أسئلة عن الفيكترا

[felash]

لو سمحتوا انا عاوز اسال هيا العربية لو عاملة كيلومترات كتيير سعرها يقل في البيع جامد ولا ايه النظام
اصل انا عربيتي كنت اشتريتها من سنة ونص وكانت عاملة 190.000 ودلوقتي عاملة 201.000 فهل ده كتير ويقلل من ثمنها ولا لا
ثانيا :: انا عربيتي من شاعت ما جبتها لغاية دلوقتي صرفت عليها ما يقرب من 10.000 جنيه
(2000 كاوتش +500 بطارية + 1600 بوبينه وفلتر هوا وزيت وسيور بوجيهات + 1600 جلب مقصات وحاجات في العفشة قدام وورا +1000 بلي كاتينة وشداد دينامو + مكنة باور 750 وغيره ) هل ده طبيعي ولا انا استهلاكي زايد على العلم اني بسافر كتييييييييييير

[blazer]

هعرف ارد عليك فى جزئية
وهو انك طبيعى تصرف الرقم دا عشان العربيه عامله كيلو مترعالى و موديل قديم
وانت كدا ماشى 10000 كيلو فى سنه ونص ودا رقم قليل مش كتير ولا حاجه

[tananybasha]

طيب هو من الطبيعى انك تجيب عربية عامله 180000 و فى اقل من 4 سنين توصل 275000
فيه فرق ما بين مصاريف الركوب و مصاريف اعطال العربية
اللى انت صرفته نضافه عشان انت على طريق
انما من غير
العربية كانت هتمشى برضوا

[Hesham.H]

طول ما انت بتصرف على حاجه عطلانه او جه أوان تغيرها يبقى مافيش مشكله ... وانا من النوع ده زيك برضو ... انت بتعمل فى العربيه ليك وللسوق ... طول ما هى معاك تبقى جاهزه ولو حبيت تبيع هاتبقى حالتها تشرف
اى عربيه مستعمله بتشتريها لازم هاتصرف عليها مهما كانت حالتها
اظن انك كده عملت كل التقيل اللى فى العربيه وربنا يكفيك شرها
تحياتى

[Dr.M_baz]

كل الأوبل في هذا المعدل بالنسبه للكيلوميتر واللي صرفته في المعقول بالنسبه لصيانة سياره لسه شاريها وعايز تحافظ عليها.