Tweet
السلام عليكم يا احسن مجموعه والله وحشنى اوى بس ظروف الشغل عندى مش مخليانى اتواجد كتير
نيجى للمهم محتاج مشورتكم وخبرتكم
كنت بعمل شوية صيانه دوريه عاديه وتغيير سيور وفلاتر وطبعا اضطرينا اننا نشيل علبه فلتر الهوا عشان نعرف نشتغل وبعد اما خلصنا وقفلنا الشغل وركبنا علبه الفلتر محدناش بالنا انها ضغطت على مواسير التكييف اللى تحتها من الجنب ورحلتها شويتين كده ناحيه طنبورة الباور المهم انها فضلت تحتك بالطنبوره لغاية اما خرمتها وكل ده وانا مش واخد بالى اساسا
المهم عدلتها ورجعتها مكانها ورحت عشان اشحن التكييف عند اكتر من واحد وكلهم رفضوا انهم يشتغلوا فى الاوبل اساسا (ملحوظه انا من اسكندريه للى ميعرفش وحاليا شغلى فى السويس ) والصنايعيه اللى رحتلهم عشان الشحن فى السويس وسبب قلقهم انه بيبوظ على طول وهما مش عاوزين مشاكل مع صحاب العربيات
المهم انهم كلهم عرضوا عليا انهم يقلبوا التكييف يبانى ازاى؟
هيجيبوا كومبروسر اسمه (ساندن) يابانى جديد وهيركبوا عليه الشجره بتاعته وكل مشتملات التكييف من اول وجديد وفلاتره (كله جديد) وبالضمان كمان وهيسلمونى تكييف كامل من الالف الى الياء يابانى اقوى طبعا ومفيش اعطال ولا تحميل كامل على الموتور (هيكون الحمل اقل من العادى يعنى)
الحكايه دى انا سألت عليها فى اسكندريه عندى لما نزلت اجازه لقيتهم برضه بيتكلموا عليها وبيقولوا انها احسن واقوى فعلا
نسيت اقولكم ان اتجاه المواسير عندنا بيعدى من الاتجاه الشمال فى الحوض والتعديل اليبانى بيعدى من الاتجاه اليمين للحوض من تحت البطاريه والسرفو يعنى بيبعد عن الفرن و كفر الكاتينه والدينامو والمناطق المكعبله دى كلها
التكلفه الكامله من الزيرو الى الاستلام 3000 جنيه = يومين شغل تقريبا (السويس)
التكلفه الكامله من الزيرو الى الاستلام 3300 جنيه = يوم كامل (اسكندريه)
ايه رايكم فى الموضوع ده ويا ترى حد هنا جربه ولا لآ او حد سمع بيه والاسعار كده ايه ظروفها علما بأنهم قالولى ان سعر الكومبروسر لوحده 1650 والباقى شجر وفلاتر وتوصيلات ومصنعيات وخلافه
بالله عليكم قولولى على الحل من وجهه نظركم كاخوه لان الموضوع فعلا لو صح ومضمون يبقى مش مشكله المبلغ بس الواحد هينسى الكييف وهيشيله من دماغه خالص زى اليابانى فى القوه والاستمراريه
انا عارف انى طولت شويتين بس الموضوع محتاج تفكير لانه لو فعلا كويس يبقى الاستفاده هتكون عامه علينا كلنا
شكرا لكل واحد هيرد وكل واحد مش هيشارك
نيجى للمهم محتاج مشورتكم وخبرتكم
كنت بعمل شوية صيانه دوريه عاديه وتغيير سيور وفلاتر وطبعا اضطرينا اننا نشيل علبه فلتر الهوا عشان نعرف نشتغل وبعد اما خلصنا وقفلنا الشغل وركبنا علبه الفلتر محدناش بالنا انها ضغطت على مواسير التكييف اللى تحتها من الجنب ورحلتها شويتين كده ناحيه طنبورة الباور المهم انها فضلت تحتك بالطنبوره لغاية اما خرمتها وكل ده وانا مش واخد بالى اساسا
المهم عدلتها ورجعتها مكانها ورحت عشان اشحن التكييف عند اكتر من واحد وكلهم رفضوا انهم يشتغلوا فى الاوبل اساسا (ملحوظه انا من اسكندريه للى ميعرفش وحاليا شغلى فى السويس ) والصنايعيه اللى رحتلهم عشان الشحن فى السويس وسبب قلقهم انه بيبوظ على طول وهما مش عاوزين مشاكل مع صحاب العربيات
المهم انهم كلهم عرضوا عليا انهم يقلبوا التكييف يبانى ازاى؟
هيجيبوا كومبروسر اسمه (ساندن) يابانى جديد وهيركبوا عليه الشجره بتاعته وكل مشتملات التكييف من اول وجديد وفلاتره (كله جديد) وبالضمان كمان وهيسلمونى تكييف كامل من الالف الى الياء يابانى اقوى طبعا ومفيش اعطال ولا تحميل كامل على الموتور (هيكون الحمل اقل من العادى يعنى)
الحكايه دى انا سألت عليها فى اسكندريه عندى لما نزلت اجازه لقيتهم برضه بيتكلموا عليها وبيقولوا انها احسن واقوى فعلا
نسيت اقولكم ان اتجاه المواسير عندنا بيعدى من الاتجاه الشمال فى الحوض والتعديل اليبانى بيعدى من الاتجاه اليمين للحوض من تحت البطاريه والسرفو يعنى بيبعد عن الفرن و كفر الكاتينه والدينامو والمناطق المكعبله دى كلها
التكلفه الكامله من الزيرو الى الاستلام 3000 جنيه = يومين شغل تقريبا (السويس)
التكلفه الكامله من الزيرو الى الاستلام 3300 جنيه = يوم كامل (اسكندريه)
ايه رايكم فى الموضوع ده ويا ترى حد هنا جربه ولا لآ او حد سمع بيه والاسعار كده ايه ظروفها علما بأنهم قالولى ان سعر الكومبروسر لوحده 1650 والباقى شجر وفلاتر وتوصيلات ومصنعيات وخلافه
بالله عليكم قولولى على الحل من وجهه نظركم كاخوه لان الموضوع فعلا لو صح ومضمون يبقى مش مشكله المبلغ بس الواحد هينسى الكييف وهيشيله من دماغه خالص زى اليابانى فى القوه والاستمراريه
انا عارف انى طولت شويتين بس الموضوع محتاج تفكير لانه لو فعلا كويس يبقى الاستفاده هتكون عامه علينا كلنا
شكرا لكل واحد هيرد وكل واحد مش هيشارك
Comment