع عدى .. وبعد ما عدى كام شهر اهو بفكّر أشتري عربية تانية

بصوا بعد مقارنات كتيرة ما بين ..

كيا سيراتو - هيونداي إلنترا (كوري)
تويوتا كورولا - مازدا 3 (ياباني)
أوبل أسترا - فورد فوكس (ألماني وأمريكي)

إستبعدت السيراتو لغلو سعرها المبالغ فيه وكمان التابلوه ما عجبنيش
استبعدت الكورولا لنفس سبب السيراتو

المازدا بسبب إن 2014 هتنزل بعد شهر، ومش هجيب 2013 دلوقتي
والفورد لأنها مش موجودة ومالهاش توكيل محترم

إتبقى الإلانترا والأسترا .. مقارنه عجيبة ..

الإلنترا .. عربية عملية جداً، واسعه، أسعار قطع غيارها في الأرض وعند أي حد، منتشره، إعادة بيع رائعه..
الأسترا.. أمان، ثبات، شياكة، توكيل زبالة، أسعار قطع غيار وصيانات غالية جداً، إعادة البيع سيئة..

العيوب والمشاكل ..
الألنترا، مافيش تقريباً ..
الأسترا، الرعشة، الفتيش (دول أهم حاجتين ركزت معاهم من اللي إنتوا قلتوه في ال 152 صفحة اللي فاتو #لول)

المقارنة..
الأسترا، الكوزمو ب 196
الإلنترا، الهاي لاين 168

أنا ميال للأسترا جداً، عاجباني كل حاجة فيها، وهموت عليها، لكن كل بني آدم أعرفه أول ما بقوله بيقولي لأ ولسه بدري عليك على الألماني وهتصرف كل مرتبك عليها وصيانتها بكام وقطع غيارها مش عارف إيه ! من الآخر ولا واحد من صحابي نصحني بالأسترا .. بس أنا من يوم ما رحت شفتها وأنا مش متخيّل إني مش هشتريها ..

عاوزكم تنصحوني بجد .. لأني محتار جداً ..
ولو في حد معاه العربية وساكن في القاهرة وممكن نتقابل، أنا ساكن في مصر الجديدة، لو ممكن أبص عليها وهوا سايق الموضوع هيختلف معايا جداً ..

شكراً جداً وخالص تحياتي ليكم :)

إسلام علي

[a_samir2011]

متشكر جدا علي اهتمام حضرتك ورضك السريع انا هكلمهم بكرة إن شاء الله و هآلهم علي الموضوع دة ، معلش هتال عليك في سوال تاني ، ال fuel average عالي اوي عندي ، مع العلم اني اخت المسافة من المعرض لحد البيت في حوالي 3 سعات مع التكيف!؟؟؟؟

http://www.m5zn.com/newuploads/2013/...9942a66573.jpg

انا كان عندي فى الاول 13.5 لكل 100 كيلو وبعدين دلوقتي بقي 12.5 لكل 100 كيلو هو تقريبا هيقل وهيظبط لوحده والله اعلم

[m.farouk]

انا كان عندي فى الاول 13.5 لكل 100 كيلو وبعدين دلوقتي بقي 12.5 لكل 100 كيلو هو تقريبا هيقل وهيظبط لوحده والله اعلم

انا عندى 11.3 بس معظم طريقى سفر

[Mr_revenger]

إزيكم يا شباب :)

دي أول مشاركة ليا في المنتدى .. أنا عاوز أشكركم بجد على الروح الرائعه دي والكلام ده ..

هحاول أحكيلكم حكايتي بسرعه .. أنا كان معايا كيا ريو، ودي كانت أول عربية ليا جبتها أول ما نزلت وعملت حادثة رهيبة بيها بعد حوالي سنه، وإتقلبت بيا على كوبري إكتوبر بسبب فرقعة في الكاوتس وما عرفتش أتحكم فيها، الحمد لله كان في شوية حاجات في رجلي ودراعي بس الموضوع عدى .. وبعد ما عدى كام شهر اهو بفكّر أشتري عربية تانية

بصوا بعد مقارنات كتيرة ما بين ..

كيا سيراتو - هيونداي إلنترا (كوري)
تويوتا كورولا - مازدا 3 (ياباني)
أوبل أسترا - فورد فوكس (ألماني وأمريكي)

إستبعدت السيراتو لغلو سعرها المبالغ فيه وكمان التابلوه ما عجبنيش
استبعدت الكورولا لنفس سبب السيراتو

المازدا بسبب إن 2014 هتنزل بعد شهر، ومش هجيب 2013 دلوقتي
والفورد لأنها مش موجودة ومالهاش توكيل محترم

إتبقى الإلانترا والأسترا .. مقارنه عجيبة ..

الإلنترا .. عربية عملية جداً، واسعه، أسعار قطع غيارها في الأرض وعند أي حد، منتشره، إعادة بيع رائعه..
الأسترا.. أمان، ثبات، شياكة، توكيل زبالة، أسعار قطع غيار وصيانات غالية جداً، إعادة البيع سيئة..

العيوب والمشاكل ..
الألنترا، مافيش تقريباً ..
الأسترا، الرعشة، الفتيش (دول أهم حاجتين ركزت معاهم من اللي إنتوا قلتوه في ال 152 صفحة اللي فاتو #لول)

المقارنة..
الأسترا، الكوزمو ب 196
الإلنترا، الهاي لاين 168

أنا ميال للأسترا جداً، عاجباني كل حاجة فيها، وهموت عليها، لكن كل بني آدم أعرفه أول ما بقوله بيقولي لأ ولسه بدري عليك على الألماني وهتصرف كل مرتبك عليها وصيانتها بكام وقطع غيارها مش عارف إيه ! من الآخر ولا واحد من صحابي نصحني بالأسترا .. بس أنا من يوم ما رحت شفتها وأنا مش متخيّل إني مش هشتريها ..

عاوزكم تنصحوني بجد .. لأني محتار جداً ..
ولو في حد معاه العربية وساكن في القاهرة وممكن نتقابل، أنا ساكن في مصر الجديدة، لو ممكن أبص عليها وهوا سايق الموضوع هيختلف معايا جداً ..

شكراً جداً وخالص تحياتي ليكم :)

إسلام علي

ههههه اسلام انت عملت زيى بالظبط اول مدخلت على المنتدى ده،،،سهرت ٤ ساعات اقرا كل الشباب كتبوه وعاوز اقولك انى كنت برده عامل مقارنه بين الاسترا والتويوتا الجديده والاوكتافيا a7 بس طلعت الاوكتافيا عشان سعرها العالى بغباء ومشاكل الفتيس،،،،والتويوتا فقيره جدا فى التابلوه بتاعها وتقفيل تركى يا معلم،،،يبقى ان شاء الله مقداميش غير الاسترا،،،

انا واحد من الناس بدور على ركوبه،،،شياكه وراحه وامان مبدورش على انى ابيع بعد كام سنه،،،لازم عقليه اللى بيشترى المانى تكون فاهمه انه ممكن لو باع بعد كام سنه حيخسر فى الفلوس بس كسب قدامها كتيير

هى العمليه نسبه وتناسب فى قصه قطع الغيار دى ومظنش انك كل شهر حتغير فيها حاجه يعنى

وياريت برده الناس الخبره اللى هنا تقولنا رايها

[Mr_revenger]

بسيطة,, هات الهاتشباك كوزمو lol

هو على حسب انت ميولك ايه و بتحب السيدان اكتر وللا الهاتشباك..
انا عن نفسي بحب الهاتشباك و شايفها احلى من السيدان كشكل و اوسع في الكنبة ورا..
و مبروك مقدماً, و اهلاً بيك في الرابطة.. :)

تسلم يا كبير بس موضوع الكنبه اللى اكبر من السيدان ده انت متاكد منه،،،حاسه مش منطقى شويه،،،،والشنطه اخبارها ايه اصغر كتير من السيدان ولا مقبوله ولا ايه نظامها،،،وهل بتقل فى حاجه من الاوبشنز عن السيدان ولا زى ما هى

[dede_dodo88]

تسلم يا كبير بس موضوع الكنبه اللى اكبر من السيدان ده انت متاكد منه،،،حاسه مش منطقى شويه،،،،والشنطه اخبارها ايه اصغر كتير من السيدان ولا مقبوله ولا ايه نظامها،،،وهل بتقل فى حاجه من الاوبشنز عن السيدان ولا زى ما هى

أه متأكد من موضوع الكنبة ده, الهاتشباك كنبتها أوسع..
الشنطة بالنسبالي كويسة جداً و مش محتاج أكبر من كده,, بس بالتأكيد السيدان شنطتها أكبر, بس فرق المساحة مش اللي يعملي مشكلة يعني..
أنا معرفش ايه الكماليات الي نازلة في موديل 2014 الصراحة,, بس المفروض أن الهاتشباك فيها كل كماليات الكوزمو سيدان..
ممكن أبقى أصورلك العربية عندي ورا عشان تشوف عرض الكنبة و الـleg room فيها عامل أزاي..

[Eslam11Ali]

ههههه اسلام انت عملت زيى بالظبط اول مدخلت على المنتدى ده،،،سهرت ٤ ساعات اقرا كل الشباب كتبوه وعاوز اقولك انى كنت برده عامل مقارنه بين الاسترا والتويوتا الجديده والاوكتافيا a7 بس طلعت الاوكتافيا عشان سعرها العالى بغباء ومشاكل الفتيس،،،،والتويوتا فقيره جدا فى التابلوه بتاعها وتقفيل تركى يا معلم،،،يبقى ان شاء الله مقداميش غير الاسترا،،،

انا واحد من الناس بدور على ركوبه،،،شياكه وراحه وامان مبدورش على انى ابيع بعد كام سنه،،،لازم عقليه اللى بيشترى المانى تكون فاهمه انه ممكن لو باع بعد كام سنه حيخسر فى الفلوس بس كسب قدامها كتيير

هى العمليه نسبه وتناسب فى قصه قطع الغيار دى ومظنش انك كل شهر حتغير فيها حاجه يعنى

وياريت برده الناس الخبره اللى هنا تقولنا رايها

شكرا يا باشا :)
الفكرة عندي مش اعادة البيع بس، لو على اعادة البيع مش مشكلة انا مش ناوي اغير الاسترا لو اشتريتها قبل 5 سنين ان شاء الله ..
الفكرة في المشاكل؛ الرعشة، الجير، الهواء اللي على سرعات !
وغير كده قطع الغيار، والصيانات .. تكلفة كبيرة يعني !

ومحتار جداً والله ..

[K.Ossama]

تسلم يا كبير بس موضوع الكنبه اللى اكبر من السيدان ده انت متاكد منه،،،حاسه مش منطقى شويه،،،،والشنطه اخبارها ايه اصغر كتير من السيدان ولا مقبوله ولا ايه نظامها،،،وهل بتقل فى حاجه من الاوبشنز عن السيدان ولا زى ما هى

انا ماعرفش موضوع الكنبة واوبشنز الصراحة
لكن بالنسبة للشنطة فيه فرق كبير
الهاتش باك 370 لتر
السيدان 460 لتر

[K.Ossama]

نسعد بإنضمامكم لجروب رابطة ملاك الاستراhttps://m.facebook.com/groups/302485...ser=1270810815

خلى بالك....
مش المفروض وضع روابط خارجية وفقاً لقوانين المنتدى
عموماً أنا بطلت أدخل على فيس بوك.
بقى بيحرق دمى على الفاضى الصراحة وحيخلينى اخسر ناس كتير.....
هنا الدنيا ألطف بكثير

[Mr_revenger]

أه متأكد من موضوع الكنبة ده, الهاتشباك كنبتها أوسع..
الشنطة بالنسبالي كويسة جداً و مش محتاج أكبر من كده,, بس بالتأكيد السيدان شنطتها أكبر, بس فرق المساحة مش اللي يعملي مشكلة يعني..
أنا معرفش ايه الكماليات الي نازلة في موديل 2014 الصراحة,, بس المفروض أن الهاتشباك فيها كل كماليات الكوزمو سيدان..
ممكن أبقى أصورلك العربية عندي ورا عشان تشوف عرض الكنبة و الـleg room فيها عامل أزاي..

يا رييييييييت دنا عمال الف السبع لفات عشان الاقى حد معاه هاتشباك اشوفها من جوه اخبارها ايه،،،،تبقى عملت فيا جميل مش حنسهولك لو بعتلى كام صوره كده للكنبه والشنطه والصالون من جوه عموماً

اما بالنسبه للاوبشنز فنا اللى عرفتوا انهم غيروا شكل الجنط ونزلوا فيها بلوتوث،،،بس كده ،،،،اه نسيت ونازله فاميه كمان يا كبير ودى معلومات مؤكده