سؤال بخصوص الزيت

[sherif moneer]

هو يعني ايه زيت معدني و زيت تخليقي؟
لأني شوفت الكلمتين دول ع المنتدي و سمعوا في وداني

[hamza9]

على ما اظن بان المعدني من مشتقات النفط اما التخليقي فهو مصنوع كيميائيا, و يعتبر التخليقي افضل من المعدني و اغلى سعرا

[sherif moneer]

طب وايه امثلة المعدني وامثلة التخليقي ؟
وايه الاصل للمواتير الاوبل الايكو؟

[egyption2012]

راجع هذا الموضوع

http://www.nilemotors.net/Nile/341680-a.html

أمال يعني إيه زيوت تخليقية؟؟؟؟



بالنسبة لأنواع الزيوت... ففيه نوعين من الزيوت بشكل أساسي

زيت معدني... وزيت تخليقي

الزيت المعدني Mineral Oil
هو زيت مصدره البترول المستخرج من باطن الأرض (وده سبب تسميته "معدني" لإنه بييجي عن طريق التعدين)
وبيتم تكريره وتنقيته وممكن بيتحط عليه إضافات تحسن من خواصه


الزيت التخليقي Synthetic Oil
هو زيت... تكوينه الكيماوي معدل في المعمل من زيوت لها خواص مختلفة عن الزيت الناتج.. (زي فكرة السمن النباتي.. هو زيت نباتي بس مهدرج وتحول إلى سمن)

مش بالضرورة يكون مصدره الزيت المعدني.. فيه منه نوعين

1- نوع تخليقي 100% من زيوت غير معدنية.. ودي في منها كذا نوع.. بس مش عايز أصعّب الموضوع أكتر من كده
2- نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%

مميزات الزيوت التخليقية:

* سرعة تدفق أعلى من الزيت العادي، فيقدر يزيت الموتور أحسن
* أداء أحسن في درجات الحرارة العالية قوي والمنخفضة قوي
* ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
* معدل استهلاك أقل
* مضاد للتأكسد والتحلل الحراري وتكون الرواسب، لإنه خالي من الشوائب والمواد الضارة
* مش محتاج يتغير بسرعة، وده حيوفر في الفلوس ويحافظ على البيئة
* موفر في الوقود لإنه بيساعد الموتور يتحرك بسهولة أكبر
* بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
* عمر أطول للموتور

في اختبارات زيت موبيل 1 على سبيل المثال.. العربية اللي كانوا بيختبروه فيها مشيت حوالي 200 ألف كيلومتر من غير ما الزيت يحصله حاجة

عيوب الزيوت التخليقية

* لازم يشتغل على مواتير بتستخدم بنزين خالي من الرصاص (كل البنزين 90، 92، 95 في مصر خالي من الرصاص)
* غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)
* لو العربية اللي حتستخدمه شغالة طول اليوم (زي التاكسيات والميكروباصات)، مش حيبقى فيه فرق محسوس بينه وبين الزيت العادي، لإن ميزة الزيت التخليقي الأساسية هي لما بتيجي تدور الموتور.

من وجهة نظري.. الزيت التخليقي أحسن بكتير.. وممكن تغير الزيت مع الفلتر مرة واحد في السنة.. مهما كانت عدد الكيلومترات اللي بتمشيها في السنة..

مع إنه أغلى بكتير (يمكن ضعف الزيت العادي) بس كده فعلا يبقى موفر، وبيحافظ على العربية



بس لو عربيتك بتاكل زيت.. انسى الموضوع ده تماما.. لإنك حترمي فلوسك على الأرض

[sherif moneer]

شكرا يا باشا ع الرد
طيب عايز نوع زيت تخليقي بقي عشان ابقي احط للعربيه

[aw2100]

الزيت شل الترا ممتاز جدا وبيقعد فوق ال10000 ك !!
....L ULTRA FULLY SYNTHETIC 5W40 ENGINE OIL (4 LITRES) - Kuala Lumpur - Car Parts - ....l ultra

[sherif moneer]

طب والشيل ده معدني ولا تخليقي؟

[aw2100]

الزيت شل الترا طبعا زيت تخليقى fully synthetic فالزيت المعدنى اخرة 5000 ك اما التخليقى زى شل الترا مثلا 15000 ك لو موتور عربيتك جديد ولو بحاله كويسه يمشى معاك 10000 ك او يتغير بعد فترة 6 شهور حتى لو معملش ال 10000 ك !!!

[aw2100]

الزيت شل الترا طبعا زيت تخليقى fully synthetic فالزيت المعدنى اخرة 5000 ك اما التخليقى زى شل الترا مثلا 15000 ك لو موتور عربيتك جديد ولو بحاله كويسه يمشى معاك 10000 ك او يتغير بعد فترة 6 شهور حتى لو معملش ال 10000 ك !!!

[sherif moneer]

طيب تمام تسلم يا باشا :)