بقيت اوبلاوى الحمد لله :) شويه استفسارات لملاك استرا 2000

[Ramyhamdy]

السلام عليكم و رحمه الله و بركاته

الموضوع بدا معايا لما بعت النيسان بتاعتى و بعديها بيومين نزلت السوق و لقيت اوبل استرا 2000
فبريكه جوه و بره و فتحه سقف و airbag
مانيوال 1200cc
خلصت فيها بعد ما كشفت عليها و الحمد لله طلعت سليمه بس فيها شغل بسيط

1-تيل فرامل خلفى لان الدواسه بتتهز تحت رجلى لما بهدى على 70
2- فرش و سقف لان العربيه من جوه تحس ان كان فى كلبين بيلعبوا مع بعض جواها بس الطبلوه مفيهوش حاجه
3- تغير زيت
4- زجاج امامى

طبعا كالعاده نزلت و بدات الشغل روحت مليت التيل و الدنيا تمام و اجلت حكايه التغير شويه
غيرت زيت و فلتر و زجاج امامى
بعد تجربه الفرامل لقيت انها محتاجه تيل و طنابير امامى

جبت تيل ب 140 المانى sk
طنابيرالمانى ب 340 مش فاكر الماركه اوى كانت maylo او حاجه كده

جبت فرش المانى و حاليا السقف بيتشد و الحمد لله اتعمل و هيتركب بكره هو و الفرش و هيتفصل جلد برضه لمقبض الفتيس و الهاند
المهم انى اول مره اركب المانى بصراحه كان نفسى اركبه من زمان
لانى فى اليابانى من ساعه لما ركبت اول عربيه ليا
ثبات و سرعه ما شاء الله

-المهم ان الفرامل لحد دلوقتى بتتهز تحت رجلى مش عارق ليه و بسمع ونه فى العجله الى ورا يمين مع العلم ان العجله دى فيها مسمار مفوت و مربوطه ب 3 بس
و الرابع كروكى كده
و انهارده لقيتها بترف رفه بسيطه و السايس بيركنها


- غير كده العربيه بدوسلها على السالنسيه بنزين مبتجريش بتفضل ثانيتين مكتومه بعديها بتجرى جامد مش عارف هل ده عيب في حاجه ولا يمكن عشان عربيتى الى قبليه كانت كربراتير
- لما بفتح التكيف فى لمبه صفرا عليها علامه سربنتينه و مروحه بتفضل شغاله و دى قلقتنى اوى اول مره لحد ما بصيت فى الكاتلوج لقيت انها من الطبيعى تشتغل مع التكيف علما بان الحراره نزلت للربع و هى فى الطبيعى فوق النص ب سنه بسيطه
بس عايز اعرف فايدتها ايه دى و تخص ايــــه فى المكنه

-العربيه من 5 ايام عطلت بيا و كنت شاكك فى حساس الكرنك بس طلعت فاضيه بنزين مع ان العداد قارى ربع التانك
المهم انها العوامه بس ازاى و العداد لما بفول بيزيد لحد اخره و بيفضل قارى طو الوقت و بينقص يمكن يكون فى تاخير فى المؤشر ؟؟!!

مستنى ردودكم و بجد انا حابب اوبل جدا رغم انها تعبانى فى الاول بس اشطه تماااام

[sherif moneer]

ألف مبروك يا باشا و ربنا يديك خيرها ويكفيك شرها
ونورت قسم اوبل :)
المهم كشفت كمبيوتر ولا لأ؟؟؟؟؟؟؟؟؟؟

[Ramyhamdy]

ألف مبروك يا باشا و ربنا يديك خيرها ويكفيك شرها
ونورت قسم اوبل :)
المهم كشفت كمبيوتر ولا لأ؟؟؟؟؟؟؟؟؟؟

لا يل باشاو الله كان نفسى اكشف عليها كمبيوتر بس مكنش جنبى حد قريب عنده كمبيوتر اوبل

عمتاً انا عايز اكشف عليها حضرتك متعرفش المكان فيــن ز تكلفتها كــــــــــــــــــــــــام ؟؟

[brain2020]

الكشف تقريبا فى حدود ال 50 جنيه وانت ساكن فين عشان نقولك على مركز قريب
بالنسبة لسحب الاسترا ال 1200 اكشف على حساس الهوا و البوجيهات عموما هيا سحبها هادى بس بتوصل سرعتها ع الطريق السريع لفوق ال 170 كيلو مع ثبات عالي ( مع افتراض سلامة العفشة) وانت بتشوف موضوع الطنابير والفرامل ابقى كمان اكشف على الكاوتشات وشوف تاريخ انتاجه والترصيص لو الدركسيون بيتهز معاك ع السرعة العالية وابقى راقب الميه اما موضوع البنزين هى موفرة جدا وتقدر تكشف على عوامة التنك هو تحت الكنبة وغير فلتر البنزين بالمرة

[zrzr1]

انت محتاج تشوف حوار العجله اليمين ورا
دد متسكتش عليه,, ثانيا محتاج تغير الفلاتر بنزين وهوا واكيد حضرتك غيرت فلتر الزيت وانت بتبدل الزيت
ثالثا اكشف كمبيوتر ولو فيه حاجه هتظهر ف الكشف
مبروك عليه يا ريس نورت العصابه ويديك خيرها ويكفيك شرها.. متنساش ترد علينا عملت ايه

[zrzr1]

ونسيت اقولك البوجيهات كمان بالمره

[MaaM]

مبارك عليك ، بس ماظش ان ده شغل بسيطـ
العربية محتاجة شغل وشكلها كدا لسا هاتفتح معاك ، ربنا ييسرها عليك

[احمد فهمى]

السلام عليكم و رحمه الله و بركاته

الموضوع بدا معايا لما بعت النيسان بتاعتى و بعديها بيومين نزلت السوق و لقيت اوبل استرا 2000
فبريكه جوه و بره و فتحه سقف و airbag
مانيوال 1200cc
خلصت فيها بعد ما كشفت عليها و الحمد لله طلعت سليمه بس فيها شغل بسيط

1-تيل فرامل خلفى لان الدواسه بتتهز تحت رجلى لما بهدى على 70
2- فرش و سقف لان العربيه من جوه تحس ان كان فى كلبين بيلعبوا مع بعض جواها :e_braces[1]: بس الطبلوه مفيهوش حاجه
3- تغير زيت
4- زجاج امامى

طبعا كالعاده نزلت و بدات الشغل روحت مليت التيل و الدنيا تمام و اجلت حكايه التغير شويه
غيرت زيت و فلتر و زجاج امامى
بعد تجربه الفرامل لقيت انها محتاجه تيل و طنابير امامى

جبت تيل ب 140 المانى sk
طنابيرالمانى ب 340 مش فاكر الماركه اوى كانت maylo او حاجه كده

جبت فرش المانى و حاليا السقف بيتشد و الحمد لله اتعمل و هيتركب بكره هو و الفرش و هيتفصل جلد برضه لمقبض الفتيس و الهاند
المهم انى اول مره اركب المانى بصراحه كان نفسى اركبه من زمان
لانى فى اليابانى من ساعه لما ركبت اول عربيه ليا
ثبات و سرعه ما شاء الله

-المهم ان الفرامل لحد دلوقتى بتتهز تحت رجلى مش عارق ليه و بسمع ونه فى العجله الى ورا يمين مع العلم ان العجله دى فيها مسمار مفوت و مربوطه ب 3 بس
و الرابع كروكى كده
و انهارده لقيتها بترف رفه بسيطه و السايس بيركنها


- غير كده العربيه بدوسلها على السالنسيه بنزين مبتجريش بتفضل ثانيتين مكتومه بعديها بتجرى جامد مش عارف هل ده عيب في حاجه ولا يمكن عشان عربيتى الى قبليه كانت كربراتير
- لما بفتح التكيف فى لمبه صفرا عليها علامه سربنتينه و مروحه بتفضل شغاله و دى قلقتنى اوى اول مره لحد ما بصيت فى الكاتلوج لقيت انها من الطبيعى تشتغل مع التكيف علما بان الحراره نزلت للربع و هى فى الطبيعى فوق النص ب سنه بسيطه
بس عايز اعرف فايدتها ايه دى و تخص ايــــه فى المكنه

-العربيه من 5 ايام عطلت بيا و كنت شاكك فى حساس الكرنك بس طلعت فاضيه بنزين مع ان العداد قارى ربع التانك
المهم انها العوامه بس ازاى و العداد لما بفول بيزيد لحد اخره و بيفضل قارى طو الوقت و بينقص يمكن يكون فى تاخير فى المؤشر ؟؟!!

مستنى ردودكم و بجد انا حابب اوبل جدا رغم انها تعبانى فى الاول بس اشطه تماااام :e_braces[1]:

طيب انت كشفت على ايه وانت بتشترى وعندك كل ده؟؟ المهم عندك بلية عجل خلفى ودى بسبب الجنط المعوج والحراره المفروض ثابته صيف شتا اكيد الترموستات ملغيه وعوامة البنزين عندك بايظه والفرامل بتتهز بسبب الرفه فى العجله الخلفيه والتيل اللى اتملى ممكن يكون سبب او كاوتش وحش والخنقه اكيد العربيه محتاجه صيانه بوجيهات على فلاتر على تنضيف بوبه ممكن اللى قبلك كان بيحط 80 فول وحط منظف انجكشن وغير فلتر البنزين والهوا وع البوجيهات وسيور ضرورى وان شاء الله خير

[nab!l]

اللمبه الى على شكل مروحة او نجمه بتنور لما يكون فى عطل ف المروحة او خلل فى دورة التبريد عموما ولو العربيه بتفكر تبطل والسلانسيه وطى منك بتنور برده ...
على فكره مش طبيعى خااااااالص انها تنور مع التكييف
والف مبروك :)

[Mostyonline]

الاثنين 7 جمادى الأولى 1434
يا جماعة انا عاوز اشترى استرا بس بالشكل ده انا شكلى هصرف نظر عنها
و بعدين انا سمعت من ناس ان الاسترا ميكانيكا و عفشة زى الانوس بالظبط
هل الكلام ده صحيح
و لو هنزل السوق و اجيب واحدة اه اقرب مركز خدمة ممكن الاقيه فى مدينة نصر

[brain2020]

فيه توكيل منصور اوبل عند اول الطيران عند بنزينة موبيل وفيه جنبه صابر ده ميكانيكي متخصص فى الاوبل وعنده جهاز كشف هو فى الشارع اللى على ناصيته بنزينة موبيل

[Mostyonline]

شكرا على ردك يا باشا بس اه اخبار قطع الغيار دى
و هل هى نفس ميكانيكا الانوس
محدش عنده خبر بالحكاية دى

[brain2020]

حتلاقي تفاصيل قطع الغيار فى مواضيع ثابتة اعلى الصفحة فى المنتدي بس عادى متخافش من قطع الغيار اوى لان الاسعار مش فارقة اوي فى الاصلي سواء فى الاوبل او الانوس الفرق فى الصيني وانصحك تشوف فى المواضيع الخاصة بقطع الغيار السابقة لانها حتوضحلك الصورة