مشكله فى الاضائة

[mhbcas]

السلام عليكم اعضاء المنتدى المحترمين
عندى مشكله فى الاضائه

فى الاول كنت فاكر ان اللمض ضعيفه روحت محل المدينه علشان اشترى لمض اوسرام او فيليبس بس هناك للاسف اكتشفت ان العدسات هى اللى مكفيه لتحت
وقالولى فى رجلاش فى الفانوس بيعليهم وان دى مشكلتى وانى حتى لو ركبت زينون حاتفضل نفس المشكلة والناس كانو محترمين الصراحه
جمبهم حد كهربائى ندهوا عليه علشان يرفعلى العدسات بس على حسب كلامه ان الرجلاش ده بايظ
وان فى حلين
1- انى اشوف حد بتاع فوانيس يفتحهم ويصلح الرجلاش او يرفع العدسات
2- انى اغير الفوانيس

وزى ما فى الصور كده انا راكب عندى عدسات خايف اوديهم لحد يفتحهم يبوظهم وطبعا مش حارمى فانوسين واشترى غيرهم
مش عارف اعمل ايه
شكرا
http://im35.gulfup.com/YhUyf.jpg
http://im35.gulfup.com/qoKY9.jpg
http://im35.gulfup.com/1dK5L.jpg

[احمد فهمى]

للأسف مشلة الرجلاش هى مشكلة فوانيس عربيات مصر كلها ان الناس بتحاول تظبت بنفسها ويعودو يلفو لحد ما يفوت ترس الرجلاش انا معتقدش فى حد ممكن يصلهم بس روح وجرب ممكن تلاقى ولو صلحهم روح اظبت النور فى مقار او منصور بجهز الظبت الموضوع مش سهل زى ما البعض فاكر وهيكلفك 28 جنيه فقط غير كده ركب فوانيسها الاصليه وهو نورهم اقوى من دول على فكره

[mhbcas]

الف شكر على الرد ياباشا بس هو مين اللى حايصلحهم اصلا ماعرفش حد
وياريت بالمره لو تعرفوا حد بتاع تكييف جامد فى المعادى :(

[sherif moneer]

الطقم بتاعها ديبو ب 450
واللينسات ب 1200 تقريبا
دي الاسعار لو استقريت علي تغيير :)

[mhbcas]

الطقم بتاعها ديبو ب 450
واللينسات ب 1200 تقريبا
دي الاسعار لو استقريت علي تغيير :)

طب والنبى ده اسمه كلام :)

[sherif moneer]

والله هيا دي اخر اسعار سمعتها والراجل قالي انا افضل الديبو الكريستال عشان اضائته احلا من اللينسز يا اما تجيب زينون للينسات بقي
يعني هتدخل ف 2000 جنيه مستريح كده عشان تجيب لينسات
طب ما ممكن ب 500 جنيه الموضوع يمشي و زي الفل اوي كمان

[ayman hamdy]

طيب انا عندى سؤال محيرنى جدا الرجلاش دي بيتظبط يدوى ولا كهرباء لانى شايف جنبه فيشة كدة وكمان علي ما اعتقد فى مواتير في الكشاف علشان يظبط الاضاءة وله زرار جنب الدركسيون للتحكم في ارتفاع واخفاض الضوء