سؤالين بخصوص الاسترا سيدان 2013

[koshakindnes]

السلام عليكم

عندى سؤالين

الاول : انا ركبت العربية النهاردة فى المعرض حاسس انها ضيقة اوى اوى اوى اوى هل دا صحيح ولا انا متهيئلى


التانى : ال 105 حصان هل ماثرين فى الجرى على العربية ولا عادى

[Ahmed_Adham]

1- هتصدقني لو قلتلك ان الاسترا السيدان أطول وأعرض من السيراتو القديمه والكارينز؟

الطول:
استرا سيدان 466 سم وكارينز 454 سم وسيراتو 453 سم

العرض:
استرا سيدان 181 سم وكارينز 182 سم وسيراتو 177سم


2- هما 115 حصان في العاديه وتسارع 12 ثانيه و180 في التربو وتسارع 8.7 ثانيه. 12 ثانيه في الكوزمو والانجوى مش وحشه. هتلاقي الاوكتافيا والجيتا جنبها في التسارع وسعرهم أعلى.

[koshakindnes]

1- هتصدقني لو قلتلك ان الاسترا السيدان أطول وأعرض من السيراتو القديمه والكارينز؟

الطول:
استرا سيدان 466 سم وكارينز 454 سم وسيراتو 453 سم

العرض:
استرا سيدان 181 سم وكارينز 182 سم وسيراتو 177سم


2- هما 115 حصان في العاديه وتسارع 12 ثانيه و180 في التربو وتسارع 8.7 ثانيه. 12 ثانيه في الكوزمو والانجوى مش وحشه. هتلاقي الاوكتافيا والجيتا جنبها في التسارع وسعرهم أعلى.

متشكر لرد حضرتك استاذ احمد

العربية اولا ما شاء الله خصوصا قعدة العجلات عريضة وكويسة جدا من الداخل هل مكن تصميمها محسسنى بدا انا اتخقت وانا قاعد جواها قدام وورا


وبالنسبة للتسارع هى بطيئة شوية فعلا و 105 مش 115 وشكرا لرد حضرتك وهروح اشوفها تانى

[dede_dodo88]

الأنطباع المبدأي بيكون دايماً أن العربية صغيرة و ضيقة بس بعد كده بتكتشف أنها كبيرة و واسعة.. و ده بسبب تصميم العربية..
الأنجوي و الكوزمو 115hp.. العربية بتجري مفيش مشاكل بس بتبقى بطيئة شوية في تسارعها بسبب وزنها الكبير..

[Ahmed_Adham]

متشكر لرد حضرتك استاذ احمد

العربية اولا ما شاء الله خصوصا قعدة العجلات عريضة وكويسة جدا من الداخل هل مكن تصميمها محسسنى بدا انا اتخقت وانا قاعد جواها قدام وورا


وبالنسبة للتسارع هى بطيئة شوية فعلا و 105 مش 115 وشكرا لرد حضرتك وهروح اشوفها تانى

بالنسبه لعدد الاحصنه أنا جايبه من بروشور العربيه من موقع منصور أوبل وبالتحديد صفحه 6

http://img96.imageshack.us/img96/1562/20130319025442.jpg

[mohamedq]

العربية 115 حصان , ووسعها كويس جدا جدا , وبالنسبة للتسارع هى فى الاول بيبقى ضعيف نوعا ما بس بعد كدة بتبقى طلقة , بجد عربية محترمة جدا جدا و ده عن تجربة

[tamohsen]

بس فعلا هي ضيقه من ورا

[Haitham G]

العربية 115 حصان كان واحد صاحبى ركبها قالي طلعتها ضعيفة بس بعد كده جامده وهى فعلا ضيقة من ورا بس الشنطة كبيرة جدا

[NaderNabil]

العربية فعلاً ضيقة

لو اللي قدام عايز يقعد مرتاح شوية هاييجي على حساب اللي قاعدين ورا جامد و الكنبة اصلاً ضيقة و مساحة الارجل الخلفية مش مريحة

ده يعتبر في رأيي العيب الوحيد في العربية نفسها بجانب عيب التوكيل و ده عيب مش هايوقفني شخصياً عن شراها

[NarCtX]

أنا معرفش أنتم بتتكلموا عن ضيق الاسترا عامة و ولا السيدان بشكل خاص, لأن بالنسبة للسيدان فهي اضيق من ورا فعلا من الهاتشباك ودي حاجة أنا استغربتها جدا, خصوصا الحتة اللي في النص بين الكرسين من ورا لأن الكونسل اللي في النص مكمل لورا ومقرب من الكنبة اوي ومضيق الحتة للي هيعد في النص على الكنبة بشكل ملحوظ وهيضطره انه يحط كل رجل على ناحية من الكونسل وبالتالي يضيق القعدة للي جنبه, بس الموضوع ده مش في الهاتشباك وبصراحة معرفش ليه.