شراء فيكترا 96

[buddha]

ابنائى واهلى وعشيرتى

يا شباب معروض عليا فيكترا 96 الشكل القديم 2000 سى سى اوتوماتيك مش فبريكة بس بحالة الزيرو مبتتركبش اصلا

الراجل عايز 45000
اية الكلام وكمان هو مش عايز ينزل ولا جنية

اشترىها ولا nooooooo

[tananybasha]

يعنى عامله كام كيلو اللى بحالة الزيرو
و كمالياتها ايه اللى شغال و ايه اللى لأ
هى العربيات شدت شوية
بس انا مش متابع اسعار

[cayman69300]

بص يا باشا
لسة واحد باسيوط بايع عربية فكترا نبيتى 2000 سى سى اوتو موديل 95 فبريكة برة و جوة طبعا
و عايزة شوية شغل فى حدود 2000 جنية
بايع العربية بـ 45000 جنية و العربية مش واوووووو يعنى كويس و معقولة
فالسعر دة زى الفل
و اللى يقولك قدامى عربية فكترا اية يعمل 35000 و زيرو : رد عليه و قوله : اتشملل و شد حيلك و هات واحدة
و الله الموفق

[buddha]

شكرا يا شباب على الردود

انا استلمت العربية خلاص
صراحة ناس كتير قالتلى حوار 45 الف فى الشكل القديم كتير قوى .... انا كنت ناوى اكنسل الموضوع كلة
بس روحت واتفرجت على العربية بصراحة نضيفة جدا جدا
كلها جلد من جوة ولا اى حاجة مقطوعة ولا مشققة سوى فى فبرة بطول البربريز فى اخر التابلوة متكسرة وملحومة الراجل قالى انها مش جزء من التابلوة وهى اتكسرت لما غير زجاج امامى

الزجاج الخلفى مش راضى يفتح ولا يقفل (حصل موقف الزجاج الخلفى فتح نصفة صدفة وانا بحاول معاة ومرضييش يقفل نهائى) ربنا يستر والعربية ما تتسرقش لحد الصبح انا راكنها تحت البيت وسط الزرع ومحضن على الزرع جامد عشان محدش يشوف الحوار دة

غير كدة العربية مفيهاش غلطة جنوط اسبور وكوتشات جديدة HIGH SPEED
وانا بكرة الكاوتشات الرفيعة الرياضية بسبب المطبات بس الجنط الاسبور نفسة شكلة تحفة
العربية لونها حمراء مفيهاش خربوشة سوى اسفل الاكصدام الامامى
الموتور عفى وبحالة اعتقد فوق الجيد الكيك داون جميل
نور التابلوة ضعيف ومش عارف افتح النور بتاع الصالون بدون فتح الابواب
مش عارف الشنطة بتتفتح ازاى
فين قربة المية النظام مختلف هنا بقى يعنى بتتعامل القربة معاملة الردياتير يعنى ما ينفعش افتحها والعربية سخنة
صراحة مش عارف انتو بتملو مية فين وازاى

العربية فيها مصفحة من الاسفل ودة جميل جدا عشان الطرق الروعة فى مصر
عداد السرعة مش شغال (هل هو سينسور ولا واير)

الحرارة اثناء الشد والجرى فى الطريق المفتوح 90
الحراة جوة البلد 95او اقل سنة هى لو علية بتكون وسط ال 100 وال 90
هل طبيعى كدة

انا متعود على اليابانى درجة الحراة عمرها ماتوصل 70 اصلا فى اسواء الظروف


فى مشكلة الراجل قالى عليها ان التكيف عايز فريون فقط

فى حاجة كمان انا طبعا لسة نازل من هوندا سيفيك si
كانت طلقة وانا غاوى شد من بداية الانطلاق

اية اخبار قوة تحمل الموتور دة والفتيس
بصراحة بداية صوتة عاجبنى قوى لما اقرص علية
سعر الفتيس دة كام عشان حاسس انة مش هيعمر معايا


الحاجات ال انا مضايق منها وزن العربية حاسس انى سايق 1/2 نقل اليابانى رشيق جدا عنها
الفرامل اقل بكتير من بتاعة الهوندا تقريبا عشان بردة الوزن فارق فى الاستجابة
حجم العربية ضخم وانا متعود على بساطة اليابانى

لو سمحت بقى محتاج نصايحكم فى العربية عشان انا مييييح فيها طبعا
اخبار قطع الغيار اية وهل الصنيعية بتفهم فيها عادى

فى النهاية العربية خلصتها على 44 الف بعد طلوع الروح راجل رخمممم قوى وعارف ان العربية تستاهل

[TIM.CENRO.GS]

متابع

[محمد طايع]

الف مبروك عليك العربيه اولا ...
تعليقى الوحيد انك استعجلت لما اخدت العربيه بالسعر ده وتكييفها مش شغال
طبعا اتمنى ان الموضوع كله يكون شحن فقط زى ما الراجل قال لكن عموما حوار التكييف ده مكلف فى الفيكترا لو لا قدر الله العربيه فيها مشكله
فنتمنى ان الموضوع يكون بسيط وربنا يباركلك فيها

[cayman69300]

الف مبروك عليك العربيه اولا ...
تعليقى الوحيد انك استعجلت لما اخدت العربيه بالسعر ده وتكييفها مش شغال
طبعا اتمنى ان الموضوع كله يكون شحن فقط زى ما الراجل قال لكن عموما حوار التكييف ده مكلف فى الفيكترا لو لا قدر الله العربيه فيها مشكله
فنتمنى ان الموضوع يكون بسيط وربنا يباركلك فيها

عداك العيب
كلام زى الفل
مش الراجل ضرب القرشين كلهم - كان من حقك تكشف على العربية من الالف الى الباء
على العموم لو فى باقى فلوس قوله على حكاية التكييف و انا هشرحلك كل حاجة على العربية من الالف الى الياء

[mifs]

الف مبروك عليك
شوف بس موضوع التكييف
عدا السرعة واير في الفيكترا ايه
تشغيل لمبة الصالون شد بكرة النور عليك
الموتور والفتيس انسى قوة التحمل وانسى الياباني كله
الفرامل ضعيفة ايوة في الفيكترا ايه اضعف من اللي بعدها كله لكن راجع عليها ممكن يكون في عيب مزود ضعفها
موضوع الحرارة احنا لسه الجو بارد يعني المعدلات دي عالية شوية

[haitham2011]

الف مبروك و ربنا يديك خيرها و يكفيك شرها
نور الصالون شد مفتاح النور اللي في التابلوه عليك هتلاقي النور وصل بالسلامه
اعمل السيرفبس بتاعها و شيك عالتيول كلها لان فرامل الالماني احسن من الياباني
وزن العربيه التقيل - نص نقل - ده اللي مخليها وحش ثبات عالطريق
عداد الحراره عندنا فعلي بيقرا درجه حراره فعليه مش زي الاسيوي ماسك مستوي معين تسخن و مروحه تشتغل و هي مديه نفس القرايه
و استني راي الخبرا هيفيدوك اكتر مني

[احمد فهمى]

مبروك اولاً ولو التكيف مشتغلش ارجعلو لأن الرقم لعربيه تكيفها شغال وكامله ويعنى ايه عايزا شحن؟؟ الفريون مبيخلصش غير لو فى مشكله والموضوع ممكن يدخلك فى 4 الاف جنيه روح اشحن ومتسبش حقك وواضح ان التيول والطنابير محتاجين تغيير

[cayman69300]

على فكرة العربية الاوبل و تحديدا الفكترا اية و عن تجارب
تتمرمط و تتفحت شغل تمشى معاك زى الفل - تريحها تهريك اعطال

[buddha]

شكرااااااااااااااااااااااااااا جزيلا تيم اوبل نايل موتورز

خد دى !!!!!!!!!!!!!!!!!!!!!!!!
العربية كانت مركونة مبتمشيش من حوالى 5 اشهر
المفاجئة............. مشيت بيها الصبح لقيت الحرارة عدت ال95 وقفت مكانى وبطلت العربية لقيت بركة مية ضربة تحت العربية
اوبااااااااااااااااااااا
اتصرفت فى جركن كبير مليت وجريت على بتاع ردياتير كان خرطوم مشقق وضرب
قولت ننضف دورة التبريد عشان نازل كمية صداء خرافية
مشييت اجرب العربية قبل ما انضف العربية اخرها 20 كم/س
ولو دوست تسقف ....صلاة النبى ((((((جوان وش سلندر)))) حبيب قلبى
رجعت لميكانيكى اكد انها جوان فك يا حبيبى المكنة من الساعة 11 الى 8.30 باليل غير الجوان بواحد اصلى وعمل اللازم
دور الموتور ماشاء الله مية نازلة من الشكمان بس فجاءة تشيك انجن نورت والحريق خارج فية كربون
لية بقى تشيك انجن هل فية فيشة حساس مش راكب كويس مش مشكلة دلوقتى خالص اهم حاجة دارت وبقت كويسة نسبيا
الراجل رمى كلمة ان الوش نفسة فية بارومة ومع الوقت لازم يتغير ...... ا>اى دة الومنيوم مبيعملش بارومة؟؟؟؟؟؟؟؟؟؟؟؟؟؟؟؟؟؟؟؟؟؟؟
مجرد صداء

وشال الترموثتات وقال دة باظ وقفش من ركنة العربية
بس الحرارة مرة 90 وفى الزحمة 95 او 97
وتنزل تانى ... ناس بتقول ان الالمانى دة طبيعتة ؟؟؟؟؟؟؟؟؟؟؟؟؟؟؟

اية الاستقبال بتاع الاوبل دة هى مش حبانى اظاهر كدة


مستنى الردود اكيد بفارغ الصبر

[cayman69300]

و لا يهمك
عادى هتصرف و فى الاخر هتلاقى عربية محترمة جدا
بس امشى معانا حبة حبة و ثق تماما هنقولك الراى السليم اللى بيوفر كتير جدا
يعنى ممكن تتعك فى مصلحة تكلفك باكو و دى تكون اشتغالات
لكن لو سالت الرجالة هنا هتلاقة المصلحة تخلص بـ 20 جنية فقط
الكلام دة عن تجربة

[TIM.CENRO.GS]

ارحع له

باشا ارجعلو لو فعلا فى حوار او حاجة
و ولو قال انت باركت البيعة قلوا انا باركت على عربية تكييفها شغال!!!!
يا تاخد ال4000 ج

[jemy_tnt]

بص يا باشا
لسة واحد باسيوط بايع عربية فكترا نبيتى 2000 سى سى اوتو موديل 95 فبريكة برة و جوة طبعا
و عايزة شوية شغل فى حدود 2000 جنية
بايع العربية بـ 45000 جنية و العربية مش واوووووو يعنى كويس و معقولة
فالسعر دة زى الفل
و اللى يقولك قدامى عربية فكترا اية يعمل 35000 و زيرو : رد عليه و قوله : اتشملل و شد حيلك و هات واحدة
و الله الموفق

اولا ايه اخبارك يا دكتور و عامل ايه
ثانيا هو اسعار الاوبل ضربت اوى كده ولا ايه ده انا عربيتى القديمه اللى انت شفتها اتعرضت عليا من حوالى شهر و كانت على 30 و انا اللى مرضتش