اكشف؟ و اشترى من السوق و لا

[TIM.CENRO.GS]

انا المفروض انى انزل سوق الجمعة الجاية بس متردد جدذا
مش عارف اشترى من السوق ولا كونتكت كارز ولا اية؟
المهم لو حصل اكشف على العربية فين وبكام وركز على ايه(مفيش مانع من التوكيل).....علما بانى اول مرة اشرى عربية و محدش معايا خلص لونلى وكمان عمرى ما اتعاملت مع المانى خالص بس حابب اركب اوبل فيكترا موديل 2000 تكون 1600cc مانيوال
ف اي رأيكم اعمل اية والموديل اللى امامختارة دة تمام ولا
فيصل -الجيزة

[ashourashour]

ابعد عن السوق و غنيله

[TIM.CENRO.GS]

تسلم

ابعد عن السوق و غنيله

والله انا كنت زهقت وقلت هيا ابوها السوق وبعد كدة لو كشفت بالغالى توكيل يعنى هابقى متاكد من حالة العربية
بص انا شوفت وحدة 96 مانيوال عاملة 240000km فابريكة عدا الاكصدامت حالة جيدة مش ممتازة بس مكنة ايكو تك وبيقولى فيها تربو!!!!! على جنب الموتور علبة سودة كده(معلش انا جاهل وابل) طالب 48000؟

[ashourashour]

والله انا كنت زهقت وقلت هيا ابوها السوق وبعد كدة لو كشفت بالغالى توكيل يعنى هابقى متاكد من حالة العربية
بص انا شوفت وحدة 96 مانيوال عاملة 240000km فابريكة عدا الاكصدامت حالة جيدة مش ممتازة بس مكنة ايكو تك وبيقولى فيها تربو!!!!! على جنب الموتور علبة سودة كده(معلش انا جاهل وابل) طالب 48000؟

يا ساتر يا رب ... عداد كبير اوي

و معتقدش انها فبريكه لو فبريكه هتلاقي البويه مكلحه و جربانه عالاخر !؟

و ايكو تك و مانيوال .. يا مسقط موتور يا العربيه مش منصور

ودا ولا تيربو ولا يموت للتربو بصله و الناس مش هتبطل تقول عليه تربو مفيش فايده !!! دا حتت بلور عشان الكاتليزر ملوش لازمه

[amrelsaqqa]

ابعد عن السوق و غنيله

طيب ايه البديل ؟

[ahmed_hanafi]

شوف في كونتكت وان شاء الله تلاقي حاجة كويسة

[holomox]

نصيحة لله مترحش السوق الا لو معاك واحد فريز ميه ميه وتكون ضامنه لانى كنت السوق اللى فات هناك بشترى
والعربيات كلها مضروبة
تلاقى العربية رشة كلها ويقلك رشة اكصدامين
وعربية تانية رشقة فى قايم من القوايم ورشة جنب فى الشنب ويقلك فبريكة جوه وبره

ربنا يوفقك وتلاقى عربية نضيفة ونصيحة لله متستعجلش

ولو مش بتسافر بره محافظتك يبقى خليك فى الفيرنا ولو عاوز تستنضف قوى هات فيرنا أوتوماتيك دى بتبقى كورى ومفيهاش لعب مصرى على حد علمى والله أعلم

[kar!m]

الفيكترا ال 97 لو راحت التوكيل مش هيديك التقرير في ورقه .. هيديهولك في كشكول :-)

و معتقدش ان صاحب أي عربيه موديل قبل 2000 هيوافق انه يكشف في التوكيل .. خصوصا اذا كان مغير الموتور زي اللي انت بتقول عليه ده.

بس نصيحه لو هتجيب أوبل لازم تكشف عليها في التوكيل .. عشان فيها حاجات كتير لازم تعرف حالتها بالضبط.

[TIM.CENRO.GS]

الله ينور

كده مفيهاش سوق ربنا يكرم كدة ان شاء الله وجيب وحدة حلوة
وشكلى اكدة هاثبت على موديل 2000
لو شوفت حاجة تانية هابقى اقول وتساعدونى فى الاختيار ISA
يسلم كل الشباب اللى ردت واللى عدت
ولو فى حاجة حلوة يريت حد يقول

[tananybasha]

السوق اختيار فاشل
الأوبل يا تشتريها من اول مالك
يا اما تكون عارف صاحبها

[romiobasha]

السوق اختيار فاشل
الأوبل يا تشتريها من اول مالك
يا اما تكون عارف صاحبها

[abdohero]

صدق اللي قال الاوبل عربية بشوات متخدهاش من تحت ايد شحات هههههههههه

[Dr.M_baz]

صدق اللي قال الاوبل عربية بشوات متخدهاش من تحت ايد شحات هههههههههه

حلوه أوي المقوله ديه ..... بس تصدق عين الصح.

[holomox]

صدق اللي قال الاوبل عربية بشوات متخدهاش من تحت ايد شحات هههههههههه

أول مرة أسمعها بس جامده جدا وتعبر عن أرض الواقع

[tananybasha]

صدق اللي قال الاوبل عربية بشوات متخدهاش من تحت ايد شحات هههههههههه

انا صاحب هذا المثل
حقوق الطبع محفوظه