لون الزيت

[هيثم الدسوقى]

السلام عليكم ورحمة الله وبركاته

من شهر غيرت من زيت موبيل لزيت شيل الاصفر , دلوقتى العربية بعد 1000 كيلو الزيت ما اسودش ز ى المعتاد فى الموبيل ولسه فيه الصفار واللمعان يعنى بقوة يعنى طبعا اللون اتغير عن بعد اول 100 كيلو بس بنسبة خفيفة مخوفانى اوى انه يكون زيت مضروب او ان الزيت مش مناسب للعربية

يا ترى دا العادى مع الموبيل انه بيتأخر فى السواد ولا الزيت دا مضروب ؟؟ مع العلم انى جايبه من بنزينة شيل عندى فى المحلة مش جايبه من تاجر يعنى

[lidosasa]

أنا معاى ماروتى وبحط شيل هيلكس الأصفر ولونه متغيرش غير بعد تقريباً ما عملت 1500 كيلو بالعربية طالما صوت الموتور هادى وناعم يبقى متخفش

[فادى محمد]

ماتقلقش ,
هيسود مستعجل علي ايه؟؟

[cayman69300]

المهم لما يسود انت اللى متقلقش من كتر السواد
ازيك يا عم فادى

[هيثم الدسوقى]

هههههههههههههه

عن ابوه ما اسود هو انا اطول دا انا كنت بانزل الموبيل على 2500 وكان بيبقى اسود زفت لو دا الطبيعى بتاع الشيل وتنضيفه احسن من الموبيل يبقى خير والف بركة كمان
لكن من جهة الموتور ناعم فدى الله اعلم بيها عشان انا عندى صوت الدينامو عالى وخايف اغير البلية اللى فيه يبوظوه

[فادى محمد]

المهم لما يسود انت اللى متقلقش من كتر السواد
ازيك يا عم فادى

الحمد لله ازيك انت يا دكتور؟؟

[haitham2011]

هههههههههههههه

عن ابوه ما اسود هو انا اطول دا انا كنت بانزل الموبيل على 2500 وكان بيبقى اسود زفت لو دا الطبيعى بتاع الشيل وتنضيفه احسن من الموبيل يبقى خير والف بركة كمان
لكن من جهة الموتور ناعم فدى الله اعلم بيها عشان انا عندى صوت الدينامو عالى وخايف اغير البلية اللى فيه يبوظوه

هيثم باشا

سؤال خارجي : انت المفروض عندك البوجيهات شعله واحده و غيرت البوجيهات لاتنين شعله ايه تقريرك من حيث الاداء و الاستهلاك بعد التغيير ؟

[هيثم الدسوقى]

من ساعة ما عملتها الاستهلاك بقى زفت والله يا هيثم باشا

العربية بقت تاكل بنزين بافترا ناوى ارجع تانى للواحد شمعة لانى لقيتها فى الكاتلوج فعلا واحد شمعة والاداء العربية بتكركر وسحبها مش اللى هو بس دا جايز يكون بسبب الدبرياج لانه بيعمل رجة ومستنى سنة كمان عليه عالتغيير لان العربية قطمت ضهرى فلوس السنة دى .

لكن بجد فى استهلاك البنزين العربية بقت وحشة جدا بعد ما كانت جوا البلد 15 لتر فى ال100 كيلو دلوقتى تعمل 15 لتر فى ال70

[haitham2011]

من ساعة ما عملتها الاستهلاك بقى زفت والله يا هيثم باشا

العربية بقت تاكل بنزين بافترا ناوى ارجع تانى للواحد شمعة لانى لقيتها فى الكاتلوج فعلا واحد شمعة والاداء العربية بتكركر وسحبها مش اللى هو بس دا جايز يكون بسبب الدبرياج لانه بيعمل رجة ومستنى سنة كمان عليه عالتغيير لان العربية قطمت ضهرى فلوس السنة دى .

لكن بجد فى استهلاك البنزين العربية بقت وحشة جدا بعد ما كانت جوا البلد 15 لتر فى ال100 كيلو دلوقتى تعمل 15 لتر فى ال70

طب ليه الاستهلاك زاد مع ان الشراره تعتبر زادت يعني اخدت استفاده اكبر من نفس نسبه البنزين الموجوده

طب انت كنت عملت شغل في العربيه مع تغيير البوجيهات ممكن يطله السبب منه
ده غير ان طقم الدبرياج لو تعبان تاكل بنزين و متدكش عزمها
و ربنا يباركلك فيها و يعينك عليها

[هيثم الدسوقى]

اه طقم الدبرياج عندى بعافية فعلا الطقم جديد وبقى يدى رجة عشان على كلام الميكانيكى اتعوج ومش فاهم ايه السبب بس الرجة فعلا مش من قواعد الموتور او الفتيس
مش عارف بقى ايه السبب بس انا بابحث فى منتديات اوروبية على سبب زيادة الاستهلاك بالشكل وربنا ييسر الحال