مساعدة لشراء اوبل فيكترا

[azkalany]

السلام عليكم ورحمة الله وبركاته
اطلب من الاعضاء الكرام المساعدة في النصيحة والمعلومات عن اوبل فيكترا b موديل 1997 او 1998 لاني عاوز اشتريها وبصراحة مركبتش فيكترا قبل كدا ومعرفش عنها حاجة

[MOstafa Hashem]

بص يا باشا .. اللى اقدر اقولهولك ان اللى بيركب العربيه دى مش بيعرف ينزل منها الا لو جاب حاجه عاليه ..

العربيه ماشاء الله ثبات وجرى واماااان وصيانه مش صعبه وقطع غيارها دلوقتى بقت فى كل حته وصاجها ناشف وعفشتها ممتاازه ومعمره جدا .. وامكانية التعديل فيها مفتوحه .. يعيبها ان ملهاش سوق فى البلد

بس شرط الحاله الحلوه وانك تحافظ على العربيه ومستخسرش فيها مليم واحد عشان هتحس بالوقت ان كل قرش ادفع فيها حلال وهات قطع غيار اصلى

وانا انصحك لو عندك امكانيه انك تشوف الفيكترا b2 اللى هيا من 2000 لـ 2002 .. شكل احلا والفتيس الاوتوماتك بتاعها التكنولوجى اعلى شويه ..

كمان عندك امكانيه انك تختار بين 4 مواتير 1600 و 2000 كامه واحده وده بيبقى لونو اسود ومكتوب عليه أوبل .. 1600 و2000 ecotec كامتين وده بيديك تسارع ممتاااااز واقتصادى جدا فى البنزين بس صيانتو سخيفه شويه عشان كتر الحساسات بتاعتو .. انما لو انتا راجل طيب مش بتاع شد وكده خليك فى الموتور الاسود احسن .. وده مش معناه انو مش بيجرى .. لأ بالعكس ده موتور زى الفل وتسارع كويس جدا .. والفتيس الأوتوماتك بتاعها فيه سبورت درايف تسارع مفاجى ( زرار اعلى الفتيس ) - وفيها زرار للطرق الجليديه او المزحلقه بالمعنى البلدى ( زرار بجانب الفتيس )

لو انتا بقى راجل عايز تدلع نفسك وعايز منها أوبشن وكده دور على واحده cdx - فرش جلد - طاره مالتى - مثبت سرعه - فوجات - abs - حامل نضاره - طابلوه ابانوس - شاشة معلومات فى التابلوه - مرايات كهربا فولدنج - فتحة سقف بس قليله اوى

الخلاصه العربيه دى عايزه واحد يحبها ويحافظ عليها ويصرف عليها .. ومش هيلاقى احسن من كده .. دور على عربيه حالة حلوه تكييفها شغاال واركب وادعيلى

يارب تكون افدتك وبافى الرجاله يكملو كلامى لو حاجه ناقصه ..

موفق

[MOstafa Hashem]

بص يا باشا .. اللى اقدر اقولهولك ان اللى بيركب العربيه دى مش بيعرف ينزل منها الا لو جاب حاجه عاليه ..

العربيه ماشاء الله ثبات وجرى واماااان وصيانه مش صعبه وقطع غيارها دلوقتى بقت فى كل حته وصاجها ناشف وعفشتها ممتاازه ومعمره جدا .. وامكانية التعديل فيها مفتوحه .. يعيبها ان ملهاش سوق فى البلد

بس شرط الحاله الحلوه وانك تحافظ على العربيه ومستخسرش فيها مليم واحد عشان هتحس بالوقت ان كل قرش ادفع فيها حلال وهات قطع غيار اصلى

وانا انصحك لو عندك امكانيه انك تشوف الفيكترا b2 اللى هيا من 2000 لـ 2002 .. شكل احلا والفتيس الاوتوماتك بتاعها التكنولوجى اعلى شويه ..

كمان عندك امكانيه انك تختار بين 4 مواتير 1600 و 2000 كامه واحده وده بيبقى لونو اسود ومكتوب عليه أوبل .. 1600 و2000 ecotec كامتين وده بيديك تسارع ممتاااااز واقتصادى جدا فى البنزين بس صيانتو سخيفه شويه عشان كتر الحساسات بتاعتو .. انما لو انتا راجل طيب مش بتاع شد وكده خليك فى الموتور الاسود احسن .. وده مش معناه انو مش بيجرى .. لأ بالعكس ده موتور زى الفل وتسارع كويس جدا .. والفتيس الأوتوماتك بتاعها فيه سبورت درايف تسارع مفاجى ( زرار اعلى الفتيس ) - وفيها زرار للطرق الجليديه او المزحلقه بالمعنى البلدى ( زرار بجانب الفتيس )

لو انتا بقى راجل عايز تدلع نفسك وعايز منها أوبشن وكده دور على واحده cdx - فرش جلد - طاره مالتى - مثبت سرعه - فوجات - abs - حامل نضاره - طابلوه ابانوس - شاشة معلومات فى التابلوه - مرايات كهربا فولدنج - فتحة سقف بس قليله اوى

الخلاصه العربيه دى عايزه واحد يحبها ويحافظ عليها ويصرف عليها .. ومش هيلاقى احسن من كده .. دور على عربيه حالة حلوه تكييفها شغاال واركب وادعيلى

يارب تكون افدتك وبافى الرجاله يكملو كلامى لو حاجه ناقصه .. وعلى فكره انا ركبت أوبل من 95 لحد 2002 كل الفئات الحمد لله

موفق

[halimo]

طبعا مفيش كلام اقولة بعد الاخ مصطفى بس احب اوضحلك:
الماتور الاسود 1600 بيطلع 75 حصان
الماتور الايكوتك 1600 بيطلع101 حصان
بالنسبة للثبات رائع
بالنسبة لقطع الغيار يعادل اليابانى وارخص فى اجزاء كتيرة
التكييف بتاعها اضعف من الكورى واليابانى
وبالتوفيق ان شاء اللة

[azkalany]

الف شكر علي المعلومات القيمة، وشكرا لاهتمامك أ/ مصطفي
بصراحة انا بتكلم في موديل 1997 او 1998 عشان الفلوس انت فاهم، ولو عندك فكرة عن الاسعار ياريت تقولي عشان انا شايف ان الاسعار الموجودة علي النت متفاوته من 40000 الي 50000 الفروقات بينها جامدة اوي مش عارف المتوسط كام ؟

[azkalany]

طبعا مفيش كلام اقولة بعد الاخ مصطفى بس احب اوضحلك:
الماتور الاسود 1600 بيطلع 75 حصان
الماتور الايكوتك 1600 بيطلع101 حصان
بالنسبة للثبات رائع
بالنسبة لقطع الغيار يعادل اليابانى وارخص فى اجزاء كتيرة
التكييف بتاعها اضعف من الكورى واليابانى
وبالتوفيق ان شاء الله

مشكور علي اهتمامك بس اللي فهمته ان الماتور الايكوتك في موديلات بعد سنه 2000 واسعارها هتكون عالية شوية ولا انا فاهم غلط
ومعني كدا ان الماتور ال 75 حصان تقريبا زي ماتور اللانوس ؟؟

[halimo]

فعلا الماتور الايكوتك بعد سنة 2000 واغلى من الماتور الاسود
الماتور الاسود من 50000ج الى55000 ج الحالة النضيفة فى اقل من 50000ج بس متهانة
الايكوتك من 60000ج الى 65000ج حسب احالة
بالنسبة للمقارنة مع ماتور اللانوس دة حاجة ودة حاجة تانية خالص(حتى لو تساوت القوة الحصانية)مفيش وجة للمقارنة
حاول تركب اوبل قبل ماتشترى علشان تعرف الماتور وامكانياتة

[MOstafa Hashem]

ياااااه .. يا راجل يعنى بعد اللى قولتو ده كلو تقولى لانوس ؟؟ .. الأوبل لاااا تقاااارن بالااانوس تحت اى ظرف وده من وجهة نظرى ..

الأسعار هتلاقى الحاله النظيفه 97-99 من 50 ل 55 ..

[TIM.CENRO.GS]

لو عمرك ما ركبت اوبل قبل كدة....احب اقولك انك هتحس انك راكب حاجة مميزة يعنى انا بحس اللى مش قادر يجيب bmw زى حالاتى بيشترى اوبل ...يعنى فكر المانى تحس ان ليها شخصية لوحدها
وكان فى واحد قال قبل كده الاوبل دى صاج براميل:) وصدق والله
المهم وانت بتشترى خد بالك من الاتى
1-صوت الموتور مريح وعادة بيبقى عالى وكمان استجابة الrpm طبيعية...وحاول تبص ع الشكمان لو بيطلع دخنة سودا عشان متكنش بتاكل بنزين واتاكد ان مفيش زيت كتير حوالين الموتور
2-الحرارة بين 90 ل92 متزيدش عن كدة ابدا
3-التكييف يكون شغال شغال شغال
4-العقشة متكنش بتسكع
5- ودى الاهم لازم لازم تكشف فى التوكيل مهما قالك صاحبها بيعمللك كشف بحالة العربية ميكانيكا بس مش بودى (لانى لبست حاجات بسيطة كان ممكن تفاديها او اخفض السعر بسبب جهلى)

ممكن بقى الاخوة يقوللك على عناوين التوكيل والاسعار لانى معنديش خلفية

[TIM.CENRO.GS]

وبعدين (لا---نوس) متنفعش تتقارن مع الاوبل !!!!
ولا اييييييييييييه
ده كفاية وزن العربيه 1280 كج قول طن ونص لو حد تقيل راكب معاك

[azkalany]

فعلا الماتور الايكوتك بعد سنة 2000 واغلى من الماتور الاسود
الماتور الاسود من 50000ج الى55000 ج الحالة النضيفة فى اقل من 50000ج بس متهانة
الايكوتك من 60000ج الى 65000ج حسب احالة
بالنسبة للمقارنة مع ماتور اللانوس دة حاجة ودة حاجة تانية خالص(حتى لو تساوت القوة الحصانية)مفيش وجة للمقارنة
حاول تركب اوبل قبل ماتشترى علشان تعرف الماتور وامكانياتة

انا مقصودش المقارنة باللانوس كعربية بالكامل، انا اقصد قوة الحصان

[azkalany]

ياااااه .. يا راجل يعنى بعد اللى قولتو ده كلو تقولى لانوس ؟؟ .. الأوبل لاااا تقاااارن بالااانوس تحت اى ظرف وده من وجهة نظرى ..

الأسعار هتلاقى الحاله النظيفه 97-99 من 50 ل 55 ..

فعلا مقصودش المقارنة باللانوس كعربية بالكامل، انا اقصد قوة الحصان
والاسعار اللي موجودة علي .......cars معظمها يتكلم في 45 او 47

[azkalany]

لو عمرك ما ركبت اوبل قبل كدة....احب اقولك انك هتحس انك راكب حاجة مميزة يعنى انا بحس اللى مش قادر يجيب bmw زى حالاتى بيشترى اوبل ...يعنى فكر المانى تحس ان ليها شخصية لوحدها
وكان فى واحد قال قبل كده الاوبل دى صاج براميل:) وصدق والله
المهم وانت بتشترى خد بالك من الاتى
1-صوت الموتور مريح وعادة بيبقى عالى وكمان استجابة الrpm طبيعية...وحاول تبص ع الشكمان لو بيطلع دخنة سودا عشان متكنش بتاكل بنزين واتاكد ان مفيش زيت كتير حوالين الموتور
2-الحرارة بين 90 ل92 متزيدش عن كدة ابدا
3-التكييف يكون شغال شغال شغال
4-العقشة متكنش بتسكع
5- ودى الاهم لازم لازم تكشف فى التوكيل مهما قالك صاحبها بيعمللك كشف بحالة العربية ميكانيكا
بس مش بودى (لانى لبست حاجات بسيطة كان ممكن تفاديها او اخفض السعر بسبب جهلى)

ممكن بقى الاخوة يقوللك على عناوين التوكيل والاسعار لانى معنديش خلفية

شاكر جدا لاهتمام والمعلومات القيمة