قصتي مع كاوتش الاسترا ٢٠١٢

[Z100100]

كنت ماشيه بالعربيه( استرا هاتشباك ٢٠١٢) و بعدين كان في سيخ حديد صغير طالع من الرصيف فكوتش العربيه لمسه ففرقع فوقفت و غيرته بالاستبن و طبعاً انتو عارفين الفرق الشاسع ،
الكاوتش الاصلي نوعه هانكوك مقاس 215/50/17
Willkommen bei Facebook
المشكله بقي ان الكلام ده حصل في اسكندريه و انا اصلاً من كفرالشيخ
المهم انطلقت تاني يوم من ١٠ الصبح لف علي المحلات اسأل علي نفس النوع عشان عايزه اسافر بلدي اني الاقيه لا يمكن و واحد يبعتني لواحد و ناس تسألي بالتليفون و برضه مفيش فايده و لقيت نوع غريب كده اسمه سبكترا طبعاً ما رضتش اخده
قلت اكلم منصور قلتله قولي علي مكان حالاً اروح اشتري منه فرده كاوتش فكان وقتها اقرب مكان ليا اثناء اللف منصور فرع سوحه في بنزينه موبيل
رحت هناك قالولي مفيش اي وكيل ليه علاقه بالكاوتش فشديت معاهم و قلتلهم اتصرفو يعني اتحرك ازاي انا كده محبوسه في اسكندريه و لما تنزلو عربيه لازم توفرولها كل حاجه حتي الكاوتش و طبعاً كالعاده مابتخدش حق و لا باطل منهم و بعد لف ٥ ساعات بالظبط لقيت كاوتش نفس المقاس و قريب من النقشه حوالي ٩٠٪ بس كومهو مش هانكوك
و رجعت علي كفرالشيخ علي طول

[amr elsisi]

طيب مش الاستبن نفس النوع خلية راكب
وهاتي اي نوع يكون استبن
وكدة كدة ان شاء الله حيتغيرو مش حيعيشو العمر كلة
وفي بريدجستون ياباني انضف من الهانكوك

[mido888]

ألف حمد الله على سلامتك يابنت بلدى والحمد لله ان ربنا وفقك ولقيتى حاجه قريبه من كاوتش العربيه

[K.Ossama]

قدر الله وما شاء فعل. الحمد لله على السلامة

هو الإستبن فى الهاتش باك مقاسه صغير ولا ايه؟

[misoalex]

اسكندريه فيها اكتر من 3 فروع لبريدجستون ازاى مروحتيش لفرع فيهم واصلا فيه فرع فى سموحه فى الشارع اللى فى وش بنزينه موبل اللى فيه منصور يعنى 3 دقائق وكنتى تبقى عندهم وهما يتصرفو
وفيه فرع على البحر قبل المحروسه وفيه فرع فاتح جديد فى رشدى عند نادى القضاه وفيه فرع فى شارع ابو قير فى جناكليس عند جامع يحى وده قريب من سان استيفانو جدا

لو كنتى عملتى موضوع وانتى فى اسكندريه قبل ما تلفى وتدورى كنا احنا قولنالك تروحى عند مين
قدر الله وما شاء فعل الحمد لله انك اتصرفتى

[Z100100]

طيب مش الاستبن نفس النوع خلية راكب
وهاتي اي نوع يكون استبن
وكدة كدة ان شاء الله حيتغيرو مش حيعيشو العمر كلة
وفي بريدجستون ياباني انضف من الهانكوك

الاستبن ما يجيش ربع الكاوتش الاصلي مش جنوط كمان
و مكتوب عليه اقصي سرعه ٨٠ ك

[Z100100]

ألف حمد الله على سلامتك يابنت بلدى والحمد لله ان ربنا وفقك ولقيتى حاجه قريبه من كاوتش العربيه

الله يسلمك
لقيت الحمد لله

[Z100100]

قدر الله وما شاء فعل. الحمد لله على السلامة

هو الإستبن فى الهاتش باك مقاسه صغير ولا ايه؟

صغير جدا
شوف الصوره

و كمان مكتوب عليه قصي سرعه 80 ك

[Z100100]

اسكندريه فيها اكتر من 3 فروع لبريدجستون ازاى مروحتيش لفرع فيهم واصلا فيه فرع فى سموحه فى الشارع اللى فى وش بنزينه موبل اللى فيه منصور يعنى 3 دقائق وكنتى تبقى عندهم وهما يتصرفو
وفيه فرع على البحر قبل المحروسه وفيه فرع فاتح جديد فى رشدى عند نادى القضاه وفيه فرع فى شارع ابو قير فى جناكليس عند جامع يحى وده قريب من سان استيفانو جدا

لو كنتى عملتى موضوع وانتى فى اسكندريه قبل ما تلفى وتدورى كنا احنا قولنالك تروحى عند مين
قدر الله وما شاء فعل الحمد لله انك اتصرفتى

طبعا رحت بريدجستون اللي في ابو قير قدام الجامع
و واحد اسمه الباحه
وسعيد فيي مصطفي كامل
و واحد في ميامي اسمه صادق
وكل اللي قابلته في سكتي وقفت سالته

معلش كنت مستعجله و عايزه اسفر
بس والله نايل موتورز جه علي بالي و انا بلف

[mahmoud_afifi]

قدر الله وما شاء فعل
الكاوتش الي اتخرم ده بقى ماتحاوليش تصلحيه عشان مش هيبقى أمن خالص. وبالنسبه لأن التوكيل يوفر كاوتش زي الي بتنزل بيه فتقريبا المشكله دي في معظم التوكيلات مش منصور بس.

بالنسبه للكاوتش الكومهو الجديد, يفضل تمشي عليه مؤقتا لغاية لما تلاقي كاوتش نفس النقشه عشان غلط يبقى في فرده نقشتها مختلفه.

[Z100100]

قدر الله وما شاء فعل
الكاوتش الي اتخرم ده بقى ماتحاوليش تصلحيه عشان مش هيبقى أمن خالص. وبالنسبه لأن التوكيل يوفر كاوتش زي الي بتنزل بيه فتقريبا المشكله دي في معظم التوكيلات مش منصور بس.

بالنسبه للكاوتش الكومهو الجديد, يفضل تمشي عليه مؤقتا لغاية لما تلاقي كاوتش نفس النقشه عشان غلط يبقى في فرده نقشتها مختلفه.

انا رميت البايظه ده فيها مش خرم عادي ده قطع قد عقله الصباع تقدر تمسكه بايدك
بس علي فكره النقشتين ٩٠٪ زي بعض ، برضه كده ماينفعش؟
و كمان انا حطيتها ورا يعني الفردتين اللي قدام الاصلي بتوع العربيه و اللي ورا واحده كومهو و احده هانكوك

[mahmoud_afifi]

انا رميت البايظه ده فيها مش خرم عادي ده قطع قد عقله الصباع تقدر تمسكه بايدك
بس علي فكره النقشتين ٩٠٪ زي بعض ، برضه كده ماينفعش؟
و كمان انا حطيتها ورا يعني الفردتين اللي قدام الاصلي بتوع العربيه و اللي ورا واحده كومهو و احده هانكوك

حصل معايا موضوع القطع وبرضه قد عقلة الاصبع ولما صلحته لقيته بيسرب والاعضاء جزاهم الله خير عرفوني انه اصلا مش أمان. وطبعا رميته وجبت جديد

بخصوص موضوع ان النقشه متشابهه بنسبة 90%. هي بتفرق في الفرمله بس بنسبات متفاوته. يعني كل ما النقشه كانت مختلفه هتلاقي العربيه بتحدف. حتى اختلاف ضغط الكاوتش لو قليل بيفرق في الفرمله.
اما ان حضرتك حطتيه ورا متهيألي الأثر هيبقى اقل والله اعلم. ان شاء الله حد يفيد حضرتك اكتر مني

[Z100100]

حصل معايا موضوع القطع وبرضه قد عقلة الاصبع ولما صلحته لقيته بيسرب والاعضاء جزاهم الله خير عرفوني انه اصلا مش أمان. وطبعا رميته وجبت جديد

بخصوص موضوع ان النقشه متشابهه بنسبة 90%. هي بتفرق في الفرمله بس بنسبات متفاوته. يعني كل ما النقشه كانت مختلفه هتلاقي العربيه بتحدف. حتى اختلاف ضغط الكاوتش لو قليل بيفرق في الفرمله.
اما ان حضرتك حطتيه ورا متهيألي الأثر هيبقى اقل والله اعلم. ان شاء الله حد يفيد حضرتك اكتر مني

ربنا يسترها معانا كلنا و الفتره الجايه هركز اذا كان في اختلاف في الحاجات اللي قلتها ولا لا

[K.Ossama]

ماقلتيش صحيح جبتيها بكام؟

[Evo]

هو إزاي ينزلوا الاسترا بهانكوك !!