أوبل من أكثر السيارات التى ستستفيد من تخفيض الجمارك .... !!!!

[NeeMoo]

صباح الخير يا شباب

أخبار الجميع ايه ... يا رب تكونوا بخير

بداية فجأنا الرئيس بالليل بقرار تخفيض الجمارك على السيارات بنسبة 25 % , وكالعادة القرار علشان تقراه وتفهم أيه أنواع السيارات او الموديلات اللى ممكن تتأثر , تلاقى أن فهم النظرية النسبية أسهل بكتير .
علشان كده هحاول أعرض أو تحليل كان فى اليوم السابع عن الموضوع ده .
بس محتاج من أى حد فهم القرار أو ليه وجهة نظر ... يوضح القرار
بمعنى تانى لو سعر العربية ( يذكر النوع والسعر ) لو سعرها بره بكذا ... وجماركها بكذا ... يبقى سعرها دلوقتى بعد التخفيض كذا ... وسعرها دلوقتى فى السوق كذا والفرق بقى كذا .
وكمان ميعاد تطبيق القرار ... وقهل القرار يسرى أيضا على السيارات اللى داخله مثلا من الخيج ... يعنى أنزل بيها من الخليج ولا لأ .
أسيبك مع التوضوح البسيط ... وأشوفكم على خييييييييييييييييييييييير

((( ينشر "اليوم السابع" أبرز العلامات التجارية للسيارات التى سيشملها قرار الرئيس محمد مرسى قرارا جمهوريا يحمل رقم 184 لسنة 2013 بتعديل التعريفة الجمركية، حيث نص القرار على تخفيض ضريبة الوارد المقررة على السيارات بنسبة 25%، وذلك بالنسبة للسيارات التى تعمل بالبنزين، وكذلك بالغاز الطبيعى وهى: "كيا" و"رينو" و"هيوانداى"، شيفرولية واوبل وفولكس فاجن، بالإضافة إلى أكثر من 20 توكيلا رسميا منها توكيلات خاصة بالسيارات الصينية فقط، وبعض المستوردين من التجار عن طريق "الاستيراد الرمادى"، وهو ما يعنى الاستيراد من غير بلد المنشأ.

كما نص القرار أيضاً على تخفيض ضريبة الوارد على المنتجات النهائية التى يتم تصنيعها فى المصانع المصرية، بنسبة 110% من نسبة التصنيع المحلى، إذا بلغت نسبة التصنيع المحلى من 30 إلى 40% وبالفعل السيارات الملاكى المجمعة محليا تكون نسبة المكون المحلى بها 45% مثل بى اد دبيلو " ومرسيدس" وهيواندى " وجيب " ولادا"، بالإضافة إلى تخفيض الضريبة 115% من نسبة التصنيع المحلى إذا كانت النسبة حتى 60%، وتخفيض الضريبة 120% إذا بلغت النسبة أكثر من 60% مثل الأتوبيسات واللوارى التى تجمع بالفعل فى مصر، حيث تصل نسبة المكون المحلى بها حوالى 65%. )))

[shady_hamdy]

محدش فاهم حاجة

[NeeMoo]

هى دى المصيبة ... علشان كده بنسأل

[NeeMoo]

سؤال بقى مهم جدا .... هى مش ممكن يطلع توضويح من رئاسة الوزراء أو وزير المالية أو مصلحة الجمارك أو حتى وزارة الداخلية - أدارة المرور - توضح الموضوع ده علشان التجار مايخدوش التخفيض وكمان يفضل السعر زى ما هو

[hilal]

اعتقد والله أعلم ان القرار زي عدمه ، لأن تأثير انخفاض سعر الجنيه المصري سوف يلغي تأثير أي قرار يتعلق بتخفيض الجمارك أو الضرائب ، وكلها اشتغالات فاضية ، والحياة لن تتحسن إلا بعد تحسن قيمة الجنيه ، لان قيمة الجنيه هي المرآة لحالة الاقتصاد ككل

[hugan]

عايز افهم
مش عارف افهم القرار من امبارح

[m_elkhishin]

أنا فهمت القرار بالشكل التالي:

1- القرار يطبق على السيارات الهجينة والسيارات اللتي تعمل بالغاز الطبيعي فقط.
2- نسبة التخفيض 25% من قيمة ضريبة الوارد .



لنفترض ان السيارة س سعرها 10000 دولار شامل الشحن . 1600 سي سي تخضع لضريبة جمركية 40%

يبقى جماركها حتكون:

1- السعر 10000 دولار * 6.82 =68200 جنيه

2- ضريبة الوارد = 68200*40%=27280
4- الدمغة =(68200+27280)*3% = 2864.4
5-ضريبة المبيعات= (68200+27280+2864.4)*15%= 14751.66
6- مجموع الجمارك والضرايب= 44896.06

يبقى اجمالي تمن السيارة = 113096.06


بعد تطبيق القرار ولو استوردت نفس السيارة تعمل بالغاز الطبيعي حتكون الجمارك كالتالي:

- السعر 10000 دولار * 6.82 =68200 جنيه

2- ضريبة الوارد = 68200*40%=27280 * 75%= بعد التخفيض 20460
4- الدمغة =(68200+20460)*3% = 2659.8
5-ضريبة المبيعات= (68200+20460+2659.8)*15%= 13697.97
6- مجموع الجمارك والضرايب= 36817.77

يبقى اجمالي تمن السيارة = 105017.77

الفرق= 8078.29

والله اعلم،

[heldin_67]

الله ينور عليك أظن ان تفسيرك للقرار صح

المفروض الجمارك تكون صفر علي السيارات التي تعمل بالغاز

الحكومه مصره علي اهدار المال في دعم البنزين و السولار مع ان الحل واضح

التوسع الشامل و تشجيع الناس لشراء سيارات تعمل بالغاز

تحويل كل سيارات النقل للعمل بالغاز اسوة باوتوبيسات النقل العام صديقه البيئه

[S O P H O S]

بالطريقة دي كله مستفيد
وانا شايف اننا فهمين غلط

[hossam_elwani]

أنا فهمت القرار بالشكل التالي:

1- القرار يطبق على السيارات الهجينة والسيارات اللتي تعمل بالغاز الطبيعي فقط.
2- نسبة التخفيض 25% من قيمة ضريبة الوارد .



لنفترض ان السيارة س سعرها 10000 دولار شامل الشحن . 1600 سي سي تخضع لضريبة جمركية 40%

يبقى جماركها حتكون:

1- السعر 10000 دولار * 6.82 =68200 جنيه

2- ضريبة الوارد = 68200*40%=27280
4- الدمغة =(68200+27280)*3% = 2864.4
5-ضريبة المبيعات= (68200+27280+2864.4)*15%= 14751.66
6- مجموع الجمارك والضرايب= 44896.06

يبقى اجمالي تمن السيارة = 113096.06


بعد تطبيق القرار ولو استوردت نفس السيارة تعمل بالغاز الطبيعي حتكون الجمارك كالتالي:

- السعر 10000 دولار * 6.82 =68200 جنيه

2- ضريبة الوارد = 68200*40%=27280 * 75%= بعد التخفيض 20460
4- الدمغة =(68200+20460)*3% = 2659.8
5-ضريبة المبيعات= (68200+20460+2659.8)*15%= 13697.97
6- مجموع الجمارك والضرايب= 36817.77

يبقى اجمالي تمن السيارة = 105017.77

الفرق= 8078.29

والله اعلم،

بعيد عن الموضوع حلو الازدواج الضريبى ده ههههههه

ضريبة وارد يجمعها مع الدمغه وياخد عليهم ضريبة مبيعات عجبى !!!!!!!!!!!!!!!!!!!!!!!

[احمد فهمى]

السيارات الهجينه مش غاز بس دى غاز وبنزين مع بعض او كهربا وبنزين زى التيوتا بريوس

[cayman69300]

الموضوع اسهل من السهوله
ان هناك حاجات هتتخفض على حاجات
و بكدة هتبقى الحاجات بسعر كويس عن الحاجات ايام زمان
هههههههههههههههههه
بداية التهييس

[zendo]

مش فاهم انا بدفع كل سنة 400 جند شاملة الضريبة والتامين وعربيتى كمان 1398 سى سى ومنطقة حرة

[amgomaa]

القرار خفض جمارك السيارات التى تعمل بالغاز من 135% الى 110% والسيارات التى تعمل بالكهرباء خلاها 0%

[NeeMoo]

طب حد يقول أنواع علشان نوضح للناس .... لحد دلوقتى فى لبس فى الموضوع