صوت الموتور عالي جدا عند الضغط على دواسة البنزين (اوبل استرا 2005) ما أسباب ذلك؟

[egyption2012]

السلام عليكم ورحمة الله وبركاته
منذ شرائي للسيارة اوبل استرا 2005 منذ 6 اشهر تقريبا

لاحظت ان صوت الموتور عالي جدا عند الضغط على دواسة البنزين
احيانا الصوت يرتفع واحيانا يكون الارتفاع بسيط ولكنه مرتفع
روحت للميكانيكي قالي ان الصوت طبيعي - ساعتها كان الصوت مش عالي اوي

بالاضافة لوجود هزة بسيطة في العربية وهي دايرة

ممكن تكون المشكلة من ايه؟

[MaaM]

على حد علمي صوت موتور الاوبل عموما عالي مقارنة بالياباني والكوري
انت بتحط زيت ايه ؟
اصل في مرة حطيت زيت شل الاسود الموتور صوته علي اوي عن الاول ولما غيرته بـ شيل الاصفر ، هدي شوية
ومكانش فيه وقت تاني اجرب زيت نوع تاني واشوف الصوت ، عشان عقبال عندك بعت العربية
بالنسبة للهزة ، لو العربية واقفة ممكن تكون قاعدة موتور ، وجرب تحط كاوتش طعمية بين المصفحة وبين جسم العربية

[ahmediz2000]

ممكن يكون الشكمان من عند المتوتور .. ارفع العربية واكشف عليها

[egyption2012]

على حد علمي صوت موتور الاوبل عموما عالي مقارنة بالياباني والكوري
انت بتحط زيت ايه ؟
اصل في مرة حطيت زيت شل الاسود الموتور صوته علي اوي عن الاول ولما غيرته بـ شيل الاصفر ، هدي شوية
ومكانش فيه وقت تاني اجرب زيت نوع تاني واشوف الصوت ، عشان عقبال عندك بعت العربية
بالنسبة للهزة ، لو العربية واقفة ممكن تكون قاعدة موتور ، وجرب تحط كاوتش طعمية بين المصفحة وبين جسم العربية

الموجود دلوقتي زيت موبيل 50w20
انا مش ناوي ابيع العربية لانها الحمد لله عجباني جدا :)

[egyption2012]

ممكن يكون الشكمان من عند المتوتور .. ارفع العربية واكشف عليها

انا بحس ان الصوت جاي من مقدمة العربية يعني مش من الشكمان

[egyption2012]

للرفع :(

[alameer81]

ممكن برده غطا فلتر الهوا يكون مش مقفول كويس فيخلى العربية تجعر لما تدوس بنزين

[tamernasr6666]

على اد خبرتى فى الاوبل شوف علبة البيئة

[egyption2012]

ممكن برده غطا فلتر الهوا يكون مش مقفول كويس فيخلى العربية تجعر لما تدوس بنزين

انا لسه مغير فلتر الهواء من يومين
واكيد الميكانيكي قفله بشكل جيد
بس ححاول اتأكد بنفسي ان شاء الله

[egyption2012]

على اد خبرتى فى الاوبل شوف علبة البيئة

ممكن توضيح اكتر .. هل العلبة ده ممكن تتغير او تتنضف ؟ لو المشكلة منها

[medo111]

لا هي مش علبه البيئه علبه البيئه بتكتم صوت العربيه لو فيها مشكله لحد ما هتبتدي العربيه تبطل منك
بص علي غطاء الموتور البلاستيك ال فوقو حط ايدك عليه كدا وشوف وبص علي المصفحه والسربنتينه والريداتير شوفهم ثابتين ولا لا ولازم تحدد الصوت دا جاي من جو الموتور ولا حاجه بتتحرك وحاجه تانيه ممكن يكون البلي بتاع سير الكاتينه محتاج يتغير لانو بيطلع اصوات بردو

[alameer81]

بص علي غطا فلتر الهوا لو مفتوح او فيه كلبس من الاربعه واقع عشان بتحصل معايا

[romiobasha]

بص يا باشا دى فعلا من علبة البيئة
هى كانت اتسدت عندك معا صاحبها الأولانى و عشان تمنها غالى جدا "استيراد 1300" فالصناعية بيخرموها من تحت بيفك الشكمان من تحت العلبة و بيجيب سيخ حديد و يخرمها عشان يفك الكتمة دى وانا شفتها كتيييييير فى الأسترا 1600 فحلك الوحيد انك تغيرها او تتقبل الصوت

[egyption2012]

لا هي مش علبه البيئه علبه البيئه بتكتم صوت العربيه لو فيها مشكله لحد ما هتبتدي العربيه تبطل منك
بص علي غطاء الموتور البلاستيك ال فوقو حط ايدك عليه كدا وشوف وبص علي المصفحه والسربنتينه والريداتير شوفهم ثابتين ولا لا ولازم تحدد الصوت دا جاي من جو الموتور ولا حاجه بتتحرك وحاجه تانيه ممكن يكون البلي بتاع سير الكاتينه محتاج يتغير لانو بيطلع اصوات بردو

انهارده روحت نظفت البخاخات والبوابة وغيرت زيت الفتيس

لكن المفاجأة ان الصوت زاد اوي والهزة زادت اكتر
رجعت للميكانيكي قلتله "جيت تكحلها عميتها"
قالي ايه رأيك في سحب العربية
قلتله بقى ممتاز على الاخر ما شاء الله

قالي الفكرة في حاجتين .. الماكينة كانت مكتومة واتظبطت .. قواعد الموتور لازم تتغير

اضطريت اقتنع بكلامه

[egyption2012]

بص علي غطا فلتر الهوا لو مفتوح او فيه كلبس من الاربعه واقع عشان بتحصل معايا

مقفول تماما ولسه مغيرله فلتر الهواء والاربع كلبسات موجودين