موتور Astra 2013

[AmrSalahYehia]

كنت عايز أعرف هو موتور الاسترا 2013 اوبل الماني ولا لأ وتقفلها فعلا في بولندا ,عشان سمعت إن العربية مفيهاش حاجة الماني وموتورها من المجر ,ياريت تفيدوني في الموضوع ده

[romiobasha]

اظن ان الماتور المانى الصناعة
صعب اى بلد تانى من اللى قولت عليهم يصناعوه ممكن يقفلوا العربية او تصنيع بعض الحاجات ال UN critical

[toty_305]

-هي Opel معظم حاجتها اتحاد أوروبي مش ألماني ألماني يعني و فعلا متقفله في Poland

[essam wahby]

هية تقفيل بولندي .... لكن موتور مجري دي صعب اوي واللي عرف انه مجري عرف ازاي ؟؟؟؟؟ ﻻ اعتقد ذلك ؟؟؟ مفيش موتور بيبقي مكتوب عليه صنع في بلد كذا ؟ لكن الاهم ان موتوؤها بسم الله ما شاء الله زي الفل ناعم وهادي وسحبها معقول في ظل وزنها الثقيل اللي بيديها ثبات

[Formulator]

الـassembly بتاع مواتير الـ1.6 EcoTEC و 1.6T والـ1.6T SIDI فـ مصنع Szentgotthard فـ بولندا..

وده لا يقلل أى حاجة لا من الموتور ولا العربية؛ لسبب بسيط جدا:
- ان حتى العربيات اللى بتنزل Opel فـ ألمانيا نفسها و Vauxhall فـ إنجلترا... بتاخد مواتيرها من نفس الـplant؟!!

المهم: المكونات (GM-Opel-Bosch) دى مصادرها معروفة :)

باقى المصانع اللى بتعمل الموتور ده: فـ كوريا (لأسواق آسيا) والمكسيك (لأسواق أمريكا)!
اللى بيجيلنا مصر Euro -طبعا ليه مواصفة Octane وبيئة Euro IV/V زى أوروبا بالضبط.

Rgds،

[hossam_elwani]

الـassembly بتاع مواتير الـ1.6 ecotec و 1.6t والـ1.6t sidi فـ مصنع szentgotthard فـ بولندا..

وده لا يقلل أى حاجة لا من الموتور ولا العربية؛ لسبب بسيط جدا:
- ان حتى العربيات اللى بتنزل opel فـ ألمانيا نفسها و vauxhall فـ إنجلترا... بتاخد مواتيرها من نفس الـplant؟!!

المهم: المكونات (gm-opel-bosch) دى مصادرها معروفة :)

باقى المصانع اللى بتعمل الموتور ده: فـ كوريا (لأسواق آسيا) والمكسيك (لأسواق أمريكا)!
اللى بيجيلنا مصر euro -طبعا ليه مواصفة octane وبيئة euro iv/v زى أوروبا بالضبط.

rgds،

احب انا الردود الى من الاخر

انت دايما الزعيم الفنى والمعلوماتى والتقنى

يعنى الكروز بنفس الموتور الى فى الاسترا تصنيع كورى من الالف الى الياء ولا تقفيل بس ؟؟

وسؤال على الهامش وبدون تكليف هو انت مهندس ميكانيكا ؟؟

[K.Ossama]

معلوماتى ان الموتورين متشابهين بس مش نفس الموتور

[K.Ossama]

موتور الأسترا اسمه A16XER بقدرة 115 حصان
موتور الكروز اسمه LXV بقدرة 111 حصان
ممكن الأستاذ Formulator يراجع ويقوللنا

[hossam_elwani]

موتور الأسترا اسمه A16XER بقدرة 115 حصان
موتور الكروز اسمه LXV بقدرة 111 حصان
ممكن الأستاذ Formulator يراجع ويقوللنا

كان الاخ Formulator قبل قايل كده انه نفس الموتور وانا لما كنت فى معرض منصور وقارنت بين الاتنين على الطبيعه مفيش مسمار متغير عن التانى بين الموتورين

[K.Ossama]

كان الاخ Formulator قبل قايل كده انه نفس الموتور وانا لما كنت فى معرض منصور وقارنت بين الاتنين على الطبيعه مفيش مسمار متغير عن التانى بين الموتورين

مفيش كلام بعد المعلومة إللى جايه من على الطبيعة

[hugan]

متابع
اللي اعرفه ان دول اوربا
علشان هم شعوب محترمه
كل دول الاتحاد الاوروبي يتشغل بعض
يعني
مفيش منتج بيكون قاصر علي دوله واحده
لو عربيه مثلا تلاقي موتورها من بولندا
ومساعدينها من بلجيكا
والفرش من ايطاليا
والكاوتش من فرنسا
زي عادل امام كده
الكلام ده شفته علي ناشيونال جيو جرافيك
عن تصنيع الفيراري
اجزاء العربيه متجمعه من اكثر من دوله في اوروبا