مشكلة في حساس الحرارة في إوبل أسترا سيدان 2013

[al3aneed09]

انا عربيتي إوبل أسترا سيدان 2013 كوزمو لسة جديدة بس فيها مشكلة غريبة
لما بغسلها بلاقي درجة الحرارة بالسالب وممكن توصل -50 وبعدها التكييف بيفضل لمدة طويله مش شغال تبريد وممكن يفضل لمدة 10 ساعات وبعد كدة بيرجع يشتغل تاني عادي
الموضوع دا بيتكرر كل مرة أغسل فيها العربية ومش عارف أعمل إية
برجاء الإفادة

[al3aneed09]

أنا حاسس إنها لازم تفضل معفنة علشان التكييف يشتغل كويس

[Thebutcherr]

فى مياه بتيجى على حساس الحرارة يعنى مثلا الفولفو s60 حساس الحرارة بتاعها فى المرايا, ممكن تروح التوكيل يبصولك عليه ممكن يكون معزول ب كوفر و وقع او الفيشة بتاعته مش معزولة فبييجى عليها مياه فبتفصل لحد ما تنشف مثلا بس هى حاجة بسيطة جدا ان شاء الله

[al3aneed09]

شكرا ليك أنا حروح التوكيل إن شاء الله أشوف المشكله دي

[medo111]

بتحصل عندي في الاسترا موديل 2004 من زمان يعني لما تتغسل او لما يكون الجو كان بيشتي بتعمل كدا بس ملهاش علاقه بالتكييف يمكن عندك انت زياده امان

[al3aneed09]

أكيد بس أنا عندي بتأثر علي التكييف لدرجة إنه بيسخن بدل ما يسقع

[احمد فهمى]

اهم حاجه اوعى تغسل المتور بالمياه وحساس الحراره لو بالناقص التكيف مش هيشتغل لأنو هو اللى بيدى اشاره للتكيف وده طبيعى بس الغير طبيعى انو يكون فى مكان معرض للمياه روح التوكيل انت فى الضمان